Mɑ́lɛ́kúshi 8:17 - Kɑɑ Fí

¹⁷ Yɛ́su jí pɑꞋ pɔ́p sɛ́ ŋ́kwɑŋɛ pɔ́Ꞌɔ, ḿbíkŋɛ wɔ́p ŋɡɔ: «Pʉʉ kɛ ŋ́kwɑŋɛ nu pɔ nǔu mbɛlɛ̂ɛt yí pʉʉ kɑ́ ɡẅɛɛ mɛlɑ́Ꞌ kʉ̈ɔ́? Pʉʉ lɔk ńtɛmtɛ ḿbɛ́t pɔ kɛ́ jí nu pɔ́ ɔɔ? Pʉʉ fɑ́ɑ ḿbɛ́t pɔ kɛ́ zúꞋ tɛ ńzúꞋ kɛ kʉ̈ɔ́? Jínu yúu ɡɛ pɑꞋɑ ńjɔꞋnɛ pɑꞋɑ?

Mɑ́lɛ́kúshi 8:17 ပူးပေါင်းရင်းမြစ်များ

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 15:17

Yúu fú ntsu-ŋu ńdɛɛ, ŋ́kúu nɛpɛm yɛ́, ḿbɛn ɛ́fú nɛpɛm yɛ́ ńcẅɛt, ŋ́kúu tsɛt kɔt.

Mɑtʉ̈ɔ 16:7

Gɑŋku pɛ́ zúꞋ, ŋ́ɡɔ́ɔ ŋ́kɛ́ ḿbɔ́ ńcú tsɛtsɛt pɔ́p ŋɡɔ, líkcɔ́ ɑ cú pɑ́Ꞌɑ, mbíꞋŋɡɔ pɛkŋɛ lɑ́Ꞌ ńdikŋɛ kɛ́ pɛ́ɛ mbɛlɛ̂ɛt.

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Mɑ́lɛ́kúshi 2:8

Yɛ́su ɡɔ́ɔ ńjí yúu mi pɔ́p sɛ́ ŋ́kwɑŋɛ, ḿbíkŋɛ wɔ́p ŋɡɔ: «Pʉʉ ɡɛ pɑꞋɑ ŋ́ɡẅɛɛ yɑ́ ntɛ́ kwɑŋɛ tú pʉʉ?

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Mɑ́lɛ́kúshi 6:52

mbíꞌŋɡɔ jínu yɔ́p ḿbɛ́t ńtuꞋ tuꞋnɛ, ńzɛɛ ŋ́ɡɔ ḿbɔ́, mbɔ pɔ́p ŋkɑɑ zúꞋ yúu mi Yɛ́su kɑ lɔknɛ nu-mbɛlɛ̂t ńnyɛt pɔ́.

Mɑ́lɛ́kúshi 8:16

Pɔ́p zúꞋ pɑꞋ ɑ kẅíinɛ fɛntɛ pɔ́Ꞌɔ, ŋ́ɡɔ́ɔ ŋ́kɛ́ ńzɛ nɛcú tsɛtsɛt pɔ́p ŋɡɔ: «Lɑ́ ɑ kɑ́ cú pɔ pɑꞋ pɛkŋɛ kɑ́ ɡẅɛɛ mbɛlɛ̂ɛt pɔ́ ɔɔ?»

Lúkɑ́shi 24:25

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.