Mɑ́lɛ́kúshi 12:34 - Kɑɑ Fí

³⁴ Yɛ́su jʉ́ɔ pɑꞋ ɑ lɔknɛ jínu ḿbʉ̈ɔt, ńcú mbɔ̌ wɛ́ ŋɡɔ: «Wu ŋɡɑ nɛkúu tsɛt Nɛfɔɔ-Sɛ́ kɑ́ pɛ́t ɛ́sɑk pɔ́.» Ɛ́ fú ŋkɑ́ yîyɑ́ ŋu pɔɔ pɛn fʉꞋ nɛpíkŋɛ Yɛ́su nɛ́ yɛcɔ́ nu pɔ́.

Mɑ́lɛ́kúshi 12:34 ပူးပေါင်းရင်းမြစ်များ

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 12:20

A kɛ́ ńdɑ́Ꞌ mbɔɔ pʉ̈ɔ́Ꞌ kɛkɑꞋ yí ɛ́ ŋɔ́Ꞌnɛ́nɛ pɔ́, ŋ́kɛ́ mbɔɔ pík múk nǔu lɑ̂m ẅí ɛ́ ɡʉ ḿbɛ́ pɔ́, ŋ́kɛ́ ńdɑ́Ꞌ ŋ́ɡɛ pɔ pɔ́Ꞌɔ, tɛ ŋ́ɡɛ ŋɡɔ nu nɛ́nẅín jʉ́ lɑ́Ꞌ tsʉʉ.

Mɑtʉ̈ɔ 22:46

Ɛ́ ɡʉ tsɛtsɛt pɑfɑlísɑy, ŋu pɔɔ kuꞋ nɛsii ḿbʉ̈ɔt pɔ tɑ́Ꞌ nu nǔu nu yí Yɛ́su píkŋɛ́nɛ pɔ́. Ɛ́ fú lɛ́Ꞌ ɛ̂yɑ́ ŋu pɔɔ pɛn, ŋ́ɡẅɛɛ sʉktʉ́m, nɛpíkŋɛ wɛ́ nɛ́ yɛcɔ́ nu pɔ́.

Lúkɑ́shi 20:40

Tɛ ɛ́fú pɔ́Ꞌɔ, ŋu pɔɔ pɛn ŋ́ɡẅɛɛ sʉktʉ́m nɛpɛn ḿbíkŋɛ wɛ́ nɛ́ yɛcɔ́ nu pɔ́.»

Pʉɔ-Lɔ́mɑ 7:9

Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Kɔlɔsíyɛ̂ŋ 4:6

Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.