Mɑtʉ̈ɔ 10:22 - Kɑɑ Fí

²² Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

Mɑtʉ̈ɔ 10:22 ပူးပေါင်းရင်းမြစ်များ

Mɑtʉ̈ɔ 10:39

Ŋu lɑɑ ŋɡɔ ɑ ɡʉ ḿbɑ́ɑ wɛ nɛpɔ́, mbɔ ɑ ɡʉ ḿbɛ́, lɑ́ ŋu ẅí ɑ pɛn ḿbɛ́m nɛpɛ́ mɛlɑ́Ꞌ wɑ́ɑ ɡʉnɛ ḿbɔ́ ɡú.

Mɑtʉ̈ɔ 24:13

Lɑ́, ŋu ẅí ɑ ɛ́sʉk sʉknɛ kɛ́ kɑɑ ɡʉnɛ ŋ́ɡɛ ńduk.

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

Mɑ́lɛ́kúshi 13:13

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ ńdɑ́Ꞌ sʉk kɛ́ kɑ́ɑ ɡʉnɛ ŋ́ɡɛ ńduk.»

Lúkɑ́shi 21:17

Pʉɔ tsʉʉ ɡɛ ńdɑ́Ꞌ mbuu ḿbɑɑ wʉ́ʉ mɛlɑ́Ꞌ wɑ́ɑ.

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Jɑ̂ŋ 17:14

Ŋ kɑ cú nu yú mbɔ̌ pɔ́p, pʉɔ-ndǔmbí pɑɑ wɔ́p mbíꞋŋɡɔ pɔ́p zɛɛ ḿbɔɔ pʉɔ-ndǔmbí pɔ́ pɑ́Ꞌ mbɑ mɔ yɑ́ɑ ŋ kɑ́ pɔ́ ŋu-ndǔmbí pɔ́.

Jɑ̂ŋ 7:7

Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

2 Kɔlɛ̂ŋtɛ 4:11

Pɛk pí pɛk pɛ́t ɡú, pɛk ŋkɑ́ tsʉʉ ḿbɔ́ pɔ ntsu-nɛvú, mbíꞋ nu-Yɛ́su. Ɛ́ pɔ́Ꞌɔ, nɛpɔ́ yi pɛ́ ɡʉ ńdíŋɛ wɛ́k, ńjʉ́ɔ ŋɡɔ luk-Yɛ́su nǔu mbʉʉ yɛk tɛ mbɑ pɑ́Ꞌ ɛ́ ɡʉ ŋ́ɡɛ ḿpfú.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Jɑ̂ŋ 3:13

Pɔ́ɔpɛ́mɑ́ pɑ́ɑ, pʉɔ-ndǔmbí lɑɑ ḿbɑɑ wʉ́ʉ, Kɔɔ pʉʉ mɑ̌ɑmɑɑnɛ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:26

Ɛ́ ɡʉ nǔu ŋu ẅí ɑ ɡʉ ŋ́ɡɛ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ɑ ŋu ẅí ɑ ɡʉ ŋ́ɡɛ ŋ́kɛ́ ḿbɔ́ ŋ́ɡɛ pɔ yúu mi ŋ kɑ cúnɛ ŋɡɔ pɛ́ pɔ́ ŋ́ɡɛ, ɛ́ nɛɡɛ pɔ pɔ́Ꞌɔ, tɛ ŋ́kúu ndẅiknzʉʉ lɛ́Ꞌ, mbɔ mɔ, ŋ ɡʉ ńdɑ́Ꞌ ŋ́ɡɑ́ mɛtʉʉ mbɔ̌ wɛ́, ɑ lɔk ɛ́sɑ́Ꞌ pɑkɛ́jí Sɛ́.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.