Mɑ́lɛ́kúshi 9:10 - Kɑɑ Fí

¹⁰ Pɔ́p pɛ́m pɑꞋ ɑ cúnɛ pɔ́Ꞌɔ, ŋ́kɛ́ ḿbɔ́ ḿbíkŋɛ tsɛtsɛt pɔ́p pɔ ŋɡɔ: «A cú ŋɡɔ ńzẅíimɛ nǔu nɛvú, ńzẅíimɛ nǔu nɛvú ńdɔk ńcú ŋɡɔ kʉ̈ɔ́?»

Mɑ́lɛ́kúshi 9:10 ပူးပေါင်းရင်းမြစ်များ

Mɑtʉ̈ɔ 16:22

Pyɛ̂ ɡɔ́ɔ ŋ́kɛ́ ɛ́fúŋ wɛ́ ntsɛm, ńzɛ nɛkɑkŋɛ wɛ́, ńcú mbɔ̌ wɛ́ ŋɡɔ: «Tsɑpʉɔ, kɔɔ Sɛ́ pɛ́m yîyɑ́ ntɛ́ nu ɡɛ wú! Mbɔ ɛ́ pɔɔ pɔ́ pɔ́Ꞌɔ pɔ́.»

Mɑ́lɛ́kúshi 9:11

Pɔ́p pɛn ḿbíkŋɛ Yɛ́su ŋɡɔ: «Tɛ pɑkyɛ́Ꞌtɛ nɛpʉ́ʉ-Mɔ̌sɛ̂ɛ cú ŋɡɔ Ɛlíyɑ ɡʉ ńdɑ́Ꞌ ḿbiitɛ ńtɔ́ pɛ́Ꞌɛ mɛlɑ́Ꞌ kʉ̈ɔ́?»

Mɑ́lɛ́kúshi 9:32

A cú pɔ́Ꞌɔ, ɡɑŋku pɛ́ kɛ́ mbɔɔ zúꞋ sʉ́Ꞌnɛ pɔ́, lɑ́ ḿbɛn ḿbɔ́ ḿbɔ́k nɛ́ píkŋɛ wɛ́ nɛ́ nu nǔu.

Mɑ́lɛ́kúshi 9:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ tɔꞋ wɔ́p ŋɡɔ kɔɔ pɔ́p kíɛꞋ yúu mi pɔ́p jʉ́ɔnɛ lɑ́, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Jɑ̂ŋ 12:16

Gɑŋku-Yɛ́su jʉ́ɔ yɔ nu, ḿbɔɔ ɡɔ́ɔ ɛ́fɛ́Ꞌnɛ ńzúꞋ pɔ́. Lɑ́, Yɛ́su ɡɛ ḿbɔ́ tɛ ŋ́kúu tsɛt nɛɡúꞋ wɛ tʉ́nɛpú, lɑ pɔ́p ɡɔ́ɔ ŋ́kɛ́ ŋ́kẅíitɛ ŋɡɔ pɛ́ kɑ zɑ́Ꞌ njí ŋ́ŋwɑꞋnɛ yîyɑ́ nu ntɛ́ wɛ́, ḿbɛn ŋ́kẅíitɛ ŋɡɔ lɑ́Ꞌ kɑ ɡɛ nǔu wɛ́ pɔ pɑ́Ꞌ pɛ́ kɑ ŋwɑꞋnɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.