Mɑ́lɛ́kúshi 9:20 - Kɑɑ Fí

²⁰ Pɛ́ lɔk wɛ́ ńtɔ́ ŋ́ɡɑ́ mbɔ̌ wɛ́, zẅikŋɛ kɛpɔŋ ɛ̂yɑ́ zúꞋ jɑ́k-Yɛ́su, ńtíi mɔ́ɔ ɛ̂wɑ́ ńtɛ́m sɛ́, ɑ kɑtnɛ sɛ́, ńzɛ nɛfuꞋ mɛ́tɛ́.

Mɑ́lɛ́kúshi 9:20 ပူးပေါင်းရင်းမြစ်များ

Mɑ́lɛ́kúshi 1:26

Zẅikŋɛ kɛpɔŋ ɛ̂yɑ́ puu ńtsʉꞋnɛ wɛ́ tsʉ́Ꞌnɛnɛ, tɛ ŋ́ɡɔ́ ɛ́fú nǔu wɛ́ ńcẅɛt, ńtɔɔ ŋɡuŋ tɛꞋ.

Mɑ́lɛ́kúshi 9:18

Zẅikŋɛ kɛpɔŋ ɛ̂wɑ́ lɑɑ ḿbɔ́ ńdɔ sɛ́ nǔu wɛ́, ɑ pɔ́ ɡɔ́ lɑ́, ɛ́ tíi wɛ́ ḿmɑꞋ pɔ sɛ́, ɑ tɛn, ɛ́fuꞋ mɛ́tɛ́, ŋ́kwɛ́t mɛsɔŋ mɛ́. N tɔ́ pɑꞋnɛ, ḿbuꞋ mbɔ́ mbɔ̌ ɡɑŋku pú ŋɡɔ pɔ́p zuŋ zẅikŋɛ kɛpɔŋ ɛ̂wɑ́, pɔ́p pɔɔ nǔu kuꞋ.»

Mɑ́lɛ́kúshi 9:19

Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»

Mɑ́lɛ́kúshi 9:21

Yɛ́su píkŋɛ Tɑ́-mɔ́ɔ ŋɡɔ: «Yɔ ɡɔɔ pɑꞋɑ ḿbɔ́ nǔu mɔ́ɔ tɛ ɛ́fú shʉ́n?» A cú ŋɡɔ: «Tɛ ɛ́fú ŋkɑ́ mbɔ́ŋkʉ̈ɔ́.»

Mɑ́lɛ́kúshi 9:26

Zẅikŋɛ kɛpɔŋ ɛ̂wɑ́ tíi mɔ́ɔ ḿmɑꞋ sɛ́ ńtsʉꞋnɛ wɛ́, ŋ́ɡɛ ɑ kíi nɛ́ ŋɡi tɛnnɛ́, ɛ́fú nǔu wɛ́ ńcẅɛt. A tsʉꞋ ńnɔɔ sɛ́ ŋ́ɡɛ pɔ pɑꞋ pfú-ŋu lɑ́, tɛ pɛ́ pɔ́ ńcú pɔ ŋɡɔ ɑ pfú.

Lúkɑ́shi 4:35

Yɛ́su cɔ́k yîyɑ́ zẅikŋɛ kɛpɔŋ, ńcú mbɔ̌ wɛ́ ŋɡɔ: «NɑꞋ, fú nǔu ŋu wɔ ńcẅɛt!» Zẅikŋɛ kɛpɔŋ ɛ̂yɑ́ ɛ́shɔt ŋu ɛ̂wɑ́, ḿmɑꞋ sɛ́ tsɛtsɛt pʉɔ ŋ́ɡɔ́ɔ ŋ́kɛ́ ɛ́fú nǔu wɛ́ ńcẅɛt kɛ́ ɡɛ yúu kɛpɔŋ nǔu wɛ́.

Lúkɑ́shi 8:29

Ńcú pɔ́Ꞌɔ, mbíꞋŋɡɔ ɛ́ kɑ ɡɔ ḿbɔ́, mbɔ Yɛ́su cɔ́k yîyɑ́ Zẅikŋɛ kɛpɔŋ ŋɡɔ ɛ́ fú nǔu wɛ́ ńcẅɛt. Zẅikŋɛ kɛpɔŋ ɛ̂yɑ́ kɑ pɔ́ pɑꞋɑ, mbɔ ɛ́ zɛɛ ńtɔ́, ḿbʉ́ʉpɛ wɛ́. Ḿbɔ́ ɛ́ lɑɑ ḿbɔ́ tɛ ŋ́ɡẅɛɛ wɛ́, ɑ lɔ sɛ́ ŋ́kʉɔ pɛ́ zuŋ wɛ́ ŋ́ɡẅɛɛ, ńdɔk mɛŋkʉ-tẅín ŋ́kút wɛ́, ńníꞋ kɔꞋ mɛku wɛ́. A zɑ́Ꞌtɛ ŋkʉ-tʉ́n, ḿbʉ̈ɔ́Ꞌ kɔꞋ zẅikŋɛ kɛpɔŋ ɛ̂yɑ́ lɔk wɛ́ ŋ́kʉɔ pɔ nɛ́ kɔ̂ŋtɛt.

Lúkɑ́shi 9:39

Yɛcɔ́ zẅikŋɛ kɛpɔŋ lɔ ńnɑ́ŋ tɛ ŋ́ɡẅɛɛ wɛ́, ɑ kíi, ŋ́ɡwɛt, ńtsʉꞋnɛ wɛ́, ɑ ŋ́kwɛ́t ntsu wɛ́, ɛ́fuꞋ mɛtẅɛ. Ɛ́ ɡẅɛɛ wɛ́, ńdɑ́Ꞌ ŋ́ɡɔ ńnɑ́ wɛ́, mbɔ ɑ pʉ̈ɔ́Ꞌtɛ mɔ́ wɛ́ tɛꞋ.

Lúkɑ́shi 9:42

Tɑ́-mɔ́ɔ pɔ́ ńdɔk wɛ́ ńtɔ́, zẅikŋɛ kɛpɔŋ ɛ̂yɑ́ pɛn ŋ́ɡẅɛɛ wɛ́ ńtɛ́m sɛ́, ɛ́ tsʉ́Ꞌnɛ wɛ́ nɛ́ tʉʉ. Yɛ́su cɔ́k zẅikŋɛ kɛpɔŋ ɛ̂yɑ́, ɑ nɑ́ mɔ́ɔ ɑ fíitɛ. Yɛ́su ɡẅɛɛ pɔ́ yɛ́, ŋ́ɡɑ́ wɛ́ mbɔ̌ tɑ́t-wɛ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.