Mɑ́lɛ́kúshi 4:7 - Kɑɑ Fí

⁷ Mɛcɔ́ mɛmbɑŋ vu tsɛt nɛɡíi kɛpɔŋ. Nɛɡíi kɛpɔŋ ɡɛ ńdɔ sɛ́, ɛ́fɛ́mɛ mîmɑ́, ɛ́ pɔɔ zɛ́m.

Mɑ́lɛ́kúshi 4:7 ပူးပေါင်းရင်းမြစ်များ

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 13:7

Mɛcɔ́ mɛmbɑŋ vu tsɛt nɛɡíi kɛpɔŋ, nɛɡíi kɛpɔŋ ɡɛ ńdɔ sɛ́ ɛ́fɛ́mɛ mîmɑ́.

Mɑtʉ̈ɔ 13:8

Mɛcɔ́ mɛmbɑŋ vu nǔu zʉꞋ-tsɛ́tsɑ́Ꞌ sʉ́Ꞌnɛ, ɛ́sɑ́Ꞌ ŋ́ɡúꞋ, ńzɛ́m. Mɛcɔ́ mɛtsɛ́n pɔ́ ŋ́ɡɑ́ mbɑŋ ŋkʉ, mɛcɔ́ ɡɑ́ mbɑŋ mɛɡɛ́mɛ́nɛ́ntúkú, mɛcɔ́ ɡɑ́ mbɑŋ mɛɡɛ́mɛ́ntɑ́t.

Mɑ́lɛ́kúshi 4:6

Mɔ́nɛm ɡɛ ńtɑ́ sʉ́Ꞌnɛ, ńtɔɔ, ɛ́ zúu, mbíꞌŋɡɔ mɛŋɑŋ ŋ́kɑɑ lɑtnɛ sɛ́ pɔ́.

Mɑ́lɛ́kúshi 4:8

Mɛcɔ́ mɛmbɑŋ vu ɡúu nǔu zʉꞋ-tsɛtsɑ́Ꞌ sʉ́Ꞌnɛ, ŋ́ɡúꞋ, ɛ́sɑ́ɑ sʉ́Ꞌnɛ. Mɛcɔ́ mɛtsɛ́n pɔ́ ŋ́ɡɑ́ mbɑŋ mɛɡɛ́mɛ́ntɑ́t, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ ŋkʉ.»

Lúkɑ́shi 12:15

Ḿbɛn ńcú mbɔ̌ pʉɔ tsʉʉ ŋɡɔ: «Pʉʉ lɑk tú yʉ́ʉ! Pʉʉ pɑ́ɑ nɛcúꞋlɛ yúu, ŋ́kɛ́ ŋ́kẅiꞋ kẅiꞋnɛ. Nɛpɔŋ wɛ ŋu kɑ́ ɡẅɛɛ yɛcɔ́ nu nǔu yúu mi ŋɡɑŋ ɡẅɛɛnɛ pɔ́, tɛ mbɑ pɑ́Ꞌ ɑ ńzɛnɛ ŋ́ɡẅɛɛ pɔ kʉ̈ɔ́ lɑ́!»

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

Lúkɑ́shi 8:14

Mbiyúu mi ɛ́ vunɛ tsɛt nɛɡíi kɛpɔŋ, lɔk ḿbɔ́ pʉɔ pinɛ pɔ́p zúꞋ, ŋ́ɡɛ ńzɛ nɛmʉk mɛnu nji nji, ńzɛ nɛkwɑŋɛ ŋkɑ́p pɔ́p nɛnɑ́ŋ sʉ́Ꞌnɛ ndǔ tsɛ́tsɑ́Ꞌ, sẅíŋɛ-Sɛ́ ɡɔ́ɔ ḿbɛ́ kɛ́ ɡɛ yɛcɔ́ yúu tsɛt tʉ́m pɔ́p.

Lúkɑ́shi 8:7

Mɛcɔ́ mɛmbɑŋ vu tsɛt nɛɡíi kɛpɔŋ, pɔ́p pɛpɔ́p lɔ sɛ́, nɛɡíi kɛpɔŋ fɛ́mɛ mîmɑ́.