Mɑtʉ̈ɔ 11:20 - Kɑɑ Fí

²⁰ Yɛ́su cú pɔ́Ꞌɔ, ńzɛ nɛlɑꞋ pʉɔ-mɛtʉ́sɔŋ pí ɑ kɑ ɡʉnɛ zúꞋu, ŋ́ɡɛ mɛŋkʉꞋnɛ nu tɛ ɛ́ zɑ́ɑ, pʉɔ ɛ̂pɑ́ kɛ́ mbɔɔ shɔtnɛ ńcʉ́ɔ nzʉʉ Sɛ́ pɔ́.

Mɑtʉ̈ɔ 11:20 ပူးပေါင်းရင်းမြစ်များ

Mɑtʉ̈ɔ 12:41

Lɑ́ ɛ sẅíi wʉ́ʉ, ɛ́ ɡʉ ńdɑ́Ꞌ lɛ́Ꞌ yi Sɛ́ ŋ́ŋɑk pʉɔmɛsɔŋ, pʉɔ Niniivɛ lɔ sɛ́ ńtɔ́ ńtʉ́ʉ, ńzɑ́p nu tú-pʉɔ pínɛ pɔ́p ndǔ mbí ŋkɔ̂ɔnɛ. MbíꞋŋɡɔ Yɔ́nɑ́ɑshi kɑ cú nu mbɔ̌ pɔ́p, pɔ́p zúꞋ, ŋ́kúp mɑt wɔp. Pɔ́Ꞌɔ, ŋkɔ̂ɔnɛ ŋu ẅí ɑ pɛnnɛ ɛ́sẅíi wʉ́ʉ nɛ́ nu lɔ́Ꞌnɛ pʉʉ pɔɔ pɛ́m, tsɑ Yɔ́nɑ́ɑshi.

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Mɑ́lɛ́kúshi 9:19

Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»

ŊwɑꞋnɛ-Gɑŋntúu Yɛ́su Kɛlístɔ 17:20

Mɛnu mi ɔ sẅíinɛ wɛ́k sɛ́ ŋ́kʉꞋnɛ wɛ́k kʉꞋnɛ́nɛ. Pɛk sɛ́ ŋ́kɔŋ nɛtsuŋ ńjí pɑ́Ꞌ ɔ lɔknɛ ńcú.»

2 Kɔlɛ̂ŋtɛ 12:21

Mɔ sɛ́ ḿbɛn ḿbɔ́ ḿbɔ́k nɛɡɛ ḿbɛn ńtɔ́ tɛ ŋ́kúu lɑ́Ꞌ pʉʉ, Sɛ́ wɑɑ pɛn ŋ́kɔk ndɛn wɑ́ɑ mbi pʉʉ tɛ líkcɔ́ ŋ ɡẅɛɛ nɛlɑɑ mbíꞋ pʉɔ tɛ ńzɑ́ɑ pi pɔ́p tsɛtsɛt pʉʉ, mbɔ pɔ́p kɑ pɔ́ ŋ́ɡɛ mɛnu kɛpɔŋ, pɔ́p ŋkɑɑ mɔ́ mɑt wɔ́p kúpmɛ, pɔ́p ŋkɑɑ mɔ́ cẅɛt nǔu mɛnu-ndǔmbí mɔ́p pɔ́, ŋ́kɛ́ mbɔɔ nu mpfuꞋ yɔ́p mɛꞋ, ŋ́kɛ́ ḿbɔ́ ŋ́kẅiꞋ ŋ́ɡɛ pɔ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛtɛ mbʉʉ yɔp.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Mɛnu ɛ́ ńdɑ́Ꞌ ńcẅɛt 16:11

Ŋɡʉ̈ɔ́Ꞌ yɔp mbɑ mɛfʉ́ŋ mɔ́p ɡɛ pɔ́p zɔɔtɛ Sɛ́ ẅí ɑ tʉ́nɛ́pú, lɑ́ ŋ́kɛ́ mbɔɔ kúpmɛ mɑt wɔp, ḿmɛꞋ mɛfɑꞋ kɛpɔŋ mɔ́p pɔ́.

Mɛnu ɛ́ ńdɑ́Ꞌ ńcẅɛt 16:9

ZʉꞋ kɛ ŋ́ɡɔ́ɔ ńtɔɔnɛ tɔɔnɛnɛ tɛ ńtɔɔ pʉɔmɛsɔŋ. Pɔ́p zɔɔtɛ lík-Sɛ́, ẅí jʉ́ ɡɛnɛ lɑ pɔ́p jʉ́ɔ yɔ ŋɡʉ̈ɔ́Ꞌ ntɛ́ nɛ́ ntɛ́, ŋ́ɡɛ pɔ́Ꞌɔ, ŋ́kɛ́ mbɔɔ kúpmɛ mɑt wɔ́p ŋ́ɡɑ́ nɛɡúꞋ mbɔ̌ Sɛ́ pɔ́.

Mɛnu ɛ́ ńdɑ́Ꞌ ńcẅɛt 2:21

Ŋ kɑ nɑ́Ꞌ ḿbɔ́ ńzẅíꞋlɛ zẅíꞋlɛ́nɛ ŋɡɔ ɑ kúpmɛ mɑt wɛ. Lɑ́, ɑ pɔɔ ḿbɔ́ ŋ́kɔŋ nɛkúpmɛ mɑt-mpfuꞋ ɛ̂wɑ́ pɔ́.