Mɑtʉ̈ɔ 10:3 - Kɑɑ Fí

³ ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Mɑtʉ̈ɔ 10:3 ပူးပေါင်းရင်းမြစ်များ

Mɑtʉ̈ɔ 18:17

Lɑ́ ɑ kɛ́ ńdʉꞋ nɛzúꞋ nu yi pɔ́p cúnɛ, ɔ lɔk yɔ nu ŋ́ɡʉ cúꞋlɛ-pʉɔ-Sɛ́. A pɛn ńdʉꞋ nɛzúꞋ nu yí cúꞋlɛ cúnɛ, ɔ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ kɑ́ Jí Sɛ́ pɔ́, kɛ pɔ pɑ́Ꞌ pɛ́ líŋɛ́nɛ ńcẅɛ́ɛntsup-Pɑlɔ́mɑ ɔɔ.

Mɑtʉ̈ɔ 27:56

Ɛ́ m̄bɔ́ tsɛtsɛt pɔ́p, yɔ pɔ́ Mɑlíyɑ-Mɑkdɑlɑ, ŋ́ɡɛ Mɑlíyɑ mɑ́ pɛ́ Jɑ̂k pɔ́p Yɔsɛ̂p, ḿbɛn ŋ́ɡɛ mɑ́ pɛ́ pɔ́ɔ-Zɛbɛ́dɛ́ɛ.

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑ́lɛ́kúshi 15:40

Pɛcɔ́ pɑŋɡɛ́ kɑ tʉ́ʉ yɔ́p pɔ ŋɡɑ sɛsɑ ḿbɔ́ ńdíŋɛ. Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɔsɛ́ɛ ḿbɛn ḿbɔ́ wɛ Jɑ̂ŋ wɛ mbɑ́ɑtɛ pɔ́ tsɛtsɛt pɔ́p,

Mɑ́lɛ́kúshi 2:14

A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Lúkɑ́shi 18:10

ńcú ŋɡɔ: «Pɛcɔ́ pʉɔ pɛ́pɑ́ kɑ lɑ́Ꞌ ḿbʉʉ ndɑ́-nɛnɔŋpɔꞋ nɛcɛꞋlɛ Sɛ́. Tɑ́Ꞌ pɔ́ ŋu nǔu nɔɔ-Pɑfɑlísɑy, wɛcɔ́ pɔ́ ncẅɛɛntsup-Pɑlɔ́mɑ.

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Lúkɑ́shi 18:13

Ncẅɛ́ɛ ntsup ɛ̂wɑ́ tʉ́ʉ yɛ́ pɔ tɛ nzʉʉ, ḿbɔɔ kuꞋ nɛpʉꞋ tú yɛ́ ńdíŋɛ tʉ́ pɔ́, ɛ́sɔp tú yɛ́ sɛ́ ńcú ŋɡɔ: “Ɔ́ɔ! Sɛ́, tsɑ́ɑ mɛjʉ́ŋ mɑ́ɑ, mɔ yɑ́ɑ pɔ ŋu kɛpɔŋ!”»

Lúkɑ́shi 19:2

Wɛcɔ́ ŋu cẅɛt, lík yɛ́ pɔ́ ŋɡɔ Sɑkíyɔ, ɑ pɔ́ tɑ́tndɑ́-pɑcẅɛ́ɛntsup-Pɑlɔ́mɑ, ḿbɔ́ ŋɡɑŋyúu tɛꞋ.

Lúkɑ́shi 5:27

Yɛ́su ɡɛ pɔ́Ꞌɔ ńcẅɛt ḿbɔ́ ŋ́ɡʉ, ńjʉ́ɔ wɛcɔ́ ŋu ẅi pɛ́ fúŋnɛ wɛ́ ŋɡɔ Lɛ́vi, ɑ pɔ́ ńcẅɛ́ɛntsup-Pɑlɔ́mɑ, ɑ nɑ́ŋ zʉꞋ pɛ́ cẅɛ́ɛnɛ ntsup-pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Cʉ́ɔ nzʉʉ mɔ!»

Jɑ̂ŋ 1:48

Nɑtɑnɑyɛ̂l píkŋɛ Yɛ́su ŋɡɔ: «Ɔ jí wɑ́ɑ ɡɔ́?» Yɛ́su pʉ̈ɔt mbɔ̌ wɛ́ ŋɡɔ: «Filîp lɑ́Ꞌ ŋ́ɡɔ ɛ́fúŋ wú pɑ́Ꞌɑ m bɔ́ ńjʉ́ɔ wú jʉ́ɔnɛ. Ɔ lɑ́Ꞌ ńnɑ́ŋ nɛtsɛ́n-tʉ́-ŋɡɛ̌m.»

Jɑ̂ŋ 11:16

Tɔ́mɑ́shi ẅí pɛ́ kɑ pɔ́ ḿbɛn ɛ́fúŋ wɛ́ ŋɡɔ mɔ́ɔnɛfɑ́k, cú mbɔ̌ pɛcɔ́ ɡɑŋku-Yɛ́su ŋɡɔ: «Pʉʉ tɔ́ pɛkŋɛ pɔ́p ɡʉ, ńtɛmtɛ ḿpfú.»

Jɑ̂ŋ 14:22

Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 14:5

Tɔmɑ́shi cú mbɔ̌ wɛ́ ŋɡɔ: «Tsɑpʉɔ, pɛk kɑ́ pɔ́ ńjí zʉꞋ yí ɔ ɡʉnɛ nɛ́ zúꞋu pɔ́. Pɛk ɡʉ ŋ́ɡɛ pɑ́Ꞌ lɑ́ ńjí sɛ̂ndúŋ?»

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 12:17

Pyɛ̂ mɑꞋtɛ pɔ́ ńdɔk ńcú ŋɡɔ pɔ́p nɑ́Ꞌ. Pɔ́p nɑ́Ꞌ, ɑ zɛ nɛpɛ́ɛtɛ ɛ́sẅíi wɔ́p pɑ́Ꞌ Tsɑpʉɔ lɑ́Ꞌnɛ ŋ́ɡɛ lɑ́ ɑ cẅɛt ndɑ́tsɑ́ŋ, ḿbɛn ńcú mbɔ̌ pɔ́p ŋɡɔ: «Pʉʉ ɡʉ ńdɛꞋlɛ yɔ nu, mbɔ̌ Jɑ̂k mbɑ mbɔ̌ pɛcɔ́ pɔ́ɔpɛ́mɑ́, ńcú pɔ́Ꞌɔ, ńcẅɛt, ŋ́ɡʉ nɛ́ zʉꞋ ndɛꞋ.»

ŊwɑꞋnɛ-Gɑŋntúu Yɛ́su Kɛlístɔ 15:13

Pɔ́p pɛ́ɛtɛ tɛ ḿbɔ́tnɛ ńnɑ́ŋ, Jɑ̂k cú yɛ́ ŋɡɔ: «Pɔ́ɔpɛ́mɑ́ pɑ́ɑ, pʉʉ zẅíꞋlɛ nu yi mɔ ńcú.

ŊwɑꞋnɛ-Gɑŋntúu Yɛ́su Kɛlístɔ 21:18

Njí ɡɛ ŋ́kiɛ, pɛk pɛ́ Pɔ̂l ɡʉ njɛ́Ꞌ-Jɑ̂k, ŋ́kúu zúꞋu pɑcẅɛ́ɛ mbi tsɛt cúlɛ-pʉɔ-Kɛlístɔ yi Yɛlúsɑlɛm tɔ́ yɔ́p.

Ŋɡɑlɑ̂t 1:19

ɑ kɑ́ pɔ́ ndɑꞋ jʉ́ pɔ́, mbɔ mɔ ŋkɑɑ pɛn ńjʉ́ɔ wɛcɔ́ ŋɡɑŋntúu-Yɛ́su wɛ ndɛꞋ pɔ́, ŋ kɑ pɛn ńjʉ́ɔ pɔ Jɑ̂k mɔ́ɔmɑ́ pɛ Tsɑpʉɔ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.