Mɑ́lɛ́kúshi 3:5 - Kɑɑ Fí

⁵ Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Mɑ́lɛ́kúshi 3:5 ပူးပေါင်းရင်းမြစ်များ

Mɑtʉ̈ɔ 12:13

Yɛ́su cú mbɔ̌ pfúpɔ́ ŋɡɔ: «Sɛn pɔ́ yú.» A sɛn, pɛ́ jʉ́ɔ ɛ́ pɛn ńtɛntɛ pɑ́Ꞌ yɛcɔ́.

Mɑ́lɛ́kúshi 3:4

Yɛ́su cú mbɔ̌ pʉɔ ɛ̂pɑ́ ŋɡɔ Pʉʉ sẅíi wɑ́ɑ: Nɛpʉ́ʉ nɛkŋɛ pɛ́Ꞌɛ ńcú ŋɡɔ pɛ́ ɡɛ kʉ̈ɔ́ lɛ́Ꞌnji? Ŋɡɔ pɛ́ ɡɛ nu sʉ́Ꞌnɛ kɛ nu kɛpɔŋ? Ŋɡɔ pɛ́ ɡɛ ŋu luk kɛ pɔ ŋɡɔ pɛ́ jẅí wɛ́?» Sɑ̌ɑ ŋu wɔp pɔɔ tsɔ́p.

Lúkɑ́shi 13:15

Lɑ́ Yɛ́su tsɔ́Ꞌ mbɔ̌ wɛ́ ŋɡɔ: «Pʉʉ ɡɑŋcɔtnu, wɔ̌ nǔu pʉʉ kɑ́ pɔ́ ŋ́ɡʉ lɛ́Ꞌnji wɛkŋɛ, ŋ́kíɛꞋ fɔŋ wɛ, kɛ pɔ Njɑkɑ́ɑshi wɛ pɔ́, ńdɔk ŋ́ɡʉ ɑ nɔ́ ŋki pɔ́ ɔɔ?

Lúkɑ́shi 17:14

Yɛ́su jʉ́ɔ wɔ́p, ńcú mbɔ̌ pɔ́p ŋɡɔ: «Pʉʉ ɡʉ ńnyɛt mbʉʉ yʉʉ mbɔ̌ pɑnɔ́ŋpɔꞋ.» Pɔ́p cʉ́ɔ sɛ̂ndúŋ, ḿbɔ́ ŋ́ɡʉ, ńjʉ́ɔ, mbɔ ŋkɑꞋ mɛ nǔu pɔ́p.

Lúkɑ́shi 6:10

Ḿbíkŋɛ tɛ ńnɑꞋ cí, ńdíŋɛ wɔ́p wɛ́mɔ́Ꞌ wɛ́mɔ́Ꞌ, tɛ ɛ́ kuꞋ, ɑ cú mbɔ̌ ŋɡɑŋɡɔɔ ŋɡɔ: «Sɛn pɔ́ yú!» A sɛn, pɛ́ jʉ́ɔ ɛ́ tɛntɛ.

Jɑ̂ŋ 9:7

Ńcú mbɔ̌ wɛ́ ŋɡɔ: «ɡʉ suk tsɛt ɡʉ́ɔ-ŋki-Silɔwɛ́. Silɔɛ́ lɔk ńcú ŋɡɔ nɛtúu ŋu». Fʉmík ɡʉ zúꞋu ɛ́suk shʉ́ wɛ́, ŋ́ɡɔ ḿbɛn nzʉʉ ḿbɔ́ ńjʉ́ɔ zʉꞋ.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

Ɛ́bɛlʉʉ 3:10

Ɛ́ yúu mi ɛ́ kɑ ɡɛnɛ nu yîyɑ́ ɡɑŋku-pʉɔmɛsɔŋ pʉ́k wɑ́ɑ. Lɑ́ n cú ŋɡɔ: Pɔ́p ŋkɑ́ tsʉʉ tʉ́m yɔ́p ɛ́fú nǔu mɔ ńjɛ́pmɛ jɛ́pmɛ́nɛ. Pɔ́p ŋkɑɑ lɑ́Ꞌ kɛ́ ńdɔk yɛcɔ́ tɑ́Ꞌ nǔu mɛnu mi ŋ kɑ pɔ́ ńcú mbɔ̌ pɔ́p, ɛ́fúŋ yɛcɔ́ nu pɔ́.

Ɛ́bɛlʉʉ 3:17

Nu pɛ wɔ̌ pɛnnɛ ńdɑ́Ꞌ ḿbʉ́k Sɛ́ pʉ́knɛ ŋɡuꞋ mɛɡɛ́mɛ́nɛ́kwɑ? Ɛ́ kɑ pɔ́ nu-pʉɔ pi pɔ́p kɑ púunɛ ɛ́fɑɑnɛ mɛnu, lɑ ḿvutɛ kɔ̂ŋtɛt ḿpfútɛ, mɛpfú mɔ́p sɑt zʉꞋ.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Mɛnu ɛ́ ńdɑ́Ꞌ ńcẅɛt 6:16

ḿbɔ́ ńcú mbɔ̌ mɛŋkɔ́Ꞌ, mbɑ mbɔ̌ mɛmɑ́mɑ́ mɛŋɡɔꞋ ŋɡɔ: Pʉʉ kɛ́mɛ ɛ́fyɛ́t wɛ́k, ńdʉɔ wɛ́k. Ŋu ẅí ɑ nɑ́ŋnɛ ndǔ kɔꞋ-nɛfɔɔ lɑ́, pɔɔ pɛn ńjʉ́ɔ wɛ́k pɔ́. Mɔ́ɔ-Njinjɔ pɔɔ pɛn ńzɑ́ŋ lɔ́ŋ nǔu pɛk pɔ́.