Mɑ́lɛ́kúshi 9:47 - Kɑɑ Fí

⁴⁷ ḿbɛn ḿbɔ́ yi lík yú sɛ́ ńtsʉ́ʉnɛ wú, ɔ fɑɑnɛ nu, ɔ tsɔ́Ꞌ ḿmɛꞋ, mbii nɛpɔ́ pɛlík lɑ ŋ́kúu nǔu nu-Nɛfɔɔ-Sɛ́, ńtsɑ pɑꞋ ɛ́ lɑɑ ḿbɔ́ ɔ ɡẅɛɛ mík mú mɛmbɑ́ pɛ́ pɛn ḿmɑꞋ wú tsɛt zʉꞋ-múk,

Mɑ́lɛ́kúshi 9:47 ပူးပေါင်းရင်းမြစ်များ

Mɑtʉ̈ɔ 18:9

Ɛ́ lɑɑ ńtsʉ́Ꞌ yi lík yú tsʉ́ʉnɛ wú, ɔ fɑɑnɛ nu, ɔ tsɔ́Ꞌ ḿmɛꞋ ŋɡɑ sɛsɑ. Mbi ɡu nɛpɔ́ pɛlík ńdɑ́Ꞌ ḿbɔ́ ɡú, ńtsɑ ɡu nɛɡẅɛɛ mík mɛmbɑ́, ńdɑ́Ꞌ ŋ́kúu tsɛt múk.

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑ́lɛ́kúshi 9:43

Pɔ́ yú lɑɑnɛ ḿbɔ́ ńtsʉ́ʉnɛ wú ńníꞋ tsɛt mɛfɑɑnɛ, ɔ zɑꞋ ḿmɛꞋ, mbi nɛpɔ́ ŋkɛmpɔ́, lɑ́ ŋ́kɛ́ ńdɑ́Ꞌ ḿbɔ́ ɡú, ńtsɑ nɛɡẅɛɛ mbɔ́ mɛmbɑ́, lɑ́ ḿbɛn ŋ́kúu tsɛt zʉꞋ yí múk zúꞋu, ḿbɔ́ yi ɛ́ ńdɑ́Ꞌ ḿbɛ́ yɛcɔ́ lɛ́Ꞌ pɔ́,

Mɑ́lɛ́kúshi 9:46

[ɛ́ zʉꞋ yí mɛntʉ̈ɔt mi ɛ́ ńdɑ́Ꞌ ḿpfú pɔ́ kwɛ́t pɛpfú-pʉɔ zúꞋu. Múk ẅi ɛ́ kʉ́nɛ zúꞋu, ɛ́ ńdɑ́Ꞌ ḿbɛ́ pɔ́,]

Lúkɑ́shi 14:26

«Ŋu lɑɑ ńcʉ́ɔ nzʉʉ mɔ, kɛ́ kɔŋ wɑ́ɑ ńtsɑ tɑ́t wɛ, ńtsɑ mɑ́ wɛ, ńtsɑ nzwɛ́ wɛ, ńtsɑ mbɔ́ŋkʉ̈ɔ́ pɛ́, ńtsɑ pɔ́ɔpɛ́mɑ́ pɛ́ pɛ mbɛ́ɛnɛ mbɑ pɛ pɑŋɡɛ́, ńtsɑ mbɑ kwɑꞋ tú mbʉʉ wɛ́ pɔ́, mbɔ ɑ kɛ́ kuꞋ nɛpɔ́ ŋɡɑŋku wɑɑ pɔ́.

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

Ŋɡɑlɑ̂t 4:15

Tsɑ́ɑtɛ yi ɛ́ kɑ pɔ́nɛ tʉ́m pʉʉ, lɛɛ nɛɡɔ́? Ŋ kuꞋ nɛcú ŋɡɔ ɛ́ kɑ pɔ́ pɛ́Ꞌnɛ ḿbɔ́ yi ḿbɔ́ pʉʉ tsɔ́Ꞌ mík mʉ́ʉ ńdɔk ŋ́kúpmɛ mɑ́ɑ, mbɔ pʉʉ tsɔ́Ꞌ ńdɔk ŋ́kúpmɛ ŋkɔ̂ɔnɛ.