Mɑtʉ̈ɔ 10:2 - Kɑɑ Fí

² Mɛlík-ɡɑŋntúu-Yɛ́su ntsɔ̌ppɑ́ nɛ́ nɛɡɛ́m ɛ̂yɑ́ pʉ́ɔ: Nduŋmbi Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂. Wɛcɔ́ pɔ́ Ndɛlɛ́yɑ ḿbɔ́ mɔ́ɔmɑ́ pɛ́ Pyɛ̂. Pɛcɔ́ pɔ́ Jɑ̂k mɔ́ɔ-Zɛbɛ́dɛ́ɛ pɔ́p mɔ́ɔmɑ́ wɛ Jɑ̂ŋ,

Mɑtʉ̈ɔ 10:2 ပူးပေါင်းရင်းမြစ်များ

Mɑtʉ̈ɔ 17:1

Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.

Mɑtʉ̈ɔ 20:20

Mɑ́ pɛ́ Jɑ̂k pɔ́p Jɑ̂ŋ, pɔ́ɔ-Zɛbɛ́dɛ́ɛ, lɔk wɔ́p ńtɔ́ mbi Yɛ́su, ŋ́kẅíꞋlɛ sɛ́ nɛlɔ́ɔ yɛcɔ́ yúu mbɔ̌ wɛ́.

Mɑtʉ̈ɔ 26:37

ɛ́fɑk pyɛ̂ pɔ́p mbɔ́ŋkʉ̈ɔ́ Zɛbɛ́dɛ̂ pɛ́pɑ́, pɔ́p pɛpɔ́p ɡʉ, ɑ zɛ nɛzúꞋ kɛ́kɑ́ŋ tʉ́m yɛ́, nɛvú kwɛ́t wɛ́,

Mɑtʉ̈ɔ 4:18

Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.

Mɑtʉ̈ɔ 4:21

Pɛ́ nɑꞋ ńzɛɛ ńnɛn, Yɛ́su pɛn ńjʉ́ɔ pɛcɔ́ pɔ́ɔpɛ́mɑ́ pɛ́pɑ́ Jɑ̂k pɔ́p Jɑ̂ŋ, pɔ́p pɔ́ pɔ́ɔ-Zɛbɛ́dɛ́ɛ, pɔ́p pɛ́ tɑ̌ɑ wɔp pɔ́ tsɛt kɑnúꞋ ḿbɔ́ ńniitɛ mɛŋkʉ mɔ́p, ɑ fúŋ wɔ́p.

Mɑ́lɛ́kúshi 1:29

Yɛ́su pɔ́p ɡɑŋku pɛ́ ɡɔ́ɔ ɛ́fú ndɑ́-cúꞌlɛ ńcẅɛt. Pɔ́p Jɑ̂k ŋ́ɡɛ Jɑ̂ŋ ɡʉ ndɑ́ pɛ́ Símɔ pɔ́p Ndɛlɛ́yɑ.

Mɑ́lɛ́kúshi 13:3

Pɔ́p ɡʉ tɛ ŋ́kúu ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, Yɛ́su nɑ́ŋ sɛ́ tɛ ḿbɔ́ ńjʉ́ɔ zʉꞋ-nɔŋpɔꞋ. Pyɛ̂ pɔ́p Jɑ̂k, ŋ́ɡɛ Jɑ̂ŋ pɔ́p Ndɛlɛ́yɑ fɑk mbʉʉ yɔp, ńtɔ́ ḿbíkŋɛ wɛ́ ŋɡɔ:

Mɑ́lɛ́kúshi 6:30

Gɑŋntúu-Yɛ́su ɛ̂pɑ́ ɡʉ tɛ ḿbɛn, ńtɔ́ ńcúꞋlɛ nɛjɔ́ŋ yɛ́, ḿbɔ́ ḿbɛ́ɛtɛ yúu tsʉʉ yi pɔ́p ɡɛnɛ, ɛ́sẅíi wɛ́ tɛ mbɑ yúu mi pɔ́p zíꞋnɛ pʉɔ.

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Lúkɑ́shi 22:14

Ŋkɑ́ ɡɛ ŋ́kuꞋ, Yɛ́su pɔ́p ɡɑŋntúu pɛ́ tɔ́ ńnɑ́ŋ sɛ́,

Lúkɑ́shi 22:8

Yɛ́su túu Pyɛ̂ pɔ́p Jɑ̂ŋ, ńcú mbɔ̌ pɔ́p ŋɡɔ: «Pʉʉ ɡʉ niitɛ yɛkŋɛ yúu-Pɑ́skɑ, pɛkŋɛ jʉ́.»

Lúkɑ́shi 5:10

Tɛ mbɑ Jɑ̂ŋ pɔ́p Jɑ̂k, pɔ́ɔ-Zɛbɛdɛ, pɛsúu-Simɔ̂ŋ, pɛn ŋ́ɡɔ́ɔ ḿbɔ́k yɔ́p tɛꞋ. Lɑ́ Yɛ́su cú mbɔ̌ Simɔ̂ŋ ŋɡɔ: «Kɔɔ pɔ́k tɛꞋ, tɛ ɛ́fú lɔ́Ꞌnɛ, ɔ ɡʉ ńnɑ́ nɛɡẅɛɛ mɛshú ńtsʉ́ꞌ ńcúꞋlɛ pɔ pʉɔmɛsɔŋ.

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Jɑ̂ŋ 12:22

Filîp ɡʉ ɛ́sẅíi Ndɛlɛ́yɑ, pɔ́pmɛ́ pɛ́pɑ́ ɡʉ ńcú mbɔ̌ Yɛ́su.

Jɑ̂ŋ 13:23

Wɛcɔ́ tɑ́Ꞌ nǔu ɡɑŋku Yɛ́su ẅi ɑ kɑ pɔ́ ŋ́kɔŋ wɛ́ tɛꞋ, pɔ́ nɛjɔ́ŋ yɛ́ ḿbɔ́ ńjʉ́ yúu.

Jɑ̂ŋ 20:2

A kʉ̈ɔ́, ŋ́ɡʉ ńjʉ́ɔ Símɔ̂ŋ Pyɛ̂ pɔ́p wɛcɔ́ ŋɡɑŋku-Yɛ́su wɑ́ ẅi ɑ kɑ pɔ́ ŋ́kɔŋ wɛ́ tɛꞋ lɑ́, ńcú mbɔ̌ pɔ́p ŋɡɔ: «Pɛ́ lɑ́Ꞌ ɛ́fú tsɛt nɛshi ɛ̂nɑ́, ńcẅɛɛtɛ pfú-Tsɑpʉɔ. Pɛk kɑ́ pɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

Jɑ̂ŋ 21:20

Pyɛ̂ shɔtnɛ, ńjʉ́ɔ ŋɡɑŋku ẅí Yɛ́su kɔŋnɛ wɛ́ tɛꞋ lɑ́, ẅi pɛ́ kɑ pɔ́ ńjʉ́ yúu, ɑ ŋɔ́nɛ nɛtúutɛ-Yɛ́su ḿbíkŋɛ wɛ́ ŋɡɔ Tsɑpʉɔ wɔ̌ ɡʉnɛ ɛ́fɛn wú?

Jɑ̂ŋ 21:24

Ẅîwɑ́ ŋɡɑŋku-Yɛ́su ẅi pɛ́ cúnɛ, kɑ jʉ́ɔ mɔnɛ mɛnu, jʉ́ kɑ ŋwɑꞋnɛ́nɛ. Pɛk pɛn ḿbɔ́ ńjí ŋɡɔ nu yí ɑ cúnɛ ɛ́ nɛ́nẅín.

Jɑ̂ŋ 6:67

Yɛ́su ɡɛ ńcú mbɔ̌ pʉɔ ntsɔ̌ppɑ́ nɛ́ nɛɡɛ́m ŋɡɔ: «Pʉʉ kɑ́ pɔ́ ŋ́kɔŋ yʉ́ʉ nɛɡʉ pɔ́ kɛ?»

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Jɑ̂ŋ 6:71

Yɛ́su cú pɔ́Ꞌɔ, ńdɑ́Ꞌ Jẅidɑ, mɔ́ɔ-Símɔ Iskɑlyɔt. Jʉ́ kɑ pɔ́nɛ ŋ́ɡʉ ŋ́ɡɛ ɛ́fɛn Yɛ́su, tɛ mbɑ pɑ́Ꞌ ɑ m̄bɔ́nɛ tsɛtsɛt pʉɔ ntsɔ̌ppɑ́ nɛ́ nɛɡɛ́m.

Jɑ̂ŋ 6:8

Wɛcɔ́ ŋɡɑŋku-Yɛ́su pɔ́ zúꞋu, lík yɛ́ pɔ́ ŋɡɔ Ndɛlɛ́yɑ, ɑ pɔ́ mɔ́ɔmɑ́ pɛ́ Símɔ̂ŋ Pyɛ̂. A cú mbɔ̌ Yɛ́su ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 1:26

ŃcɛꞋlɛ Sɛ́ tɛ ḿbɔ́tnɛ ńnɑ́ŋ, ḿmɑꞋ ńtíitɛ nɛlɔk ńdɔɔ ŋu ẅí Tsɑpʉɔ tsɔ́Ꞌnɛ wɛ́, ɛ́ vu nǔu Mɑtíyɑs. Pɛ́ kẅiꞋ wɛ́ nǔu nɔɔ-pɑpɛ́m Yɛ́su ntsɔ̌pmɔꞋ nɛ́ nɛɡɛ́m.

ŊwɑꞋnɛ-Gɑŋntúu Yɛ́su Kɛlístɔ 12:2

ńtúu pɛ́ ɡʉ ńdɔk níi-ntsɔ ńjẅí Jɑ̂k ẅí ɑ mɔ́ɔmɑ́ pɛ́ Jɑ̂ŋ.

ŊwɑꞋnɛ-Gɑŋntúu Yɛ́su Kɛlístɔ 3:1

Ɛ́ pɔ́ yɛcɔ́ mbɔ́tnjí, tɛ nɛm yɛ́tɑ́t ŋkɑ́ yi Pɑyúdɑ cɛꞋlɛ́nɛ Sɛ́ pɔ́ ŋ́kuꞋ. Pyɛ̂ pɔ́p Jɑ̂ŋ pʉʉ ŋ́ɡʉ ZʉꞋ-nɔŋpɔꞋ.

1 Kɔlɛ̂ŋtɛ 15:7

A kɑ ɡɛ ḿbɑ́ɑtɛ ńnyɛt mbʉʉ yɛ́ mbɔ̌ Jɑ̂k ḿbɛn ńnyɛt mbɔ̌ ɡɑŋntúu pɛ́tsʉʉ.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Jɑ̂ŋ 1:1

Mɔ ẅí mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ mɑ́ pɛ́ mbɔ́ŋkʉ̈ɔ́ ẅi Sɛ́ kɑ tsɔ́Ꞌnɛ. M bɛn ŋ́ɡɑ́ mbɑ mbɔ̌ mbɔ́ŋkʉ̈ɔ́ pɛ́, n tsuŋ ŋ́kɔŋ wʉ́ʉ pɛ́tsʉʉ, mbíꞋŋɡɔ pɛkŋɛ pɛtsʉʉ tɛmtɛ ńtʉ́ʉ nǔu nu nɛ́nẅín, ɛ́ kɑ́ pɔ́ ndɑꞋ wɑ́ɑ wi ŋ kɔŋnɛ wʉ́ʉ pɔ́, mbɑ wɔ̌ lɑ́ ẅi ɑ tʉ́ʉnɛ nǔu nu nɛ́nẅín pɛn ŋ́kɔŋ wʉ́ʉ ɡúu.

3 Jɑ̂ŋ 1:1

Mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ ɡu Gɑẅîs, súu wɑ́ɑ wɛ tʉʉndɛn. Ŋ kɔŋ wú mbíꞋŋɡɔ pûu tɛmtɛ ńtʉ́ʉ nǔu nu nɛ́nẅín.

Mɛnu ɛ́ ńdɑ́Ꞌ ńcẅɛt 1:1

Nu yi ɛ́ tsɛt yɔ ŋwɑꞋnɛ ɛ́ yi ɛ́ kɑ lʉɔmɛ́nɛ, Yɛ́su Kɛlístɔ ɡɛ ŋ́ɡɛ pɛ́ jí. Ɛ́ ɡɔ́ ḿbɔ́, mbɔ Sɛ́ zɑ́Ꞌ njí ŋ́ɡɛ Yɛ́su jí yîyɑ́ nu nɛpɔ́ yi ɑ ɡʉ ńdɛꞋlɛ mbɔ̌ pʉɔ pɛ́ nɛ́ yúu mi ɛ́ ɡʉ fɛ́Ꞌnɛ ńtɔ́. Kɛlístɔ kɑ túu cʉ̈ɔ́Ꞌ wɛ, ɑ ɡʉ ńdɛꞋlɛ yîyɑ́ nu mbɔ̌ Jɑ̂ŋ ẅí ɑ ŋɡɑŋfɑꞋ-Yɛ́su.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 18:20

Pʉʉ tʉ́nɛ́pú, pʉʉ tsɑ́ɑtɛ tsɑ́ɑtɛ́nɛ mbíꞋ pɑ́Ꞌ Bɑbilɔ̂n vunɛ sɛ́. Mbɑ pʉʉ pʉɔ-Sɛ́, pʉʉ ɡɑŋntúu nɛ pɑcẅiŋkʉʉ-Sɛ́, pʉʉ tsɑ́ɑtɛ yʉ́ʉ. MbíꞋŋɡɔ Sɛ́ ŋɑk wɛ́ nǔu nu kɛpɔŋ yi ɑ kɑ ɡɛnɛ nǔu pʉʉ.

Mɛnu ɛ́ ńdɑ́Ꞌ ńcẅɛt 22:8

Mɔ Jɑ̂ŋ, ŋ kɑ zúꞋ mɔnɛ mɛnu, ḿbɛn ńjʉ́ɔ. Ŋ kɑ zúꞋ mɔnɛ mɛnu ḿbɛn ńjʉ́ɔ pɔ́Ꞌɔ, ńnɔŋ mɛku Cʉ̈ɔꞋ-Sɛ́ nɛɡúꞋlɛ wɛ́, ɑ Cʉ̈ɔꞋ-Sɛ́ ẅi ɑ kɑ pɔ́ ńnyɛt wɑ́ɑ nɛ́ mîmɑ́ mɛnu.