Mɑ́lɛ́kúshi 5:13 - Kɑɑ Fí

¹³ Yɛ́su pɛ́m, mɛzẅikŋɛ kɛpɔŋ ɡɔ́ɔ ŋ́kɛ́ ɛ́fú nǔu ŋu ɛ̂wɑ́, ńcẅɛt ŋ́kúu nǔu mɛnjínɑɑ. Kɑt-mɛnjínɑɑ tɑ́kŋɛ ɛ́fú ndǔ nɛŋkɔ́Ꞌ ḿbʉ̈ɔtnɛ ŋki, ńnɔ́ ŋki ḿpfútɛ. Pɔ́p kɑ pɔ́ yúu ntsɑ́Ꞌ yɛ́pɑ́.

Mɑ́lɛ́kúshi 5:13 ပူးပေါင်းရင်းမြစ်များ

Mɑtʉ̈ɔ 7:6

Kɔɔ pʉʉ ɡɑ́ yúu mi ɛ́ yɛ́ Sɛ́, mbɔ̌ mvú mbɔ pɔ́p ḿbɛn ɛ́shɔtnɛ ńnɛ́mtɛ wʉ́ʉ. Kɔɔ pʉʉ mɑꞋ túkcí yʉ́ʉ mbi mɛnjínɑɑ. Mbɔ Pɔ́p ɡʉ ńnʉŋtɛ nɛ́ mɛku.

Mɑtʉ̈ɔ 8:32

Yɛ́su cú mbɔ̌ pɔ́p ŋɡɔ: «Pʉʉ ɡʉ!» Pɔ́p ɡɔ́ɔ ŋ́kɛ́ ɛ́fú nǔu pʉɔ pɑ́ ńcẅɛt, ŋ́ɡʉ ŋ́kúu nǔu mɛnjínɑɑ. Pɛ́ ɡɔ́ ńjʉ́ɔ, kɑt-mɛnjínɑɑ ɛ̂mɑ́ fú zúꞋu ŋ́kʉŋtɛ, ńtɑ́kŋɛ, ńzɔt ḿbʉ̈ɔtnɛ tsɛt nɛkʉŋ-ŋki, ńnɔ́ ŋki ḿpfútɛ.

Mɑ́lɛ́kúshi 5:12

Mɛzẅikŋɛ kɛpɔŋ puꞋ mbɔ́ mbɔ̌ Yɛ́su ńcú ŋɡɔ: «Gɛ pɛk kúu pɔ nǔu mɛnjínɑɑ mɔ.»

Mɑ́lɛ́kúshi 5:14

Pʉɔ pi pɔ́p kɑ pɔ́ ńtsiinɛ mɛnjínɑɑ jʉ́ɔ pɔ́Ꞌɔ, ŋ́kʉɔ, ŋ́ɡʉ ńdɔk nu yi pɔ́p jʉ́ɔnɛ, ɛ́sɑt tʉ́sɔŋ, tɛ mbɑ lɑ́Ꞌ. LɑꞋ kɔꞋ, ńtɔ́ ńjʉ́ɔ yúu mi ɛ́ ɡɛnɛ,

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Mɛnu ɛ́ ńdɑ́Ꞌ ńcẅɛt 20:7

MɛŋɡuꞋ ntsɑ́Ꞌ ɛ̂mɑ́ ɡʉ ŋ́ɡɛ ḿbɔ́ tɛ kuꞋ, pɛ́ ɡʉ tsɛt ndɑ́tsɑ́ŋ yi Sɑ́ttɑ tsɛtú lɑ́, ŋ́kíɛꞋtɛ mɛcɛ̂n nǔu wɛ́, ńnɑ́ wɛ́.

Mɛnu ɛ́ ńdɑ́Ꞌ ńcẅɛt 9:11

Ŋu ẅí ɑ mbɔ̌ pɔ́p ḿbɔ́ pɑ́Ꞌ fɔɔ wɔp, ḿbɔ́ ɛ́sɑ́Ꞌ wɔ́p, pɔ́ zẅikŋɛ kɛpɔŋ ẅi ɑ ɡẅɛɛnɛ nu nǔu nɛpʉ́ kɛ́ ndúŋ ẅi lík yɛ́ nǔu sẅiŋɛ-Hɛbɛlʉ́ʉ ḿbɔ́ ŋɡɔ Ambɑdɔŋ, ḿbɔ́ nǔu sẅiŋɛ-pʉɔ-Ŋɡɛlɛ́k ḿbɔ́ ŋɡɔ Apɔlyɔŋ ńdɔk ńcú ŋɡɔ: ŋɡɑŋntɑ́k.