Mɑ́lɛ́kúshi 9:12 - Kɑɑ Fí

¹² A pʉ̈ɔt mbɔ̌ pɔ́p ŋɡɔ: «Ɛ́ nu, ŋɡɛ́mndʉ̈ɔꞋ-Sɛ́ Ɛlíyɑ ńdɑ́Ꞌ ḿbiitɛ ńtɔ́ nɛzɑ́p mbɑ kʉ̈ɔ́ lɑ́ nǔu yɛ́ zʉꞋ, ńzɛɛ ŋ́ɡɔ ḿbɔ́, mbɔ pɑꞋ pɛ́ kɑ pɛnnɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: Mɔ́ɔ-Ŋu ɡʉnɛ ńdɑ́Ꞌ ńjʉ́ɔ ŋɡʉ̈ɔ́Ꞌ tɛꞋ, pɛ́ kʉʉnɛ wɛ́, pɛ́ ŋwɑꞋnɛ pɔ́Ꞌɔ, ńdɔk ńcú ŋɡɔ kʉ̈ɔ́?»

Mɑ́lɛ́kúshi 9:12 ပူးပေါင်းရင်းမြစ်များ

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Mɑ́lɛ́kúshi 10:33

«Pʉʉ tsuŋ ńzúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋɑ, ŋ́kúu zúꞋu, pɛ́ fɛn Mɔ́ɔ-Ŋu mbɔ̌ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p ŋɑk wɛ́, ńzɑ́p pɑꞋ ɑ ɡʉ ḿpfú, ŋ́ɡɑ́ wɛ́ mbɔ̌ pʉɔ-túu ndɛꞋ.

Mɑ́lɛ́kúshi 9:13

Lɑ́, ɛ sẅíi wʉ́ʉ pɑꞋɑ, mbɔ Ɛlíyɑ ɛ̂wɑ́ kɑ kɛ́ mɔ́ ńtɔ́, pʉɔmɛsɔŋ ɡɛ nǔu wɛ́ pɑꞋ pɔ́p kɔŋnɛ, ɛ́ pɔ́ ndʉ́ŋndʉŋ pɑꞋ pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ntɛ́ wɛ́.

Mɑ́lɛ́kúshi 9:31

ḿbɔ́ ńzíꞋ ɡɑŋku pɛ́ nɛ́ yúu, ḿbɔ́ ɛ́sẅíŋɛ ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ pɔ́p ɡɛ ɑ pfú. Lɑ́ mbɑɑtɛ lɛ́Ꞌ pɛtɑ́t ɑ zẅíimɛ.»

Lúkɑ́shi 1:76

Sɑkɑlíyɑ pɛn ńcú ŋɡɔ: «Ɛ́ ɡʉ nǔu ɡu mɔ́ɔ wɑɑ, mbɔ pɛ́ ŋ́ɡɛ ńdɑ́Ꞌ ɛ́fúŋ wú ŋɡɔ ŋɡɛ́mndʉ̈ɔ́Ꞌ-Sɛ́, Sɛ́ ẅi ɑ piꞋnɛ mbɑ kʉ̈ɔ́ lɑ́. Tsɑpʉɔ ɡɔ ḿbɛn ńtɔ́, mbɔ ɔ piitɛ ḿbɔ́ mbi ńniitɛ sɛ̂ndúŋ yɛ́.

Lúkɑ́shi 23:11

Ɛlɔ̂dɛ pɔ́p pɛmɑ́kɑ́ɑ pɛ́ zɔɔtɛ Yɛ́su, ŋ́ɡwɛ wɛ́ tɛ ńtíi ndẅí-nɛfɔɔ ɛ́sɔ nǔu wɛ́, ńtúu ŋɡɔ, pɛ́ pɛn ńdɔk wɛ́ ḿbɛn ŋ́ɡɑ́ mbɔ̌ Pilɑ́tu.

Lúkɑ́shi 23:39

Wɛcɔ́ tɑ́Ꞌ nǔu pɛtsɔ́ŋ pinɛ pɛ́ kɑ kẅiinɛ wɔ́p pɛ́ Yɛ́su nǔu mɛtʉ́ Mbɑŋtɛ pɑ́ŋtɛ́nɛ pɔ́ ńzɔɔtɛ wɛ́ ŋɡɔ: «Pɛ́ cú ŋɡɔ ɔ Nzɑ́Ꞌŋkʉ-puꞋ pʉ́ɔ? Cẅɛ́ɛ tú yú mbɔ̌ nɛvú, ńcẅɛ́ɛ yɛk lɑ́.»

ŊwɑꞋnɛ-Gɑŋntúu Yɛ́su Kɛlístɔ 1:6

Gɑŋntúu kɑ cúꞋlɛ pɔ́Ꞌɔ, ḿbíkŋɛ Yɛ́su ŋɡɔ: «Ndɛ, yɔ lɔk ḿbɔ́ ŋkɑ́ yi ɔ ɡʉ ŋ́ɡɛ lɑ nɛfɔɔ pɛn mbɔ̌ Íslɑɛ̂l kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 4:11

Jʉ́ lɔknɛ ḿbɔ́ ŋɡɔꞋ yi ŋwɑꞋnɛ-Sɛ́ cúnɛ nu nǔu wɛ́ ŋɡɔ: «ŊɡɔꞋ yí pʉʉ pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ nɛlẅí-ndɑ́.»