Mɑ́lɛ́kúshi 6:14 - Kɑɑ Fí

¹⁴ Fɔɔ Ɛlɔ̂dɛ zúꞋ yɛ́ pɑꞋ pɛ́ cúnɛ mɛnu mi Yɛ́su ɡɛnɛ, mbíꞌŋɡɔ lík-Yɛ́su kɑ sɑt zʉꞋ. Pɛcɔ́ pʉɔ pɔ́ ńcú ŋɡɔ Jɑ̂ŋ Mbɑptíshi zẅíimɛ! Ɛ́ yúu mi ɛ́ ɡɛnɛ lɑ ɑ kuꞋ nɛɡɛ mɛŋkʉꞋnɛ mɛnu.

Mɑ́lɛ́kúshi 6:14 ပူးပေါင်းရင်းမြစ်များ

Mɑtʉ̈ɔ 9:31

Lɑ́ pɔ́p jɛ́Ꞌ tɛ ŋ́kúu píi ńdɔk lík-Yɛ́su ɛ́sɑt zʉꞋ tsʉʉ nǔu yîyɑ́ pɑk-lɑ́Ꞌ.

Mɑ́lɛ́kúshi 1:28

Pɔ́ꞌɔ lɑ́, lík yɛ́ ɡɔ́ɔ ɛ́sɑt lɑ́Ꞌ tsɛt pɑk-ŋɡɔŋ-Ŋɡɑlilɛɛ tsʉʉ.

Mɑ́lɛ́kúshi 1:45

Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.

Mɑ́lɛ́kúshi 8:28

Pɔ́p pʉ̈ɔt ŋɡɔ: «Pɛcɔ́ pʉɔ sɛ́ ńcú ŋɡɔ ɔ Jɑ̂ŋ Mbɑptíshi, Pɛcɔ́ pɔ́ ńcú ŋɡɔ ɔ Ɛlíyɑ, pɛcɔ́ pʉɔ pɔ́ ńcú yɔ́p ŋɡɔ ɔ wɛcɔ́ tɑꞋ nǔu pɛŋɡɛ́mndʉ̈ɔꞋ-Sɛ́ pɛ́ ŋkɑ́mbi ɑ zẅíimɛ́nɛ.»

Lúkɑ́shi 13:31

Yɛ́su pɔ́ ńcú pɔ́Ꞌɔ, pɛcɔ́ pʉɔ-Fɑlísɑy tɔ́ ńcú mbɔ̌ wɛ́ ŋɡɔ: «Fú zɑ́Ꞌnɛ ŋ́ɡʉ, mbíꞋŋɡɔ fɔɔ Ɛlɔ̂dɛ sɛ́ ńdɔ́ɔ nɛjẅí wú.»

Lúkɑ́shi 3:1

Jɑ̂ŋ mɔ́ɔ Sɑkɑlíyɑ lɑ́Ꞌ ńtswɛ́ kɔ̂ŋtɛt tɛ Sɛ́ túu wɛ́ ŋɡɔ ɑ ɡʉ ɛ́sẅíi nu yɛ́. Ɛ́ pɔ́ ŋɡuꞋ ɛ̂yɑ́, mbɔ Kɑ́sɑ Tíbɛɛ ẅi ɑ m̄bɔ́nɛ ɛ́sɑ́Ꞌ ŋɡɔŋ nɛ́ ŋɡɔŋ, mbɔ ɑ nɑ́ŋ nǔu kɔꞋ ŋɡuꞋ ntsɔ̌pɛ́tɑɑ nɛ́ nɛɡɛ́m. Pɔ́ŋnti Pilɑ́tɔ pɔ́ ŋɡɔ́mnɑɑ ŋɡɔ́ŋ-Jẅidɛ̂, Ɛlɔ̂dɛ pɔ́ sɑ́Ꞌ ŋɡɔ́ŋ-Ŋɡɑlilɛ́, mɔ́ɔmɑ́ wɛ Filîp pɔ́ sɑ́Ꞌ Itẅílíyɑ pɔ́p Tɛ́lɑkɔnît, Lisɑníyɑs pɔ́nɛ ɛ́sɑ́Ꞌ Abilɛ̂n. Ánɑ pɔ́p Kɑyífɑ pɔ́ pɛtɑ́tndɑ́-pɑnɔ́ŋpɔꞋ.

Lúkɑ́shi 7:17

Pɛ́ kɑ lɔk mɛnu mi Yɛ́su ɡɛnɛ ɛ́sɑt ŋɡɔ́ŋ-Jẅidɛ̂, tɛ mbɑ mɛcɔ́ mɛlɑ́Ꞌ shʉ́ zúꞋu.

Lúkɑ́shi 9:19

Pɔ́p pʉ̈ɔt ŋɡɔ: «Pɛcɔ́ pʉɔ sɛ́ ńcú ŋɡɔ ɔ Jɑ̂ŋ Mbɑptíshi, pɛcɔ́ pɔ́ ŋɡɔ ɔ Ɛlîi, pɛcɔ́ pɔ́ ńcú ŋɡɔ ɔ wɛcɔ́ tɑ́Ꞌ ŋu nǔu pɛŋɡɛ́mndʉ̈ɔ́Ꞌ-Sɛ́ pɛ́ ŋkɑ́ mbi, wi ɑ zẅíinɛ.»

1 Tɛsɑlɔník 1:8

Sẅiŋɛ-tsɑpʉɔ kɑ zɛɛ ɛ́fú pɔ tsɛtsɛt pʉʉ, ńjʉ́ pɑk-ŋɡɔŋ-Mɑsɛndwɑn mbɑ yɛ́ Akɑ̂y. Lɑ́ pɛ́ kɛ́ ḿbɔ́ zʉꞋ tsʉʉ ńjí ntɛ́ yi pʉʉ lɔknɛ ńzɑ́p tʉ́m nǔu Sɛ́, tɛ ḿbɔ́ pɛk pɔɔ pɛn ɛ́sẅíi ŋu sẅíinɛ pɔ́.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.