Mɑ́lɛ́kúshi 12:7 - Kɑɑ Fí

⁷ Lɑ́ ɑ ŋ́kúu zúꞋu, pʉɔ pɑ́ cú tsɛtsɛt pɔ́p ŋɡɔ: Njʉ́ndɑ́ wɛ pʉ́ɔlɑ́ ẅi ɑ tɔ́nɛ lɑ́, pɛkŋɛ jẅí wɛ́, ńjʉ́ ŋkɑ́Ꞌ,

Mɑ́lɛ́kúshi 12:7 ပူးပေါင်းရင်းမြစ်များ

Mɑtʉ̈ɔ 2:16

Ɛlɔ̂dɛ pɔ́ tɛ ńjʉ́ɔ ŋɡɔ pɑjí nu nǔu pɛcʉ̈ɔ́Ꞌ-sɑŋ kɑ fʉ́klɛ wɛ́, ńzɑ́ŋ lɔ́ŋ tɛꞋ, ŋ́ɡɔ́ɔ ńtúu pʉɔ ŋɡɔ pɔ́p ɡʉ tʉ́sɔŋ-Mbɛ́tɛ́lɛ́hɛm tɛ mbɑ mɛpɑt-tʉ́sɔŋ, ḿbuu ńjẅítɛ mbɔ́ŋkʉ̈ɔ́ tsʉʉ pinɛ pɔ́p kuꞋnɛ ŋɡuꞋ yɛ́pɑ́ mbɑ pi pɔ́p pɛ́t kɛ́ kuꞋ ŋɡuꞋ yɛ́pɑ́, ńdɔk ńdʉŋtɛ pɔ́Ꞌɔ, nǔu ŋkɑ́ yi pɔ́p kɑ sẅíinɛ wɛ́ ŋɡɔ cʉ̈ɔ́Ꞌ-sɑŋ kɑ cẅɛt lɑ́.

Mɑtʉ̈ɔ 21:34

Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑ́lɛ́kúshi 12:12

Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Mɑ́lɛ́kúshi 12:6

Ŋu ẅí ɑ kɑ pɛ́tnɛ mbɔ̌ wɛ́, kɑ tsʉꞋ ḿbɔ́ pɔ ndɑꞋ mɔ́ɔ nɛ ẅí ɑ kɑ pɔ́ ŋ́kɔŋ wɛ́ tɛꞋ. A ɡɔ́ ńdẅiklɛ, ńtúu ẅîwɑ́ mɔ́ɔ mbɔ̌ pɔ́p, ḿbɔ́ ŋ́kwɑŋɛ ŋɡɔ, ɛ́ ɡʉ ŋ́ɡɛ pɑꞋɑ lɑ́, pɔ́p ɡɛ mɛkuꞋ mɔ́ɔ wɑɑ.

Mɑ́lɛ́kúshi 12:8

ńcú pɔ́Ꞌɔ, ḿvu nǔu wɛ́, ŋ́ɡẅɛɛ wɛ́ ńjẅí, ɛ́shuŋ pfú yɛ́, ńdɔk ɛ́fú ŋkɑ́Ꞌ ŋ́ɡʉ ḿmɛꞋ.»

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 5:28

«Pɛk ŋkɑɑ tɔꞋ wʉ́ʉ nɛpɛn ńzíꞋ nu-ŋu wɑ́ mbɔ̌ pʉɔ pɔɔ? Pʉʉ pɛn ńdɔk nu yɛ́ ɛ́sɑt Yɛlúsɑlɛm tsʉʉ. Pʉʉ kɑ lɔɔ pɑꞋnɛ ŋɡɔ pɛ́ ɡɔ́ pɛk jí nu nǔu nɛvú wɛ pɔ́ ɔɔ?»

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.