Mɑ́lɛ́kúshi 3:29 - Kɑɑ Fí

²⁹ Lɑ́, ŋu lɑɑ ńzɔɔtɛ Zẅikŋɛ Lɛ́ɛnɛ́nɛ, mbɔ yɛcɔ́ nɛlɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ kɛ́ pɛn ḿbɔ́ ɡú pɔ́, mbíꞌŋɡɔ ɑ ɡɛ pɔ́Ꞌɔ, nu kɛpɔŋ ɛ̂yɑ́ ɡɔ́ŋ tú yɛ́ kɛ́ lɑ́Ꞌ ḿmɛ.»

Mɑ́lɛ́kúshi 3:29 ပူးပေါင်းရင်းမြစ်များ

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 9:3

Pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ zúꞋu, ńzúꞋ, ḿbɔ́ ńcú tsɛtsɛt pɔ́p ŋɡɔ: «Ŋu wɔ kɑŋ kɔꞋ-Sɛ́ mbɑ́ɑ!»

Mɑ́lɛ́kúshi 12:40

ḿbɛn ńdɔk jínu ńcẅɛ́ɛ yúu pɛpfúk, ńtsʉ́ꞌ nɛcɛꞋlɛ Sɛ́, ńdɔk nɛcú nu ɛ́ sɑk, ɛ́fú mík-pʉɔ, Sɛ́ ɡʉ ńdɑ́Ꞌ ńzɑ́p yɔp ŋɡʉ̈ɔ́Ꞌ ɛ́ tɛn tɛꞋ.»

Mɑ́lɛ́kúshi 3:30

Yɛ́su kɑ pɔ́ ńcú mbɔ̌ pɔ́p pɔ́Ꞌɔ, mbíꞌŋɡɔ pɔ́p cú ŋɡɔ mɛtʉʉ mɛ́ fú pɔ mbɔ̌ zẅikŋɛ kɛpɔŋ.

Lúkɑ́shi 12:10

«Ŋu lɑɑ ɛ́sẅíŋɛ kɛpɔŋ nǔu Mɔ́ɔ-ŋu, mbɔ Sɛ́ ɡɛ ńdɑ́Ꞌ ńdikŋɛ ŋ́ɡɑ́ mbɔ̌ wɛ́, lɑ́ ŋ́kɛ́ ńzɔɔtɛ Zẅikŋɛ Lɛ́ɛnɛ́nɛ, mbɔ pɛ́ kɛ́ pɛn ńdɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ pɔ́.»

2 Tɛsɑlɔník 1:9

Ŋɡʉ̈ɔ́Ꞌ yi pɔ́p ɡʉ ńdɑ́Ꞌ jʉ́ɔ ɛ́ pɔ́ pɔ pɑ́Ꞌ pɔ́p ɡʉ ńdɑ́kŋɛ tɑ́Ꞌ ŋkɑ́, Tsɑpʉɔ wɛkŋɛ tsɛ́t ndúŋ mbɔ̌ pɔ́p tɛ pɔ́p pɔɔ sɔp lík nǔu wɛ́ pɔ́, ŋ́kɛ́ mbɔɔ jʉ́ɔ mɑ́mɑ́ nɛŋwɑ́ŋɛ wɛ pɔ́.

Jẅidɛ 1:13

Pɔ́p pɑ́Ꞌ mɛnʉ́ʉ-ŋki mi ɛ́ sɛ́ ńtɛ́mɛ, mɛfɑꞋ-sʉ́ʉ mɔ́p sɑt zʉꞋ pɑ́Ꞌ mɛkyɑŋɛ mi ŋki lɔknɛ ɛ́sɑt zʉꞋ tsʉʉ lɑ́. Pɔ́p pɑ́Ꞌ pɛcʉ̈ɔ́Ꞌ-sɑŋ pi pɔ́p ɡɔ́ ḿbɔ́ ḿbúunɛ, mbɔ Sɛ́ kɑ niitɛ zʉꞋ yɔ́p tɑ́Ꞌ ŋkɑ́ tsɛt fɛ́m nzɛ́nzʉ́ʉ.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.