Mɑ́lɛ́kúshi 3:7 - Kɑɑ Fí

⁷ Yɛ́su pɔ́p ɡɑŋku pɛ́ ɡɛ ɛ́fú zúꞋu ŋ́ɡʉ nɛ́ mbʉʉ mɑ́mɑ́ mí-Ŋɡɑlilɛɛ. Nɔɔ-lɑ́Ꞌ tɛ ńzɑ́ɑ cʉ́ɔ nzʉʉ yɛ́, ɛ́fú ɡúŋ-pɑk-ŋɡɔŋ-Ŋɡɑlilɛɛ mbɑ ɡúŋ-pɑk-ŋɡɔŋ-Judɛ̂,

Mɑ́lɛ́kúshi 3:7 ပူးပေါင်းရင်းမြစ်များ

Mɑtʉ̈ɔ 10:23

Pɛ́ zɑ́Ꞌ ku yʉ́ʉ tsɛt yɔ tʉ́sɔŋ, pʉʉ kʉɔ ŋ́ɡʉ tsɛt yɛcɔ́. Ŋ ɡʉ ɛ́sẅíi wʉ́ʉ, kwɑꞋ nɛ́nẅín, pʉʉ kɛ́ lɑ́Ꞌ ŋ́kúu mɛtʉ́sɔŋ-Íslɑyɛ̂l tɛ ḿmɛk kɛ́ pɔ́ yi Mɔ́ɔ-Ŋu tɔ́ pɔ́.

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 12:16

A pɛn ńtɔꞋ wɔ́p tɛ ḿbʉ́ʉ, ŋɡɔ pɔ́p pɑ́ɑ nɛɡɛ tɛ pɛ́ ńjí ŋu ẅí ɑ jʉ́.

Mɑtʉ̈ɔ 4:25

Lɑ́Ꞌ mɛnɔɔ mɛnɔɔ fú Ŋɡɑlilɛɛ, ɛ́fú tsɛt mɛtʉ́sɔŋ nɛɡɛ́m, ɛ́fú Yɛlúsɑlɛm, ɛ́fú Judɛ̂ tɛ mbɑ nǔu yɛcɔ́ njʉ́n-ŋki-Juudɛŋ, ńcʉ́ɔ nzʉʉ yɛ́.

Mɑ́lɛ́kúshi 1:39

A cú pɔ́Ꞌɔ, ḿbɔ́ ńnɛn zʉꞋ tsʉʉ tsɛt pɑk-ŋɡɔŋ-Ŋɡɑlilɛɛ, ŋ́kúu tsɛt mɛndɑ́-cúꞋlɛ, ńcẅi Ŋkʉʉ Sʉ́Ꞌnɛ-Sɛ́, ḿbɛn ńzuŋ mɛzẅikŋɛ kɛpɔŋ nǔu pʉɔ.

Mɑ́lɛ́kúshi 1:45

Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.

Mɑ́lɛ́kúshi 3:20

Ŋ́ɡɛ pɔ́Ꞌɔ, Yɛ́su kúu ndɑ́, lɑ́Ꞌ pɛn ńcúꞋlɛ ńzɑ́ɑ zɑ́ɑnɛ tɛ pɔ́p ɡɑŋku pɛ́ pɔɔ jʉ́ɔ mbɑ ŋkɑ́ tɛ ŋ́kwɛ́t yúu pɔ́.

Mɑ́lɛ́kúshi 4:1

Yɛ́su kɑ pɛn ńzɛ nɛzíꞋ pʉɔ nɛ́ nu-Sɛ́ mbʉʉ-ŋki-Ŋɡɑlilɛɛ, nɔɔ-lɑ́Ꞌ tɔ́ nɛjɔ́ŋ yɛ́ tɛ ńzɑ́ɑ tɛꞋ, pɔ́Ꞌɔ lɑ́, ɑ kúu tsɛt kɑnúꞋ yi ɛ́ tsɛt ŋki, ńnɑ́ŋ. LɑꞋ tʉ́ʉ mbʉʉ-ŋki.

Lúkɑ́shi 23:5

Lɑ́ pɔ́p tsúŋ ńnʉʉ nʉʉnɛ, ńcú ŋɡɔ: «A sɛ́ mbɔ́ ŋ́kɑ́t ɛ́swɛtɛ pʉɔ ŋɡɔ pɔ́p tʉʉ tú. A kɑ zɛ Ŋɡɑlilɛɛ, ŋ́kúu Jẅidɛ̂, ɛ́ pʉ́ɔ lɑɑ ɑ lɔknɛ ńtɔ́ tɔ́nɛ tɛ ŋ́kúu zɑ́Ꞌnɛ lɑɑnɛ.»

Lúkɑ́shi 6:12

Yɛ́su pɔ́ yɛcɔ́ lɛ́Ꞌ, ŋ́ɡʉ ndǔ nɛŋkɔ́Ꞌ nɛcɛꞋlɛ Sɛ́, tɛ ńdɛ́ zúꞋu lɛ́nɛ.

Lúkɑ́shi 6:17

Yɛ́su pɔ́p ɡɑŋntúu pɛ́ pi ɑ tsɔ́Ꞌnɛ, fú ndǔ nɛŋkɔ́Ꞌ ńcúŋ tɛ ŋ́kúu sɛ́, ńjʉ́ɔ pɛcɔ́ ɡɑŋku pɛ́ pɔ́ zúꞋu tɛ ńzɑ́ɑ pɔ́p nɔɔ-lɑ́Ꞌ, mbɔ pɛ́ fú nǔu ŋɡɔ́ŋ-Jẅidɛ̂, ɛ́fú tʉ́sɔŋ Yɛlúsɑlɛm, ɛ́fú mɛtʉ́sɔŋ Tîi pɔ́p Sidɔ̂ŋ mi ɛ́ ŋkɑŋ-ŋki.

Jɑ̂ŋ 7:41

Pɛcɔ́ pɔ́ ńcú ŋɡɔ jʉ́ pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ. Lɑ́, pɛcɔ́ pɔ́ ńcú yɔ́p pɔ ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ lɑɑ ḿbɔ́ ɑ pɔɔ fú Ŋɡɑlilɛɛ pɔ́.

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 17:10

Nzɛ́nzʉ́ʉ vu, pɔ́ɔpɛ́mɑ́ ɡɛ Pɔ̂l pɔ́p Sílɑs ɡʉ nɛ tʉ́sɔŋ-Mbɛlɛ́ɛ, ŋ́ɡʉ tɛ ŋ́kúu zúꞋu, ŋ́ɡʉ ndɑ́-cúꞋlɛ-pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 17:14

Ɛ́ ɡɛ pɔ́Ꞌɔ, pɔ́ɔpɛ́mɑ́ ɡɔ́ɔ ŋ́ɡɛ Pɔ̂l lɔk shʉ́-ŋki kɛ́ ndẅiklɛ ŋ́ɡʉ. Sílɑs pɔ́p Timɔtɛ̂ɛ tsʉ́Ꞌ ŋ́ɡɔ́ŋ Mbɛlɛ́ɛ.