Mɑtʉ̈ɔ 11:28 - Kɑɑ Fí

²⁸ Pʉʉ pɛtsʉʉ pínɛ pʉʉ tíinɛ piꞋ nǔu mbɑɑndyɔŋ ɛ́ jɔt wʉ́ʉ tɛ pʉʉ kɑ́ɑ, pʉʉ tɔ́ ńtsɛ́t wɑ́ɑ, ŋ ɡɛ pʉʉ jẅiitɛ.

Mɑtʉ̈ɔ 11:28 ပူးပေါင်းရင်းမြစ်များ

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Mɑtʉ̈ɔ 23:4

Pɔ́p cúꞋlɛ piꞋ yi ɛ́ jɔtnɛ tɛꞋ, ńzɑ́p ŋkɑmbʉ̈ɔꞋ-pʉɔmɛsɔŋ, lɑ́ ńdʉꞋ nɛpɔ́ yi kwɑꞋ pɔ́p ɡʉ sǐi ńdɔk mɔ́ncɛꞋ tɔ̂pɔ́ ŋ́ŋɑ́Ꞌ mbɑ ŋɑ́Ꞌnɛ.

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 7:37

Ɛ́ pɔ́ ndẅiknzʉʉ lɛ́Ꞌ-ndínɑ, yi ɛ́ mɑ́mɑ́ lɛ́Ꞌlɑ́Ꞌ, Yɛ́su lɔ sɛ́ ńtʉ́ʉ tsɛtsɛt pʉɔ, ńcú nɛ́ ŋɡi tɛnnɛ ŋɡɔ: «Gɑ́k-ŋu lɑɑ ḿbɔ́ shí, ɑ tɔ́ ńtsɛ́t wɑ́ɑ, ńnɔ́ ŋki.

ŊwɑꞋnɛ-Gɑŋntúu Yɛ́su Kɛlístɔ 15:10

Ŋkɔ̂ɔnɛ, pʉʉ pɛn ŋ́ɡɛ ŋɡɔ́ku ḿbɔ́ ŋ́kwɑꞋlɛ Sɛ́? Pʉʉ lɔɔ nɛtíi piꞋ yi pɛtɑ́t pɛkŋɛ ŋ́kɑɑ ŋ́kuꞋ nɛtíi pɔ́, kwɑꞋ pɛkŋɛ pɛn ḿbɔɔ nǔu kuꞋ, ńzɑ́p tú pɔ́p kɛkʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 20:35

Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

2 Tɛsɑlɔník 1:7

ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.