Mɑ́lɛ́kúshi 7:21 - Kɑɑ Fí

²¹ Mɛkwɑŋɛ kɛpɔŋ fú pɔ tsɛt tʉ́m ŋumɛsɔŋ, lɑ́ ńtsʉ́ʉnɛ mbɛ́ɛnɛ pɔ́p lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ńtsʉ́ʉnɛ ŋu ɑ pɔ́ ńjɔ, ńtsʉ́ʉnɛ ŋu ɑ jẅí wɛcɔ́,

Mɑ́lɛ́kúshi 7:21 ပူးပေါင်းရင်းမြစ်များ

Mɑtʉ̈ɔ 15:19

MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

Mɑtʉ̈ɔ 9:4

Yɛ́su jí yúu mi pɔ́p sɛ́ ŋ́kwɑŋɛ, ńcú mbɔ̌ pɔ́p ŋɡɔ: «Pʉʉ ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ kɛpɔŋ tsɛt tʉ́m yʉ́ʉ?

Mɑ́lɛ́kúshi 7:20

ḿbɛn ńcú ŋɡɔ, yúu mi ɛ́ cẅɛtnɛ tʉ́m ŋu níꞋnɛ lɔ́Ꞌ nǔu wɛ́.

Mɑ́lɛ́kúshi 7:22

ḿbɔ́ ŋ́ɡɛ ɡɑ́ɑ, ḿbɔ́ ŋ́ɡẅɛɛ kɛ́ɡʉ̈ɔꞋ, ŋ́ɡẅɛɛ shíshí tʉ́m, ŋ́ɡẅɛɛ fúklɛ, ŋ́kúu nɛjúk kɛpɔŋ, ŋ́kɔ́Ꞌ lɔ́ŋ, ńtík sɔ́ɔ tú-ŋu, ŋ́ŋɑ́Ꞌ mbʉʉ, ńdʉꞋ ntík tsʉʉ.

Lúkɑ́shi 16:15

A cú mbɔ̌ pɔ́p ŋɡɔ: «Pʉʉ pɑ́ ẅi pʉʉ júknɛ ɛ́fúklɛ pʉɔ ŋɡɔ pʉʉ pʉɔ sʉ́Ꞌnɛ, lɑ́, Sɛ́ kɛ́ ḿbɔ́ ńjí pɑꞋ tʉ́m yʉ́ʉ pɔ́nɛ. Pʉʉ jí ŋɡɔ: Nu yi pʉɔmɛsɔŋ jʉ́ɔnɛ ŋɡɔ ɛ́ nu tɛꞋ, ɛ́ mbi Sɛ́ ḿbɔ́ nu-sʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 5:4

Ŋkɑ́Ꞌ ḿbɔ́ pɔ wú, lɑ ɔ fɛn. Ɔ pɛn ɛ́fɛn, ŋkɑ́p pɔ́ pɔ yú. Ɔ pɛn ŋ́ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ tsɛt tʉ́m yú? Ɔ kɑ́ cɔtnu pɔ mbɔ̌ pʉɔmɛsɔŋ pɔ́. Ɔ cɔtnu pɔ mbɔ̌ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 8:22

Kɛ́ ŋ́kúpmɛ kwɑŋɛ kɛpɔŋ yi ɛ́ tʉ́m yú lɑ́, ńcɛꞋlɛ Tsɑpʉɔ kɛ mbɔ ɑ likŋɛ, ŋ́ɡɑ́ mbɔ̌ wu nǔu pɑ́Ꞌ ɔ zɛɛnɛ ŋ́kwɑŋɛ pɑ́Ꞌɑ lɑ́.

Pʉɔ-Lɔ́mɑ 7:5

Ɛ́ kɑ zɛɛ ḿbɔ́ ŋkɑ́ yi mbʉʉ yɛkŋɛ kɑ pɛ́tnɛ ɛ́sɑ́Ꞌ wɛkŋɛ, nɛtsɑ́ɑ nɛɡɛ nu yi ɛ́ kɑ́ pɔŋ pʉ́Ꞌtɛ mbʉʉ yɛkŋɛ, mbíꞋŋɡɔ nɛpʉ́ʉ tɔꞋ, ḿbɛn ŋ́kẅiꞋ ḿbʉ́Ꞌtɛ wɛkŋɛ, pɛkŋɛ fɑꞋ pɔ mɛfɑꞋ mi ɛ́ ɡʉ ɛ́fúŋ pɔ nɛvú ńníꞋ nǔu pɛkŋɛ.

Pʉɔ-Lɔ́mɑ 7:8

Nu kɛpɔŋ yi ɛ́ nǔu mɔ kɑ lɛɛtɛ pɔ nǔu nɛpʉ́ʉ ɛ̂nɑ́, ḿbʉ́Ꞌtɛ wɑ́ɑ, nɛɡɛ yúu kɛpɔŋ yi tʉ́m yɑ́ɑ tsɑ́ɑnɛ tɛ ɛ́ zɑ́ɑ zɑ́ɑnɛ, nɛpʉ́ʉ kɑ zɛɛ pɛ́Ꞌnɛ mbɔɔ ɡú pɔ́, mbɔ nu kɛpɔŋ kɑ́ ɡẅɛɛ tʉʉ pɔ́.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.

Jɑ̂k 2:4

Pʉʉ lɑɑ ŋ́ɡɛ pɔ́Ꞌɔ, pʉʉ pɔɔ ńdɔk ŋ́ɡẅɛɛ tɔŋ tsɛtsɛt pʉʉ pɔ́ ɔɔ? Pʉʉ pɔɔ ńdɔk pɔ kwɑŋɛ kɛpɔŋ ńdíŋɛ pʉɔ pɔ́ ɔɔ?