Mɑtʉ̈ɔ 1:20 - Kɑɑ Fí

²⁰ ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Mɑtʉ̈ɔ 1:20 ပူးပေါင်းရင်းမြစ်များ

Mɑtʉ̈ɔ 1:18

Yɔ pɑ́Ꞌ ɛ́ kɑ lɛɛnɛ pɔ́Ꞌɔ, lɑ pɛ́ pí Yɛ́su Kɛlístɔ. Mɑ́ wɛ Mɑlíyɑ kɑ pɔ́, mbɔ Yɔsɛ̂p kɑŋ wɛ́, tɛ pɛ́ pɛ́m ŋɡɔ ɑ zɔ́Ꞌ wɛ́, ɑ pɛ́t kɛ́ ɡʉ tɛ ŋ́kúu njɛ́Ꞌ yɛ́, pɛ́ ɡɔ ḿvukŋɛ ńjʉ́ɔ ɑ pɔ́ shǔutɛ, mbɔ Zẅikŋɛ Lɛ́ɛnɛ́nɛ ɡɛnɛ ɑ shuŋ.

Mɑtʉ̈ɔ 2:12

Pɔ́p nɑ́ŋ tɛ ḿbɔ́ ḿbɛn nzʉʉ, Sɛ́ lɔk njʉɔ ɛ́sẅíi wɔ́p ŋɡɔ: «Pɔ́p pɑ́ɑ nɛpɛn ńdɛɛ nɛjɔ́ŋ fɔɔ Ɛlɔ̂dɛ.» Pɔ́p ɡɔ́ɔ ŋ́kɛ́ ńtsʉ́Ꞌ ńdɛɛ pɔ ndúŋ ndɛꞋ lɑ ḿbɛn nɛ́ lɑ́Ꞌ pɔ́p.

Mɑtʉ̈ɔ 2:13

Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Mɑtʉ̈ɔ 2:19

Ɛlɔ̂dɛ kɑ pɔ́ tɛ ḿpfú, Yɔsɛ̂p lɛ́ njʉɔ Ɛɡíptɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́,

Mɑtʉ̈ɔ 2:22

ɑ zúꞋ ŋɡɔ Alkɛlɑẅís tsʉ́Ꞌnɛ ɛ́sɑ́Ꞌ pɑk-ŋɡɔŋ-Judɛ̂, tɛ ɛ́fú pɑ́Ꞌ tɑ́t wɛ Ɛlɔ̂dɛ kɑ pfúnɛ, ḿbɔ́ ńcʉ̈ɔꞋ nɛɡʉ Judɛ̂, ŋ́ɡɛ ńdɛ́ njʉɔ, Tsɑpʉɔ ɡɑ́ wɛ́ nɛ́ ntík. A tsʉ́Ꞌ ŋ́ɡʉ pɔ nɛ́ tsɛt pɑk-ŋɡɔŋ-Ŋɡɑlilɛɛ,

Mɑtʉ̈ɔ 27:19

Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.

Mɑtʉ̈ɔ 28:5

Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.»

Lúkɑ́shi 1:19

Cʉ̈ɔꞋ-Sɛ́ pʉ̈ɔt ŋɡɔ: «Mɔ Ŋɡɑ́ɑpɛliyɑ, n zúꞋ pɔ mbɔ̌ Sɛ́. Jʉ́ túunɛ wɑ́ɑ ŋɡɔ n tɔ́ ɛ́sɑ́Ꞌ wɔ Ŋkʉʉ sʉ́Ꞌnɛ mbɔ̌ wu.

Lúkɑ́shi 2:4

Yɔsɛ̂p fú tʉ́sɔŋ-Nɑ́ɑzɑlɛt, tsɛt ŋɡɔ́ŋ-Ŋɡɑlilɛ́, ńtɔ́ tsɛt ŋɡɔ́ŋ-Jẅidɛ̂, tʉ́sɔŋ-Mbɛ́tɛ́lɛ́hɛm, nǔu zʉꞋ yinɛ pɛ́ kɑ pinɛ fɔɔ Ndɑvît zúꞋu, ḿbɔ́ ŋ́ɡʉ zúꞋu pɔ́Ꞌɔ, mbíꞋŋɡɔ ɑ ŋu nǔu njẅɛt ndɑ́-fɔɔ Ndɑvît.

ŊwɑꞋnɛ-Gɑŋntúu Yɛ́su Kɛlístɔ 5:19

Lɑ́ ɛ́ ɡɛ ḿbɔ́ nɛtúꞋ, wɛcɔ́ cʉ̈ɔ́Ꞌ-Tsɑpʉɔ tɔ́, ńtsɔ́Ꞌ ndɑ́tsɑ́ŋ, ŋ́ɡɛ ɡɑŋntúu cẅɛt, ɑ cú mbɔ̌ pɔ́p ŋɡɔ:

Mɛnu ɛ́ ńdɑ́Ꞌ ńcẅɛt 19:7

Pɛkŋɛ tsɑ́ɑtɛ, ŋ́ɡɑ́ wûuẅíi, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ mɔ́ɔ-Njinjɔ ɡʉ ńzɔ́Ꞌ. Nzwɛ́ŋɡʉʉ, kẅii mɔ́ mbʉʉ yɛ tɛ ḿbɔ́ ńzẅíꞋlɛ.