Mɑ́lɛ́kúshi 5:23 - Kɑɑ Fí

²³ ḿbúꞋ mbɔ́ ŋɡɔ: «Sɛ́sẅíi mɔ́ɔ wɑɑ wɛ mɑŋɡɛ́ tsʉꞋ ḿbɔ́ pɔ ntsu-nɛvú, tɔ́, ńzɑ́p mbɔ́ mú nǔu wɛ́, ɑ fíitɛ ńduk.»

Mɑ́lɛ́kúshi 5:23 ပူးပေါင်းရင်းမြစ်များ

Mɑtʉ̈ɔ 8:3

Yɛ́su zúꞋ, ńcɑklɛ pɔ́ ŋ́ɡẅɛɛ wɛ́, ńcú mbɔ̌ wɛ́ ŋɡɔ: «Ŋ kɔŋ pɔ́Ꞌɔ, fíitɛ.» ŊkɑꞋ ɡɔ́ɔ ḿmɛ nǔu wɛ́, ɑ ɡɔ́ɔ ɛ́fíitɛ.

Mɑ́lɛ́kúshi 16:18

pɔ́p ńdɑ́Ꞌ ńdɔk mbɔ́ mɔ́p ŋ́ɡẅɛɛ nɔ́, ḿbɔ́ yi pɔ́p lɑɑ ńjʉ́ mɛcɔp, yɛcɔ́ yúu pɔɔ wɔ́p ɡɛ, pɔ́p ɡʉ ńdɑ́Ꞌ ńzɑ́p mbɔ́ mɔ́p nǔu ɡɑŋɡɔɔ pɔ́p fíitɛ.»

Mɑ́lɛ́kúshi 5:24

Yɛ́su pɛ́m, pɔ́pmɛ́ cʉ́ɔ sɛ̂ndúŋ ḿbɔ́ ŋ́ɡʉ, lɑ́Ꞌ pɔ́ sɛ̂ndúŋ tɛꞋ, ḿbɔ́ ɛ́fyɛ́t Yɛ́su.

Mɑ́lɛ́kúshi 6:13

Ḿbɛn ḿbɔ́ ńzuŋmɛzẅikŋɛ kɛpɔŋtɛ ńzɑ́ɑ, ńci mɛɡwɛ́t nǔu pɛɡɑŋɡɔɔ tɛ ńzɑ́ɑ pɔ́p fíitɛ.

Mɑ́lɛ́kúshi 7:32

Pɛ́ lɔk wɛcɔ́ ŋu ńtɔ́ mbi yɛ́, ɑ pɔ́ mbúꞋ-mɛtúutɛ́, ḿbɛn ḿbɔɔ jí nɛsẅíŋɛ tɛ ɛ́ cẅɛt pɔ́, pɛɡɑŋ puꞋ mbɔ́ mbɔ̌ Yɛ́su ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ,

Mɑ́lɛ́kúshi 8:23

A ɡẅɛɛ pɔ́-fʉmík, ńdɔk wɛ́ ɛ́fú tsɛt lɑ́Ꞌ ńcẅɛt, ńdɔk mɛ́tɛ́ ńtsɛp mík mɛ́, ńzɑ́p mbɔ́ mɛ́ nǔu wɛ́, ḿbíkŋɛ wɛ́ ŋɡɔ: «Tɛ ɔ sɛ́ ńjʉ́ɔ yúu?»

Lúkɑ́shi 13:13

Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.

Lúkɑ́shi 4:38

Yɛ́su cẅɛt ndɑ́-cúꞋlɛ, ŋ́ɡʉ njɛ́Ꞌ Simɔ̂ŋ, ŋ́ɡɔ ŋ́kúu zúꞋu, mbɔ wɛcɔ́ ntʉʉ lyɔknút kɑ ɡẅɛɛ Mɑ́kẅiꞋ-Simɔ̂ŋ. Pɛ́ púꞋ mbɔ́ mbɔ̌ Yɛ́su ŋɡɔ ɑ cẅɛ́lɛ́ wɛ́.

Lúkɑ́shi 4:40

TúꞋ kɑ ɡɔ ɛ́sʉ́ʉ, pʉɔ pinɛ pɛɡɑŋ ɡɔ́ɔ ntɛ́ ntɛ́ ḿbɔ́nɛ mɛndɑ́ mɔ́p lɔk wɔ́p tɔ́. Yɛ́su zɑ́p mbɔ́ nǔu mbɑ wɛ́t ŋɡɔɔ lɑ́, ɑ fíitɛ.

Lúkɑ́shi 7:12

Pɔ́p ɡʉ tɛ ńtsʉ́Ꞌ nɛkúu tʉ́sɔŋ, ńjʉ́ɔ, mbɔ pɛ́ tíi pfú-wɛcɔ́ mɔ́ɔ mbɛ́ɛnɛ, ńdɔk ŋ́ɡʉ nɛtẅíi. Mbɔ ɑ ḿbɔ́ ndɑꞋ mɔ́ɔ mbɔ̌ mɑ́ wɛ, ɑ pɔ́ mpfúk. Lɑ́Ꞌ pɔ́ nzʉʉ yɛ́ tɛ ńzɑ́ɑ.

Jɑ̂ŋ 11:3

pɑŋɡɛ́ ɛ̂pɑ́ pɛ́pɑ́ túu ńcú mbɔ̌ Yɛ́su ŋɡɔ: «Ndɛ, súu nɛpɛ wu sɛ́ ŋ́ɡɔɔ tɛꞋ.»

ŊwɑꞋnɛ-Gɑŋntúu Yɛ́su Kɛlístɔ 28:8

Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.

ŊwɑꞋnɛ-Gɑŋntúu Yɛ́su Kɛlístɔ 6:6

Pɔ́p kɑ tsɔ́Ꞌ pʉɔ pɔnɛ, ńdɔk wɔ́p ńtɔ́ ńnyɛt mbɔ̌ ɡɑŋntúu. Gɑŋntúu cɛꞋlɛ Sɛ́, ńzɑ́p mbɔ́ tú pɔ́p.

ŊwɑꞋnɛ-Gɑŋntúu Yɛ́su Kɛlístɔ 8:17

Pyɛ̂ pɔ́p Jɑ̂ŋ zɑ́p mbɔ́ tú pɔ́p, Zẅikŋɛ Lɛ́ɛnɛ́nɛ ɡɔ́ɔ ŋ́kɛ́ ŋ́kúu nǔu pɔ́p.

ŊwɑꞋnɛ-Gɑŋntúu Yɛ́su Kɛlístɔ 9:12

Mbɔ n nyɛt wɛ́ ŋɡɔ wɛcɔ́ ŋu ɡʉ ńtɔ́ pɛ́ fúŋ wɛ́ ŋɡɔ Anɑníyɑs. A kúu ndɑ́, ńzɑ́p mbɔ́ tú yɛ́ lɑ́ ɑ ɡɔ́ɔ ŋ́kɛ́ ḿbɛn ńjʉ́ɔ zʉꞋ tsɛt njʉɔ.»

ŊwɑꞋnɛ-Gɑŋntúu Yɛ́su Kɛlístɔ 9:17

Anɑníyɑs ɡɔ́ɔ ŋ́kɛ́ ŋ́ɡʉ tɛ ŋ́kúu ndɑ́ ɛ̂yɑ́, ńzɑ́p mbɔ́ tú Sɔ̂l, ńcú mbɔ̌ wɛ́ ŋɡɔ: «Mɔ́ɔmɑ́ mɔ Sɔ̂l, Tsɑpʉɔ Yɛ́su túunɛ wɑ́ɑ. A Yɛ́su ẅí ɑ kɑ nyɛtnɛ mbʉʉ yɛ mbɔ̌ ɡu ŋ́kɑ́ yi ɔ ḿbɔ́nɛ sɛ̂ndúŋ ḿbɔ́ ńtɔ́ nɛ́ zɑꞋnɛ lɑ́. A túu wɑ́ɑ ŋɡɔ Sɛ́ ɡɛ ɔ pɛn ńjʉ́ɔ zʉꞋ. Zẅikŋɛ Lɛ́ɛnɛ́nɛ jʉ́ wú.»