Mɑ́lɛ́kúshi 9:41 - Kɑɑ Fí

⁴¹ Ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́ɡɔ ŋ́ɡɑ́ mɔ́zʉꞋ ŋki mbɔ̌ pʉʉ, ŋ́ɡɑ́, mbíꞌŋɡɔ pʉʉ pʉɔ pɑ́ɑ, mbɔ yɛ́ tsɔ́ꞋfɑꞋ ńdɑ́Ꞌ ḿbɛ́ pɔ́.»

Mɑ́lɛ́kúshi 9:41 ပူးပေါင်းရင်းမြစ်များ

Mɑtʉ̈ɔ 10:42

Mɔ ɛ́sẅíi wʉ́ʉ, kwɑꞋ nɛ́nẅín, ŋu ɡɑ́ pɔ ndɑꞋ ntúꞋ-ŋki ẅí ɛ́ sɛ́ ŋ́ɡẅɛɛ mbɔ̌ mɔ́yúu mɔ́ɔ, ńdɔk pɑ́Ꞌ ẅîwɑ́ mɔ́ɔ ŋɡɑŋku wɑɑ ŋ́ɡɑ́, mbɔ yɛ́ tsɔ́ꞋfɑꞋ ŋ́ɡʉ ńdɑ́Ꞌ ḿbɛ́ pɔ́.

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑ́lɛ́kúshi 4:10

LɑꞋ ɡɛ ŋ́ɡʉ, pʉɔ pi pɔ́p kɑ zɛɛnɛ ḿbɔ́ nɛjɔ́ŋ Yɛ́su pɔ́p ɡɑŋku pɛ́ ntsɔ̌ppɑ́ nɛ́ nɛɡɛ́m tsʉꞋ nzʉʉ, ḿbíkŋɛ wɛ́ ŋɡɔ ɑ kyɛ́Ꞌtɛ mɛsɑknɛkɛt mɑ́ ɛ́sẅíi wɔ́p.

Pʉɔ-Lɔ́mɑ 14:15

Pɔ́Ꞌɔ, ɛ́ lɑɑ ḿbɔ́ yi ḿbɔ́ ɔ lɛɛ nǔu nu-yúu mi ɔ kwɛ́tnɛ, ŋ́ɡɛ mbʉʉ-mɔ́ɔmɑ́ wu kʉ̈ɔ́, mbɔ ɔ kɑ́ pɔ́ ḿbɛn ŋ́ɡɛ nǔu ntɛ́ yi ɔ lɔk ŋ́kɔŋ mɔ́ɔmɑ́ ɡu pɔ́. Kɔɔ lɔk nu yúupɛjʉ́ ŋ́ɡɛ mɔ́ɔmɑ́ wu ẅí Kɛlístɔ kɑ pfúnɛ nǔu tú yɛ́ kúu pɛ́,

Pʉɔ-Lɔ́mɑ 8:9

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 3:23

Lɑ́ ɛ́ ɡʉ nǔu pʉʉ, pʉʉ pɔ́ mbɔ̌ Kɛlístɔ, Kɛlístɔ pɛn ḿbɔ́ mbɔ̌ Sɛ́.

2 Kɔlɛ̂ŋtɛ 10:7

Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.