Mɑtʉ̈ɔ 11:21 - Kɑɑ Fí

²¹ A cú mbɔ̌ pɔ́p ŋɡɔ: «Ndɔɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɛtsɑyídɑ, mɛnu mɔ mí pɛ́ kɑ ɡɛnɛ tsɛtsɛt pʉʉ, ɛ́ m̄bɔ́ pɛ́Ꞌnɛ ḿbɔ́ pɔ tsɛt tʉ́sɔŋ Til pɔ́p Sidɔŋ, mbɔ pɔ́p kɑ lɑ́Ꞌmɔ́ ŋ́kúp mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú ńdɔk ńdúŋ.

Mɑtʉ̈ɔ 11:21 ပူးပေါင်းရင်းမြစ်များ

Mɑtʉ̈ɔ 11:22

Ɛ́ yúu mi ɛ́ ɡɛnɛ n cú ŋɡɔ: Ɛ́ ɡʉ ńdɑ́Ꞌ ḿbɔ́ lɛ́Ꞌ yi Sɛ́ ŋ́ŋɑk pʉɔmɛsɔŋ, yí ŋɡʉ̈ɔ́Ꞌ lɛɛ yɛ́ pʉɔ-Til pɔ́p yɛ́ pʉɔ-Sidɔ́ŋ,

Mɑtʉ̈ɔ 15:21

Yɛ́su ɡɛ ɛ́fú zúꞋu ŋ́ɡʉ nǔu yɛcɔ́ pɑk-ŋɡɔŋ, shʉ́ tʉ́sɔŋ-Tîi pɔ́p Sidɔŋ,

Mɑtʉ̈ɔ 18:7

Ndɔɔ tú-pʉɔ pínɛ pɔ́p ndǔ yɔ mbí, ŋ́ɡɛ pʉɔ fɑɑnɛ mɛnu! Ɛ́ nɛ́nẅín mɛnu ɛ̂mɑ́ ńdɑ́Ꞌ ńjɑ́k pɔ́. Lɑ́ pʉ́ktú kɛ́ ḿbɔ́ ŋu ẅí ɑ ɡʉ ŋ́ɡɛ ŋɡɔ ŋu fɑɑnɛ sɛ̂ndúŋ!

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Mɑ́lɛ́kúshi 3:8

tɛ mbɑ tʉ́sɔŋ-Yɛlúsɑlɛm. Pɛcɔ́ fú yɔ́p ɡúŋ-pɑk-ŋɡɔŋ-Idumɛ́ɛ, pɛcɔ́ fú tɛ mbɑ njʉ́n-ŋki-Juudɛŋ, ŋ́ɡɛ pʉɔ pi pɔ́p nɑ́ŋ ḿbɑ́ɑtɛ tʉ́sɔŋ-Tîi pɔ́p tʉ́sɔŋ-Sidɔŋ. Pɔ́p tɔ́ pɔ́Ꞌɔ, nɛjʉ́ɔ wɛ́, mbíꞌŋɡɔ pɔ́p kɑ pɔ́ ńzúꞋ mbɑ kʉ̈ɔ́ lɑ́ yi ɑ ɡɛnɛ.

Mɑ́lɛ́kúshi 6:45

Yɛ́su ɡɔ́ɔ ńcú mbɔ̌ ɡɑŋku pɛ́ ŋɡɔ pɔ́p kúu kɑnúꞋ, ḿbiitɛ ḿbɔ́ mbi, ńtúu nɛ́ yɛcɔ́ njʉ́n, nǔu ɡúŋ-Mbɛtsɑyídɑ, ɑ tsʉꞋ nzʉʉ ńdɛɛmɛ lɑ́Ꞌ pɔ́p ɡʉ.

Mɑ́lɛ́kúshi 7:24

Yɛ́su ɡɛ ɛ́fú zúꞋu ŋ́ɡʉ nǔu yɛcɔ́ pɑk-ŋɡɔŋ, shʉ́ tísɔŋ-Til, ŋ́kúu tsɛt yɛcɔ́ ndɑ́, ŋ́kɛ́ ḿbɔɔ ḿbɔ́ ŋ́kɔŋ ŋɡɔ pɛ́ jí ŋɡɔ ɑ zúꞋu pɔ́. Lɑ́ pɛ́ kɛ́ ńjí jínɛ.

Mɑ́lɛ́kúshi 7:31

Yɛ́su fú Til, ḿbɔ́ ḿbɛn nɛ́ mbʉʉ Mí-Ŋɡɑlilɛɛ, ńdɔk wɛ́ tʉsɔ́ŋ-Sidɔŋ, ḿbɔ́ ńdɛɛ tsɛt pɑk-lɑ́Ꞌ-mɛtʉ́sɔŋ nɛɡɛ́m.

Mɑ́lɛ́kúshi 8:22

Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.

Lúkɑ́shi 4:26

Tɑ̌ɑ Sɛ́ kɛ́ ńdɑ́Ꞌ ḿbɔɔ ńtúu Ɛlîi njɛ́Ꞌ-ŋu wɔp pɔ́, ńcú, ɑ cẅɛt ŋ́ɡʉ pɔ ndɑ́-mpfúk mɑŋɡɛ́-Sɛlɛ́ptɑ tsɛt ŋɡɔŋ-Sidɔŋ.

Lúkɑ́shi 6:17

Yɛ́su pɔ́p ɡɑŋntúu pɛ́ pi ɑ tsɔ́Ꞌnɛ, fú ndǔ nɛŋkɔ́Ꞌ ńcúŋ tɛ ŋ́kúu sɛ́, ńjʉ́ɔ pɛcɔ́ ɡɑŋku pɛ́ pɔ́ zúꞋu tɛ ńzɑ́ɑ pɔ́p nɔɔ-lɑ́Ꞌ, mbɔ pɛ́ fú nǔu ŋɡɔ́ŋ-Jẅidɛ̂, ɛ́fú tʉ́sɔŋ Yɛlúsɑlɛm, ɛ́fú mɛtʉ́sɔŋ Tîi pɔ́p Sidɔ̂ŋ mi ɛ́ ŋkɑŋ-ŋki.

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Jɑ̂ŋ 1:44

Filîp ɛ̂wɑ́ kɑ pɔ́ ŋu-Mbɛtsɑyídɑ, tʉ́sɔŋ pɛ́ Ndɛlɛ́yɑ pɔ́p Pyɛ̂.

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 12:20

Ɛ́ ḿbɔ́ ŋkɑ́ ɛ̂yɑ́, Fɔɔ Ɛlɔ̂dɛ pɔ́ ńzɑ́ŋ lɔ́ŋ nǔu pʉɔ-tʉ́sɔŋ Tîi pɔ́p tʉ́sɔŋ Sidɔŋ pɑ́Ꞌɑ tɛꞋ. Pɔ́p kɑ zúꞋ pɔ́Ꞌɔ cúꞋlɛ ḿbɔ́ tɑ́Ꞌ ntsu nɛɡʉ ńjʉ́ɔ wɛ́. Ɛ́ lɛɛ pɔ́Ꞌɔ, pɔ́p kút nɛpúꞋ-Mbɛlɑ́tus, ɑ pɔ́ ŋu ẅí jʉ́ pyɛ́pnɛ ndɑ́-fɔɔ, pɑ́Ꞌ ɑ ɡʉ ńnɛn kɛ́m wɔp ŋ́ɡɑ́, cɔ́k yi ɛ́ tsɛtsɛt pɔ́p pɛ́ fɔɔ mɛ. Ńtsɑ́ɑ pɔ́Ꞌɔ, mbíꞌŋɡɔ yúupɛjʉ́ pi pɛ́ kɑ pɔ́ ńjʉ́ tʉ́sɔŋ-Tîi pɔ́p tʉ́sɔŋ-Sidɔŋ, kɑ pɔ́ ɛ́fú pɔ ŋɡɔŋ-fɔɔ Ɛlɔ̂dɛ.

ŊwɑꞋnɛ-Gɑŋntúu Yɛ́su Kɛlístɔ 27:3

Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.

Mɛnu ɛ́ ńdɑ́Ꞌ ńcẅɛt 11:3

Ŋ́ɡʉ nǔu pɑjʉ́njʉ́ɔ pɑ́ɑ pɔ pɛ́pɑ́, mɔ ŋ́ɡɛ ŋ́ɡɑ́ wɔ́p nɛ́ mɛtʉʉ nɛlɔk ńcẅi Ŋkʉʉ wɑ́ɑ. Pɔ́p pɔ́, ḿmɑꞋ mɛndẅí lɔk ńdúŋ nɛvú nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛpɑ́ nɛ́ mɛɡɛ́mɛ́nɛ́ntúkú (1.260).

Mɛnu ɛ́ ńdɑ́Ꞌ ńcẅɛt 6:12

Mɔ́ɔ-Njinjɔ pɔ́ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́nɛ́ntúkú, m bɔ́ ńdíŋɛ, ńzúꞋ tsɛ́tsɑ́ꞌ pûu ńtsʉꞋnɛ pɑ́ꞋtɛꞋ, nɛm shɔtnɛ ɛ́sʉ́ʉ pɑ́Ꞌ ndẅí yi pɛ́ lɔk ńdúŋ nɛvú lɑ́. Sɑŋ pûu ɛ́shɔtnɛ ḿbɑŋ pɑ́Ꞌ mɛci lɑ́.