Mɑ́lɛ́kúshi 6:41 - Kɑɑ Fí

⁴¹ Yɛ́su cẅɛ́ɛ mbɛlɛ̂ɛt ɛ̂yɑ́ ntɑ́Ꞌ yɛ́tɑɑ pɔ́p mɛshú ɛ̂mɑ́ mbɑŋ yɛ́pɑ́, ḿbʉꞋ tú yɛ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ mbɛlɛ̂ɛt ŋ́ɡɑ́ mbɔ̌ ɡɑŋku pɛ́, nɛpɔ́ yi pɔ́p ɡʉ ŋ́ɡɑptɛ mbɔ̌ lɑ́Ꞌ, ḿbɛn ŋ́ɡɛ pɔ pɔ́Ꞌɔ, nǔu mɛshú.

Mɑ́lɛ́kúshi 6:41 ပူးပေါင်းရင်းမြစ်များ

Mɑtʉ̈ɔ 14:19

ńcú pɔ́Ꞌɔ, ńcú mbɔ̌ lɑ́Ꞌ ŋɡɔ: “Pɔ́p pʉ̈ɔ́Ꞌ nɛɡíi ńnɑ́ŋ ndǔ, ḿbɛ́ɛ mbɛlɛ̂ɛt ɛ̂yɑ́ ntɑ́Ꞌ yɛtɑɑ, nɛ́ mɛshú mîmɑ́ mbɑŋ yɛ́pɑ́, ḿbʉꞋ tú yɛ́ ńdíŋɛ tʉ́, ŋ́ɡɛ́mtɛ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.”»

Mɑtʉ̈ɔ 15:36

ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.

Mɑtʉ̈ɔ 26:26

Pɔ́p pɛ́pɔ́p pɔ́ ńjʉ́ yúupɛjʉ́, Yɛ́su pɛ́ɛ mbɛlɛ̂ɛt, ŋ́ɡɑ́ pɑꞋlɑ́ mbɔ́-Sɛ́, ḿbʉ̈ɔ́Ꞌtɛ ŋ́ɡɔ ŋ́ɡɑ́ mbɔ̌ ɡɑŋku pɛ́, ńcú ŋɡɔ: «Pʉʉ kɔ ŋ́kwɛ́t, yɔ mbɑp-mbʉʉ yɑɑ,»

Mɑ́lɛ́kúshi 14:22

Pɔ́p pɛpɔ́p pɔ́ ńjʉ́ yúupɛjʉ́, Yɛ́su pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɔ ŋ́ɡɑ́ mbɔ̌ pɔ́p, ńcú ŋɡɔ: «Pʉʉ kɔ. Yɔ mbɑp-mbʉʉ yɑ́ɑ.»

Mɑ́lɛ́kúshi 6:40

Pɛ́ kɔkŋɛ ńnɑ́ŋtɛ sɛ́ mɛnɔɔ mɛnɔɔ, mɛcɔ́ mɛŋkɑŋ pɔ́ pʉɔ mɛɡɛ́mɛ́ntɑɑ, mɛcɔ́ pɔ́ pʉɔ ŋkʉ.

Mɑ́lɛ́kúshi 6:42

Pɔ́p pɛtsʉʉ kwɛ́t, ńzwɛ́t.

Mɑ́lɛ́kúshi 7:34

ŋ́ɡɔ́ɔ ŋ́kɛ́ ḿbʉꞋ mík mɛ́ ńdíŋɛ tʉ́, ńjẅi, ńcú ŋɡɔ: «Ɛfɑtɑ!» Ńdɔk ńcú ŋɡɔ: «Tsɔ́Ꞌnɛ!»

Mɑ́lɛ́kúshi 8:19

Mɔ, ŋ kɑ pʉ̈ɔꞋtɛ mbɛlɛ̂ɛt yîyɑ́ ntɑ́Ꞌ yɛ́tɑɑ pʉʉ lɔk ńzẅík pʉɔ ntsɑꞋ yɛ́tɑ́ɑ, ḿbɛn ńdɑklɛ mɛkɛm mɛ́ ɛ́ lúu pɛtúŋ pɛsʉꞋʉ pʉʉ tíi?» Pɔ́p pʉ̈ɔt ŋɡɔ: «PfuꞋ kɑ lúu pɛtúŋ ntsɔ̌ppɑ́ nɛ́ nɛɡɛ́m.»

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

Lúkɑ́shi 9:16

Yɛ́su pɛ́ɛ mbɛlɛ̂ɛt yîyɑ́ ntɑ́Ꞌ yɛ́tɑɑ nɛ́ mɛshú mîmɑ́ mbɑŋ yɛ́pɑ́, ḿbʉꞋ tú yɛ́ ńdíŋɛ tʉ́, ŋ́ɡɑ́ pɑ́Ꞌlɑ́ mbɔ̌ Sɛ́; ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, nɛpɔ́ yi pɔ́p ŋ́ɡɑp mbɔ̌ lɑ́Ꞌ.

Jɑ̂ŋ 11:41

Pɛ́ pɔ́ tɛ kẅɛ́Ꞌlɛ ŋɡɔꞋ, Yɛ́su pʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋ ɡɑ́ pɑꞋlɑ́ pɑ́Ꞌ n cɛꞋlɛ́nɛ wú, ɔ zúꞋ.»

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 6:11

Yɛ́su pɛ́ɛ mbɛlɛ̂ɛt, ŋ́ɡɑ́ pɑꞋlɑ́ mbɔ̌ Sɛ́, ŋ́ɡɑp mbɔ̌ lɑ́Ꞌ, ḿbɛn ŋ́ɡɛ pɔ pɔ́Ꞌɔ nǔu mɛshú, mbɑ wɔ̌ lɑ́ kwɛ́t yúu pɑ́Ꞌ ɑ kɔŋnɛ.

Jɑ̂ŋ 6:23

Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.

ŊwɑꞋnɛ-Gɑŋntúu Yɛ́su Kɛlístɔ 27:35

Pɔ̂l cú pɔ́Ꞌɔ, ḿbɛ́ɛ mbɛlɛ̂ɛt, ńtʉ́ʉ mbi pʉɔ tsʉʉ, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌ, ńzɛ nɛkwɛ́t.

Pʉɔ-Lɔ́mɑ 14:6

Ŋu ẅí ɑ ɡẅɛɛnɛ tɔŋ nǔu mɛlɛ́Ꞌlɑ́Ꞌ, ɑ ɡɛ tɔŋ pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ. Ŋu ẅí ɑ jʉ́ɔnɛ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ, mbíꞋŋɡɔ ɑ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu. Ŋu ẅí ɑ pɛn ŋ́kɛ́ mbɔɔ jʉ́ɔ mbɑ kʉ̈ɔ́ lɑ́ ŋ́kwɛ́t kwɛ́tnɛ pɔ́, ɑ kɑ́ kwɛ́t pɔ́Ꞌɔ pɔ́, ɛ́ pɔ́ pɔ nɛlɔk ŋ́ɡúꞋlɛ Tsɑpʉɔ. A pɛn ḿbɔ́ ŋ́ɡɑ́ yɛ́ pɑ́Ꞌlɑ́ mbɔ̌ Sɛ́.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.