Mɑtʉ̈ɔ 1:18 - Kɑɑ Fí

¹⁸ Yɔ pɑ́Ꞌ ɛ́ kɑ lɛɛnɛ pɔ́Ꞌɔ, lɑ pɛ́ pí Yɛ́su Kɛlístɔ. Mɑ́ wɛ Mɑlíyɑ kɑ pɔ́, mbɔ Yɔsɛ̂p kɑŋ wɛ́, tɛ pɛ́ pɛ́m ŋɡɔ ɑ zɔ́Ꞌ wɛ́, ɑ pɛ́t kɛ́ ɡʉ tɛ ŋ́kúu njɛ́Ꞌ yɛ́, pɛ́ ɡɔ ḿvukŋɛ ńjʉ́ɔ ɑ pɔ́ shǔutɛ, mbɔ Zẅikŋɛ Lɛ́ɛnɛ́nɛ ɡɛnɛ ɑ shuŋ.

Mɑtʉ̈ɔ 1:18 ပူးပေါင်းရင်းမြစ်များ

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Mɑtʉ̈ɔ 12:46

Yɛ́su kɑ pɛ́t ɛ́sẅíŋɛ mbɔ̌ lɑ́Ꞌ sẅiŋɛ́nɛ, mɑ́ wɛ pɔ́p pɔ́ɔpɛ́mɑ́ pɛ́ tɔ́, ńtʉ́ʉ píi ḿbɔ́ ńdɔɔ nɛjʉ́ɔ wɛ́.

Mɑtʉ̈ɔ 2:11

ńjɛ́Ꞌ ŋ́kúu tsɛt ndɑ́, ńjʉ́ɔ mɔ́ɔ pɔ́p mɑ́ wɛ Mɑlíyɑ, ŋ́kẅíꞋlɛ sɛ́, ŋ́ɡɑ́ mɛkuꞋ-mɔ́ɔ ḿbɛn ńtɑꞋ pɑɑ yɔ́p, ńníꞋ shɔŋ-mɔ́ɔ nɛ́ yúu pɑ́Ꞌ tʉ́n-ŋɡɔ̂l pɔ́p yɛcɔ́ tʉʉndɛn lii ntɛ́ yɛ́pɑ́.

Lúkɑ́shi 1:25

«Yɔ nu yi Tsɑpʉɔ kɛ́nɛ ńdíŋɛ wɑ́ɑ tɛ ŋ́ɡɛ nǔu mɔ, nɛlɔk ńcẅɛɛtɛ sʉ́ʉ yi ɛ́ júknɛ ŋ́kɔ́ wɑ́ɑ tsɛtsɛt pʉɔmɛsɔŋ pɑ́Ꞌ mɔ yɑ́ɑ mɔ́ɔ kɑ́ ɡẅɛɛ.»

Lúkɑ́shi 2:5

Pɔ́p nzwɛ́ wɛ Mɑlíyɑ ɡɔ ŋ́ɡʉ pɛ́ sɑ́ŋ wɔ́pmɛ́, ɑ pɔ́ shǔutɛ.

Ɛ́bɛlʉʉ 10:5

Ɛ́ yúu mi ɛ́ kɑ ɡɛnɛ Kɛlístɔ ɡɔ́ ńtɔ́ ndǔmbí, ńcú mbɔ̌ Sɛ́ ŋɡɔ: Ɔ ŋ́kɑɑ kɛ́ ŋ́kɔŋ yúu-pɔꞋ pɔ́, ŋ́kɛ́ mbɔɔ mɛnɑɑ mi pɛ́ jẅínɛ ńdɔk ŋ́ɡúꞋlɛ wú kɔŋ. Lɑ́ ŋ́kɛ́ ŋ́ɡɑ́ mbʉʉ mbɔ̌ mɔ.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.