Mɑ́lɛ́kúshi 8:22 - Kɑɑ Fí

²² Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.

Mɑ́lɛ́kúshi 8:22 ပူးပေါင်းရင်းမြစ်များ

Mɑtʉ̈ɔ 11:21

A cú mbɔ̌ pɔ́p ŋɡɔ: «Ndɔɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɛtsɑyídɑ, mɛnu mɔ mí pɛ́ kɑ ɡɛnɛ tsɛtsɛt pʉʉ, ɛ́ m̄bɔ́ pɛ́Ꞌnɛ ḿbɔ́ pɔ tsɛt tʉ́sɔŋ Til pɔ́p Sidɔŋ, mbɔ pɔ́p kɑ lɑ́Ꞌmɔ́ ŋ́kúp mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú ńdɔk ńdúŋ.

Mɑtʉ̈ɔ 14:36

ḾbúꞋ mbɔ́ mbɔ̌ wɛ́ ŋɡɔ ɑ sǐi ḿbɛ́m, pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ tsʉʉ pí pɔ́p kɑ ɡẅɛɛnɛ nɛcɔ́ŋ-ndẅí ɛ̂nɑ́ fíitɛ.

Mɑtʉ̈ɔ 8:15

Yɛ́su ɡẅɛɛ pɔ́ yɛ́, mbʉʉnút zɑ́Ꞌnɛ. A lɔ sɛ́ ńniitɛ yúu ńdɔk ńdíŋɛ wɛ́.

Mɑtʉ̈ɔ 8:3

Yɛ́su zúꞋ, ńcɑklɛ pɔ́ ŋ́ɡẅɛɛ wɛ́, ńcú mbɔ̌ wɛ́ ŋɡɔ: «Ŋ kɔŋ pɔ́Ꞌɔ, fíitɛ.» ŊkɑꞋ ɡɔ́ɔ ḿmɛ nǔu wɛ́, ɑ ɡɔ́ɔ ɛ́fíitɛ.

Mɑtʉ̈ɔ 9:29

Pɔ́Ꞌɔ lɑ́ Yɛ́su ɡɔ́ɔ ŋ́kɛ́ ńzɑ́p pɔ́ nǔu mík mɔ́p, ńcú ŋɡɔ: «Ɛ́ pɔŋ ŋɡɔ mbɑ kʉ̈ɔ́ lɑ́ pɔ́ pɑ́Ꞌ pʉʉ zɑ́pnɛ tʉ́m nǔu mɔ ŋ́kwɑŋɛ ŋɡɔ ɛ́ ɡʉ ḿbɔ́.»

Mɑ́lɛ́kúshi 2:3

Pɛcɔ́ pʉɔ lɔk ŋɡɑŋkẅíꞋlɛ ńtɔ́ ńjʉ́ɔ wɛ́, mbɔ mbɛ́ɛnɛ yɛ́nɛ́kwɑ tsɛtsɛt pɔ́p lʉ̈ɔ́ŋɛ wɛ́.

Mɑ́lɛ́kúshi 3:10

Ɛ́ ɡɔ́ ḿbɔ́, mbɔ ɑ ɡɛ pʉɔ tɛ ńzɑ́ɑ fíitɛ, tɛ pʉɔ tsʉʉ pi ɡɔɔ m̄bɔ́nɛ nǔu pɔ́p nɑ́ɑtɛ wɛ́, ńzɑ́p mbɔ́ nǔu wɛ́.

Mɑ́lɛ́kúshi 6:45

Yɛ́su ɡɔ́ɔ ńcú mbɔ̌ ɡɑŋku pɛ́ ŋɡɔ pɔ́p kúu kɑnúꞋ, ḿbiitɛ ḿbɔ́ mbi, ńtúu nɛ́ yɛcɔ́ njʉ́n, nǔu ɡúŋ-Mbɛtsɑyídɑ, ɑ tsʉꞋ nzʉʉ ńdɛɛmɛ lɑ́Ꞌ pɔ́p ɡʉ.

Lúkɑ́shi 10:13

Yɛ́su pɛn ŋɡɔ: «Ndɔ́ɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɑtsɑyídɑ. Mɛnu mɑɑmɑɑnɛ mi pɛ́ kɑ ɡɛnɛ lɑ́Ꞌ pʉʉ, ɛ́ kɑ pɔ́ pɛꞋnɛ ḿbɔ́ pɔ tsɛt tʉ́sɔŋ Tíi pɔ́p Sídɔŋ, mbɔ pɔ́p kɑ lɑ́Ꞌ mɔ́ ŋ́kúpmɛ mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú, ńdɔk ńtsuŋ ḿmʉk.

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Jɑ̂ŋ 1:44

Filîp ɛ̂wɑ́ kɑ pɔ́ ŋu-Mbɛtsɑyídɑ, tʉ́sɔŋ pɛ́ Ndɛlɛ́yɑ pɔ́p Pyɛ̂.

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.