Mɑtʉ̈ɔ 10:32 - Kɑɑ Fí

³² Jínɛ ŋɡɔ ŋu lɑɑ ńcú mbi lɑ́Ꞌ ŋɡɔ: «ɑ ŋu wɑɑ.» Mbɔ ŋ ɡʉ ńdɑ́Ꞌ ńcú yɑ́ɑ mbi Tɑ̌ɑ mɔ ẅí ɑ tʉ́nɛ́pú ŋɡɔ: «Ŋu wɑ́ wɑɑ ŋu.»

Mɑtʉ̈ɔ 10:32 ပူးပေါင်းရင်းမြစ်များ

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Jɑ̂ŋ 9:22

Tɑ́t wɛ pɔ́p mɑ́ wɛ, pɔ́ ńcú pɔ́Ꞌɔ, mbíꞋŋɡɔ pɔ́p kɑ pɔ́ ḿbɔ́k pɑsɑ́Ꞌlɑ́Ꞌ-pɑyúdɑ. Ɛ́ ɡɔ́ ḿbɔ́, mbɔ pɑyúdɑ kɑ zɑ́b ŋɡɔ ŋu lɑɑ ḿbɛ́m ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ, pɛ́ fú ndɑ́-cúꞋlɛ ńzuŋ ŋɡɑŋ.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

1 Jɑ̂ŋ 4:15

Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 3:5

Ɛ́ pɑ́Ꞌ ŋu ẅí ɑ ɡʉ ńdɑ́Ꞌ ńdʉ̈ɔ́Ꞌ ntsɔ tɛ ńdɛɛ nu kɛpɔŋ ɡʉ ńdɑ́Ꞌ ḿmɑꞋ mɛfúfú ndẅí pɔ́Ꞌɔ. Mɔ, m bɛn ḿbɔɔ lɑ́Ꞌ ńzɑ́Ꞌ lík yɛ́ tsɛt ŋwɑꞋnɛ yi Sɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́. Ŋ ɡɛ tʉ́ʉ mbi Tɑ̌ɑ mɔ pɔ́p pɛcʉ̈ɔ́Ꞌ pɛ́, ńcú ŋɡɔ ɑ wɑɑ ŋu.