Mɑ́lɛ́kúshi 6:34 - Kɑɑ Fí

³⁴ A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞌŋɡɔ pɔ́p ḿbɔ́ pɑꞋ nɔɔ-mɛnjinjɔ mi ntsiinɛ kɑ́ pɔ́ ɡú pɔ́ lɑ́. A zɛ nɛzíꞋ wɔ́p nɛ́ mɛnu tɛ ńzɑ́ɑ.

Mɑ́lɛ́kúshi 6:34 ပူးပေါင်းရင်းမြစ်များ

Mɑtʉ̈ɔ 14:14

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́. A zɛ nɛɡɛ ɡɑŋɡɔɔ pínɛ pɔ́p tsɛtsɛt pɔ́p fíitɛ.

Mɑtʉ̈ɔ 15:32

Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.»

Mɑtʉ̈ɔ 9:36

ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞋŋɡɔ pɔ́p kɑ pɔ́ pɑ́Ꞌ nɔɔ-mɛnjinjɔ mí ntsiinɛ kɑ́ pɔ́ ɡú pɔ́. Pɔ́p pɔ́ mɛjʉ́ŋ mɛjʉ́ŋ, mbɔ pɔ́p tsɑ́ŋtɛ.

Mɑ́lɛ́kúshi 6:33

Ŋ́ɡɔ́ ŋ́ɡʉ, lɑ́Ꞌ tɛ ńzɑ́ɑ jʉ́ɔ wɔ́p, ńdíŋɛ wɔ́p, ńzɑ́Ꞌtɛ ńnɛn nɛ́ mɛku, ɛ́fú mɛtʉ́sɔŋ tsʉʉ ńcẅɛt, ḿbiitɛ nǔu yɛcɔ́ njʉ́n, ńzẅíꞋlɛ wɔ́p.

Mɑ́lɛ́kúshi 6:35

ZɑꞋ-njí ɡɛ ńdɛɛ, ɡɑŋku pɛ́ tɔ́ nɛjɔ́ŋ yɛ́, ḿbɔ́ ńcú ŋɡɔ: «Pɛkŋɛ zɑ́Ꞌnɛ kɔ̂ŋtɛt, mbɔ zɑꞋ lɛɛ,

Mɑ́lɛ́kúshi 8:1

Ɛ́ pɛn ḿbɔ́ pɔ nǔu mɛlɛ́Ꞌ ɛ̂mɑ́, pʉɔ tɔ́, ńzɑ́ɑ tɛꞋ, ḿbɛn ńcúꞋlɛ nɛjɔ́ŋ Yɛ́su. PɑꞋ pɔ́p kɑ pɛn ŋ́kɛ́ mbɔɔ yúu kwɛ́tnɛ ɡẅɛɛ lɑ́, Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ:

Mɑ́lɛ́kúshi 8:2

«Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞌŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t pɑꞋ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ ḿbɔɔ ḿbɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́,

Lúkɑ́shi 9:11

Lɑ́Ꞌ jí, ńcʉ́ɔ nzʉʉ yɛ. A mɛɛ ḿbɛ́m, ńnɛn ɛ́sẅíi wɔ́p nɛ́ nu nǔu nɛfɔɔ-Sɛ́, ḿbɛn ŋ́ɡɛ pʉɔ pɛ́tsʉʉ pinɛ pɔ́p kɑ pɔ́ ńtsɑ́ɑ nɛfíitɛ fíitɛ.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.