Mɑ́lɛ́kúshi 7:5 - Kɑɑ Fí

⁵ Ɛ́ lɛɛ pɔ́Ꞌɔ, lɑ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɛ̂wɑ́ píkŋɛ Yɛ́su ŋɡɔ: «Gɑŋku pú jʉ́ yúu nɛ́ lɔ́Ꞌ nǔu mbɔ́ mɔ́p. Pɔ́p kɑ́ nɛn nǔu nɔŋ-pʉɔ-ŋkɑ́mbi pɔ́ ńdɔk ŋ́ɡɛ pɑꞋɑ?»

Mɑ́lɛ́kúshi 7:5 ပူးပေါင်းရင်းမြစ်များ

Mɑtʉ̈ɔ 15:2

«Mɛlɑ́Ꞌ kʉ̈ɔ́ ɡɑŋku pú kɑ́ nɛn nǔu nɔŋ-pʉɔ-ŋkɑ́mbi pɔ́ ɔɔ? Pɔ́p ɡɛ pɑ́Ꞌɑ ŋ́kwɛ́t yúu kɛ́ suk mbɔ́ mɔ́p nǔu ntɛ́ yi mɑt-lɑ́Ꞌ wɛkŋɛ sɛ́ ḿbíkŋɛ pɔ́ ɔɔ?»

Mɑ́lɛ́kúshi 7:13

Pʉʉ zíꞋ nɔŋ-lɑ́Ꞌ wʉʉ pɔ́Ꞌɔ, ńdɔk ḿmɛꞋ sẅíŋɛ-Sɛ́. Pʉʉ pɛn ḿbɔ́ ŋ́ɡɛ lii-mɛnu ɛ̂mɑ́ tɛ ɛ́ zɑ́ɑ zɑ́ɑnɛ.

Mɑ́lɛ́kúshi 7:8

Yɛ́su cú mbɔ̌ pɔ́p ŋɡɔ: «Ɛ́ yɛ́tɛ́ yi pʉʉ pɑꞋnɛ nɛpʉ́ʉ-Sɛ́ ŋ́ɡɑ́ nzʉʉ, ńtsʉ́ꞌ ŋ́ɡẅɛɛ pɔ nɛ́ pʉɔmɛsɔŋ lɑ́.»

Mɑ́lɛ́kúshi 7:9

Pʉʉ jí nɛmɛꞋ nɛpʉ́ʉ-Sɛ́, ńtsuŋ ŋ́ɡẅɛɛ pɔ nɔŋ-lɑ́Ꞌ wʉʉ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 21:21

Lɑ́ pɔ́p kɑ pɔ́ ńzúꞋ pɛ́ cú nǔu ɡu ŋɡɔ. Ɔ sɛ́ ńzíꞋ mbɔ̌ pɑyúdɑ pi pɔ́p túu nɛ́ túu ŋɡɔ pɔ́p mɛꞋ nɛpʉ́ʉ-Mɔ̌sɛ̂ɛ. Ŋɡɔ ɔ sɛ́ ńcú ŋɡɔ kɔɔ pɔ́p pɛn ḿbúꞋ mbɔ́ŋkʉ̈ɔ́ pɔ́p. Ŋɡɔ ɔ sɛ́ ńtɔꞋ wɔ́p nɛpɛn ńnɛn nǔu pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ.

ŊwɑꞋnɛ-Gɑŋntúu Yɛ́su Kɛlístɔ 21:24

Lɔk wɔ́p ŋ́ɡʉ, pʉʉ pɛpɔ́p ḿbʉʉtɛ mbʉʉ yʉʉ mbi Sɛ́. Gu ńzɛɛnɛ ŋ́kɛ́ ŋ́ɡɑ́ yɔ́p ŋkɑ́p yi pɔ́p ɡẅɛɛ nɛɡɑ́ nǔu, ńjí ŋɡɔ pɔ́p ɡʉ ŋ́kɔ́ɔ tú yɔ́p. Ɔ lɑɑ ŋ́ɡɛ pɔ́Ꞌɔ, mbɔ pʉɔ pɛtsʉʉ ɡʉ ńjʉ́ɔ ŋɡɔ nu yi pɛ́ pɛ́ɛtɛ́nɛ nǔu ɡu ɛ́ kɑ́ pɔ́ nu pɔ́, ńjí ŋɡɔ ɔ kɛ́ ŋ́kúꞋlɛ nɛpʉ́ʉ-Mɔ̌sɛ̂ɛ kúꞋlɛ́nɛ.

Pʉɔ-Lɔ́mɑ 4:12

Ábɛlɛhɑ̂m kɑ pɛn ḿbɔ́ tɑ́t pɛ́ pʉɔ pi pɛ́ kɑ púꞋnɛ wɔ́p. Ŋ kɑ́ pɔ́ ńdɑꞋ pʉɔ pi pɛ́ kɑ púꞋnɛ wɔ́p ɛ́ kuꞋ pɔ́Ꞌɔ mbɔ̌ pɔ́p pɔ́. N cú pɔ pi pɔ́p pɛn ḿbɔ́ ńzɑ́p tʉ́m nǔu Sɛ́, pɑ́Ꞌ tɑ́t wɛkŋɛ Ábɛlɛhɑ̂m kɑ zɑ́pnɛ yɛ́ ɡúu lɑ pɛ́ ɡɛ ḿbúꞋ wɛ́.

Ŋɡɑlɑ̂t 1:14

Ɛ́ ɡʉ nǔu nɛɡúꞋlɛ Sɛ́ nǔu ntɛ́ yɛ́ pɑyúdɑ, mbɔ n dɑtnɛ nǔu tɛ ńdɛɛ ŋkɑŋ yɛk pɔ́ɔ-Yúdɑ. Ŋ kɑ pɔ́ ḿmɑꞋ mbʉʉ yɑɑ tɛꞋ nǔu mɑt ẅí pɛtɑ́t pɛk kɑ zíꞋnɛ wɛ́k, n dɛɛ wɔ́p.

2 Tɛsɑlɔník 3:11

Pɛk pɛn ḿbɔ́ ńzúꞋ, pɛ́ cú ŋɡɔ pɛcɔ́ pʉɔ tsɛtsɛt pʉʉ ḿbɔ́k fɑꞋ pɔ́knɛ, ńjúk ɛ́sẅíi pɔ mɛnu mi ɛ́ kɑ́ pɔ́ ńdíŋɛ wɔ́p pɔ́.

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.