Mɑtʉ̈ɔ 10:4 - Kɑɑ Fí

⁴ ŋ́ɡɛ Símɔ mɔ́ɔ-ŋɡɔŋ pɔ́p Jẅidɑ Iskɑlyɔt ẅí ɑ kɑ ɡɛnɛ ɛ́fɛn Yɛ́su.

Mɑtʉ̈ɔ 10:4 ပူးပေါင်းရင်းမြစ်များ

Mɑtʉ̈ɔ 26:14

Wɛcɔ́ tɑ́Ꞌ ŋu nǔu pʉɔ ntsɔ̌ppɑ́ nɛ́ nɛɡɛ́m, lík yɛ́ pɔ́ Jẅidɑ Iskɑlyɔt, ɡʉ ńjʉ́ɔ pɛtɑ́tndɑ́-pɑnɔŋpɔꞋ,

Mɑtʉ̈ɔ 26:15

ńcú mbɔ̌ pɔ́p ŋɡɔ: «N dɑɑ ńnyɛt wʉ́ʉ pɑ́Ꞌ pʉʉ ɡʉ ŋ́ɡɛ lɑ ŋ́ɡẅɛɛ Yɛ́su, pʉʉ ɡɑ́ kʉ̈ɔ́ mbɔ̌ mɔ?» Ɛ́ ɡɛ pɔ́Ꞌɔ, pɔ́p ɡɑ́ ŋkɑ́p pɑk mɛɡɛ́mɛ́ntɑ́t mbɔ̌ wɛ́.

Mɑtʉ̈ɔ 26:2

«Pʉʉ zɛɛ ḿbɔ́ ńjí ŋɡɔ, ɛ́ tsʉ́Ꞌ ńjɑ́k pɔ lɛ́Ꞌ pɛ́pɑ́ pɛ́ jʉ́ ndínɑ-Pɑ́skɑ. Ŋkɑ́ yi pɛ́ ɡʉ ɛ́fɛn Mɔ́ɔ-Ŋu, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.»

Mɑtʉ̈ɔ 26:47

Yɛ́su pɛ́t ńcú cúnɛ, Jẅidɑ, ẅí ɑ wɛcɔ́ tɑ́Ꞌ nǔu ɡɑŋku pɛ́ ntsɔ̌ppɑ́ nɛ́ nɛɡɛ́m tɔ́, lɑ́Ꞌ pɔ́ nzʉʉ yɛ́ tɛ ńzɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ, ḿbɔ́ pʉɔ pínɛ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ túunɛ wɔ́p.

Mɑtʉ̈ɔ 27:3

Jẅidɑ ẅí ɑ kɑ fɛnnɛ Yɛ́su zúꞋ pɑ́Ꞌ pɛ́ zɑ́Ꞌnɛ ntsɑŋ ŋɡɔ pɛ́ ɡʉ ńjẅí Yɛ́su, ŋ́ɡɔ́ɔ ŋ́kɛ́ ńzɛ nɛmʉk yúu mi ɑ kɑ ɡɛnɛ, ḿbɛ́ɛ ŋkɑ́p yi ɑ kɑ cẅɛ́ɛnɛ pɑk mɛɡɛ́mɛ́ntɑ́t nǔu yɔ nu lɑ́, ńdɔk ŋ́ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ,

Mɑ́lɛ́kúshi 14:10

Ŋ́ɡɔ́ ḿbɔ́ wɛcɔ́ tɑꞋ ŋu nǔu pʉɔ-Yɛ́su ntsɔ̌ppɑ́ nɛ́ nɛɡɛ́m, lík yɛ́ pɔ́ Jẅidɑ Iskɑlyɔt pɛn ŋ́ɡʉ ńjʉ́ɔ mɑ́nzɔŋ-pɛtɑ́tndɑ́-pɑnɔŋpɔꞋ, pɔ́p pɛpɔ́p kwɑŋɛ pɑꞋ ɑ ɡʉ ŋ́ɡɛ lɑ́ ɛ́fɛn Yɛ́su mbɔ̌ pɔ́p.

Mɑ́lɛ́kúshi 14:43

Yɛ́su pɛ́t ńcú cúnɛ, Jẅidɑ ẅí ɑ wɛcɔ́ tɑꞋ nǔu pʉɔ pɛ́ ntsɔ̌ppɑ́ nɛ́ nɛɡɛ́m tɔ́. LɑꞋ pɔ́ nzʉʉ yɛ́ tɛ ńzɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ, ḿbɔ́ pʉɔ pi pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, mbɑ pɛkɛ́m-lɑ́Ꞌ túunɛ.

Lúkɑ́shi 22:3

Sɑ́ttɑ kúu tsɛt tʉ́m Jẅídɑ, ɑ pɔ́ wɛcɔ́ tɑ́Ꞌ ŋu nǔu pʉɔ ntsɔ̌ppɑ́ nɛ́ nɛɡɛ́m, ẅi yɛcɔ́ lík yɛ́ kɑ pɛnnɛ ḿbɔ́ ŋɡɔ Iskɑlyɔt.

Lúkɑ́shi 22:47

A kɑ pɛ́t ńcú cúnɛ, nɔɔ-lɑ́Ꞌ tɔ́, tɛ Jẅídɑ ẅí ɑ ḿbɔ́nɛ wɛcɔ́ tɑ́Ꞌ ŋu tsɛtsɛt ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́ mbi, ŋ́kẅɛ́Ꞌlɛ ńtɔ́ nɛ́ nɛjɔ́ŋ Yɛ́su, ńtɑ́ŋtɛ wɛ́, ńcɛꞋlɛ wɛ́.

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Jɑ̂ŋ 6:64

Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.

Jɑ̂ŋ 6:71

Yɛ́su cú pɔ́Ꞌɔ, ńdɑ́Ꞌ Jẅidɑ, mɔ́ɔ-Símɔ Iskɑlyɔt. Jʉ́ kɑ pɔ́nɛ ŋ́ɡʉ ŋ́ɡɛ ɛ́fɛn Yɛ́su, tɛ mbɑ pɑ́Ꞌ ɑ m̄bɔ́nɛ tsɛtsɛt pʉɔ ntsɔ̌ppɑ́ nɛ́ nɛɡɛ́m.

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 1:25

Ẅîwɑ́ ŋu tsʉ́Ꞌ ŋɡɑŋtúu Yɛ́su, ńtʉ́ʉ nǔu zʉꞋ-Jẅidɑ ḿbɔ́nɛ zúꞋu lɑ ḿmɛꞋ ŋ́ɡʉ nɛ́ yɛ́ zʉꞋ lɑ́.»