Mɑ́lɛ́kúshi 3:18 - Kɑɑ Fí

¹⁸ Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Mɑ́lɛ́kúshi 3:18 ပူးပေါင်းရင်းမြစ်များ

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑ́lɛ́kúshi 2:14

A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Mɑ́lɛ́kúshi 3:17

yɔ pɔ́ Jɑ̂k pɔ́p mɔ́ɔmɑ́ wɛ Jɑ̂ŋ, pɔ́p pɔ́ mbɔ́ŋkʉ̈ɔ́ Zɛbɛ́dɛ̂. Yɛ́su cẅi lík yɔ́p ŋɡɔ Mbwɑnɛ̂ɡɛ́s, ɛ́ lɔk ńcú ŋɡɔ, pɔ́ɔ-nɛfɑŋ ni ɛ́ kwɛnɛ́nɛ.

Mɑ́lɛ́kúshi 3:19

ḿbɛn ŋ́ɡɛ Jẅidɑ Iskɑlyɔt ẅi ɑ kɑ ńtɑ́ɑnɛ ɛ́fɛn Yɛ́su.

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Jɑ̂ŋ 1:40

Ɛ́ kɑ ɡʉ nǔu pʉɔ pɛ́pɑ́ pínɛ pɔ́p kɑ zúꞋnɛ sẅiŋɛ-Jɑ̂ŋ, ńcʉ́ɔ nzʉʉ Yɛ́su lɑ́, lík wɛcɔ́ tɑ́Ꞌ ŋu kɑ pɔ́ ŋɡɔ Ndɛlɛ́yɑ, ɑ pɔ́ mɔ́ɔmɑ́-Símɔŋ Pyɛ̂.

Jɑ̂ŋ 11:16

Tɔ́mɑ́shi ẅí pɛ́ kɑ pɔ́ ḿbɛn ɛ́fúŋ wɛ́ ŋɡɔ mɔ́ɔnɛfɑ́k, cú mbɔ̌ pɛcɔ́ ɡɑŋku-Yɛ́su ŋɡɔ: «Pʉʉ tɔ́ pɛkŋɛ pɔ́p ɡʉ, ńtɛmtɛ ḿpfú.»

Jɑ̂ŋ 14:22

Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 15:13

Pɔ́p pɛ́ɛtɛ tɛ ḿbɔ́tnɛ ńnɑ́ŋ, Jɑ̂k cú yɛ́ ŋɡɔ: «Pɔ́ɔpɛ́mɑ́ pɑ́ɑ, pʉʉ zẅíꞋlɛ nu yi mɔ ńcú.

ŊwɑꞋnɛ-Gɑŋntúu Yɛ́su Kɛlístɔ 21:18

Njí ɡɛ ŋ́kiɛ, pɛk pɛ́ Pɔ̂l ɡʉ njɛ́Ꞌ-Jɑ̂k, ŋ́kúu zúꞋu pɑcẅɛ́ɛ mbi tsɛt cúlɛ-pʉɔ-Kɛlístɔ yi Yɛlúsɑlɛm tɔ́ yɔ́p.

1 Kɔlɛ̂ŋtɛ 15:7

A kɑ ɡɛ ḿbɑ́ɑtɛ ńnyɛt mbʉʉ yɛ́ mbɔ̌ Jɑ̂k ḿbɛn ńnyɛt mbɔ̌ ɡɑŋntúu pɛ́tsʉʉ.

1 Kɔlɛ̂ŋtɛ 9:5

Mbɑ wɛ́tɛ́ ŋu lɑ́ nǔu pɛk kɑ́ ɡẅɛɛ yɛ́ nɛɡɔ́ ńnɛn, pɔ́p wɛcɔ́ mɔ́ɔmɑ́ wɛkŋɛ ŋu-Kɛlístɔ wɛ mɑŋɡɛ́, ɑ pɔ́ nzwɛ́ wɛ pɔ́ kíi? Ɛ́ kɑ́ pɔ́ pɑ́Ꞌ Kɛfɑs, nɛ́ pɛcɔ́ ɡɑŋntúu, mbɑ pɔ́ɔpɛ́mɑ́-Tsɑpʉɔ ɡɛnɛ pɔɔ?

Ŋɡɑlɑ̂t 1:19

ɑ kɑ́ pɔ́ ndɑꞋ jʉ́ pɔ́, mbɔ mɔ ŋkɑɑ pɛn ńjʉ́ɔ wɛcɔ́ ŋɡɑŋntúu-Yɛ́su wɛ ndɛꞋ pɔ́, ŋ kɑ pɛn ńjʉ́ɔ pɔ Jɑ̂k mɔ́ɔmɑ́ pɛ Tsɑpʉɔ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.