Mɑtʉ̈ɔ 10:15 - Kɑɑ Fí

¹⁵ Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 10:15 ပူးပေါင်းရင်းမြစ်များ

Mɑtʉ̈ɔ 12:36

Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.

Mɑtʉ̈ɔ 5:18

Lɑ́ ŋ kɛ́ ɛ́sẅíi wʉ́ʉ, kwɑꞋ nɛ́nẅín, nɛpú pɔ́p tsɛ́tsɑ́Ꞌ lɑɑ ńdɑ́Ꞌ ńnɑ́ŋ pɔ ŋɡɔ́ku lɑ́, mɔ́ɔ mɔ́zʉꞋ-nu ŋɡɔ pítɛ́ kɛ mbɑ mɔ́ɔ mɔ́yúu ŋkɑŋ-ŋwɑꞋnɛ pɔɔ nǔu nɛpʉ́ʉ ɛ̂nɑ́ pɛ́. Ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɑ́ yi mbɑ kʉ̈ɔ́lɑ́ yi nɛpʉ́ʉ cúnɛ puutɛnɛ.

Mɑtʉ̈ɔ 7:22

Ɛ́ ɡʉ ńdɑ́Ꞌ ḿbɔ́ lɛ́Ꞌ yi mɔ ŋ́ɡɛ ńzɑ́Ꞌ tsɑŋ, pʉɔ tɛ ńzɑ́ɑ cú ŋɡɔ: «Tsɑpʉɔ! Tsɑpʉɔ! Pɛk ŋkɑɑ ḿbɔ́ ńdɔk pɔ lík yú ɛ́sẅíi nu-Sɛ́ pɔ́ ɔɔ? Pɛk ŋkɑɑ pɔ́ ńdɔk pɔ lík yú ńzuŋ mɛzẅikŋɛ kɛpɔŋ pɔ́ ɔɔ? Pɛk kɑ pɔ́ ńdɔk pɔ lík yú ŋ́ɡɛ ndɑɑkɑ́jʉ́ɔ nu pɔ́ ɔɔ?»

Mɑ́lɛ́kúshi 6:11

Pʉɔ yɛcɔ́ lɑ́Ꞌ lɑɑ ńdʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ fú zúꞋu ŋ́ɡɔ ŋ́ɡʉ, ḿbúꞋ pɛ́pɛ́p-mɛku mʉ́ʉ, nɛlɔk ńnyɛt wɔ́p ŋɡɔ nu yí pɔ́p ɡɛnɛ, ɛ́ tsʉꞋ ńdíŋɛ pɔ wɔ́p.»

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

1 Kɔlɛ̂ŋtɛ 3:13

Mbɔ ɛ́ kɑ pɔ́ yɛcɔ́ lɔ́Ꞌ pɔ́. FɑꞋ-mbɑ wɔ̌ lɑ́ ɡʉ ńdɑ́Ꞌ ńcẅɛt mɑ́ntɑ́ɑ. Pɛ́ ɡʉ ńdɑ́Ꞌ ńjʉ́ɔ nǔu lɛ́Ꞌ yi pɛ́ ŋɑknɛ mɛtsɑŋ. MbíꞋŋɡɔ múk ɡʉ ńdɑ́Ꞌ ńdɛɛ nǔu fɑꞋ mbɑ wɔ̌ lɑ́ tɛ pɛ́ jʉ́ɔ pɑ́Ꞌ ɛ́ zúꞋu ḿbɔ́ pɔ́Ꞌɔ.

1 Tɛsɑlɔník 5:4

Lɑ́ ŋ́ɡʉ nǔu pʉʉ pɔ́ɔpɛ́mɑ́, mbɔ pʉʉ kɑ́ pɛ́t ḿbɔ́ pɔ tsɛt nzɛ́nzʉ́ʉ pɔ́, nǔu ntɛ́ yi yîyɑ́ lɛ́Ꞌlɑ́Ꞌ ɡʉ ńtɔ́ nǔu pʉʉ pɔ pɑ́Ꞌ ntsɔ́ŋ pɔ́.

Ɛ́bɛlʉʉ 10:25

Kɔɔ pɛkŋɛ nɑ́ nɛ́ kɛ́ ḿbɔ́ ńtɔ́ mɛcúꞋlɛ-mɛkŋɛ tɔ́nɛ, tɛ mbɑ pɑ́Ꞌ nɛtẅí cúꞋlɛ tsʉ́Ꞌ pɔ mɑt mbɔ̌ pɛcɔ́ pʉɔ lɑ́, tɛ ńtsʉ́Ꞌ pɔ́Ꞌɔ, ŋu wɛkŋɛ níꞋ mɛtʉʉ mɔ́ɔmɑ́ wɛ, ḿbɛn ńní kwɑꞋ mɛ́ ɡúu, mbíꞋŋɡɔ pʉʉ sɛ́ ńjʉ́ɔ pɑ́Ꞌ lɛ́Ꞌlɑ́Ꞌ-Tsɑpʉɔ sɛ́ ḿbɑ́ɑtɛ.

2 Pyɛ̂ 2:6

Sɛ́ kɑ pɛn ńtɛ́m ŋɡʉ̈ɔ́Ꞌ nǔu pʉɔ-tʉ́sɔŋ-Sɔdɔ̂m pɔ́p nǔu pʉɔ-tʉ́sɔŋ-Ŋɡɔmɔ̂ɔ ńdɔk múk ḿbík wɔ́p, ńdɔk ńnyɛt pʉɔ kɛpɔŋ nɛ́ fʉꞋ yúu mi ɛ́ ɡʉ ŋ́ɡɛ ńtɔ́ nǔu pɔ́p.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

1 Jɑ̂ŋ 4:17

Pɛkŋɛ lɑɑ ŋ́ɡẅɛɛ ŋkɔŋɛ tʉ́m pɛkŋɛ tɛ yɛcɔ́ yúu pɔɔ jɑ́k nǔu pɔ́, pɛkŋɛ pɔɔ kwɑŋɛ lɛ́Ꞌ nɛŋɑk mɛtsɑŋ tʉ́m yɛkŋɛ ɡwɛt pɔ́. Pɔ́Ꞌɔ, mbíꞋŋɡɔ wɛkŋɛ nɛnɑ́ŋ ndǔmbí yɔ ɛ́ pɑ́Ꞌ nɛnɑ́ŋ-Yɛ́su Kɛlístɔ.

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.