Mɑ́lɛ́kúshi 4:34 - Kɑɑ Fí

³⁴ A ŋ́kɑɑ pɔ́ ɛ́sẅíi wɔ́p nɛ́ nu kɛ́ lɔk pɔ́ sɑknɛkɛt pɔ́, ḿbɔ́ ŋkɑ́ yi pɔ́p ɡɑŋku pɛ́ tsʉ́Ꞌnɛ ḿbɔ́, ɑ ŋ́kyɛ́Ꞌtɛ ɛ́sẅíi wɔ́p pɑꞋ ɛ́ lɔknɛ ńcú.

Mɑ́lɛ́kúshi 4:34 ပူးပေါင်းရင်းမြစ်များ

Mɑtʉ̈ɔ 13:34

Yɛ́su kɛ́ ńdɔk pɔ sɑknɛkɛt ńcú mɔnɛ mɛnu mbɔ̌ lɑ́Ꞌ. A ŋ́kɑɑ pɔ́ ńcú yɛcɔ́ nu nɛ́ pɔ́p kɛ́ sɑknɛkɛt lɛɛ nǔu pɔ́.

Mɑ́lɛ́kúshi 4:10

LɑꞋ ɡɛ ŋ́ɡʉ, pʉɔ pi pɔ́p kɑ zɛɛnɛ ḿbɔ́ nɛjɔ́ŋ Yɛ́su pɔ́p ɡɑŋku pɛ́ ntsɔ̌ppɑ́ nɛ́ nɛɡɛ́m tsʉꞋ nzʉʉ, ḿbíkŋɛ wɛ́ ŋɡɔ ɑ kyɛ́Ꞌtɛ mɛsɑknɛkɛt mɑ́ ɛ́sẅíi wɔ́p.

Mɑ́lɛ́kúshi 4:33

Yɔ pɑꞋ Yɛ́su kɑ pɔ́ ńzíꞋ pʉɔ nɛ́ yúu pɔ́Ꞌɔ, ńdɔk pɔ mɛsɑknɛkɛt pɑꞋ mɔnɛ, lɑ sẅíi nu-Sɛ́, ɛ́sẅíi nǔu ntɛ́ yi ḿbɔ́ lɑ́Ꞌ kuꞋ nɛzúꞋ.

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Jɑ̂ŋ 10:6

Yɛ́su cú yɔ sɑknɛkɛt mbɔ̌ pɔ́p, lɑ́ pɔ́p kɛ́ mbɔɔ zúꞋ yúu mi ɑ lɔknɛ ńcú pɔ́.

Jɑ̂ŋ 16:25

N dɔk pɔ sɑknɛkɛt ńcú mɔ mɛnu. Yɛcɔ́ ŋkɑ́ ɡʉ ŋ́ɡɛ ḿbɔ́, m bɔɔ pɛn ńdɔk pɔ sɑknɛkɛt ńcú nu mbɔ̌ pʉʉ pɔ́. N tsʉ́Ꞌ ɛ́sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu yí ɛ́ líŋɛ́nɛ Tɑ̌ɑ mɔ.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.