Mɑ́lɛ́kúshi 12:2 - Kɑɑ Fí

² Ŋkɑ́ nɛkɑ́p ntɑ́ɑ kuꞋ, ɑ túu tɑꞋ ŋɡɑŋfɑꞋ wɛ mbɔ̌ pʉɔ pi pɔ́p ŋkɑꞋ ŋɡɔ ɑ ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑ́lɛ́kúshi 12:2 ပူးပေါင်းရင်းမြစ်များ

Mɑtʉ̈ɔ 21:34

Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑ́lɛ́kúshi 12:1

Yɛ́su tsɔ́Ꞌ pɔ́Ꞌɔ, ńzɛ nɛlɔk sɑknɛkɛt ńcú mbɔ̌ pɔ́p ŋɡɔ: «Wɛcɔ́ ndʉ́m kɑ ɡẅɛɛ ŋkɑꞋ wɛ́, ŋ́ɡʉ tsɛtú, ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑꞋ, ḿbuꞋ ɡʉ́ɔ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɛn ḿbɔ́ɔ tɑꞋ sɛsɑ ndɑ́ ẅi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, ńníꞋ ŋkɑ́Ꞌ mbɔ̌ pɑniitɛ mɛluꞋ ŋ́ɡɔ́ɔ ŋ́ɡʉ nɛ́ nɛnɛn.

Mɑ́lɛ́kúshi 12:3

Pɔ́p kúu zúꞋu, ŋ́ɡẅɛɛ ŋɡɑŋfɑꞋ wɑ́, ńtswɑ́ɑ wɛ́, ńzuŋ wɛ́, ɑ pɛn mbɔ́ fɛ̌ɛ.

Lúkɑ́shi 12:48

Lɑ́ ŋ́kɛ́ ḿbɔ́ yi ŋɡɑŋfɑꞋ lɑɑ ḿbɔɔ ńjí yúu mi tɑ̌ɑfɑꞋ wɛ sɛ́ ŋ́kɔŋ ŋɡɔ ɑ ɡɛ pɔ́, ḿbɛn ŋ́ɡɛ yúu mi ḿbɔ́ pɛ́ fú nǔu ńtswɑ́ɑ wɛ́ tɛꞋ, mbɔ pɛ́ kɛ́ ɡɛ ńtswɑ́ɑ wɛ́ tɛꞋ pɔ́. Pɛ́ lɑɑ ŋ́ɡɑ́ yúu mbɔ̌ ŋu ɛ́ zɑ́ɑ, mbɔ pɛ́ ɡɛ ńtɑ́ɑ ḿbɛn ńcẅɛ́ɛ ɛ́ zɑ́ɑ, pɛ́ pɛn ńníꞋ yúu mbɔ̌ ŋu tɛ ɛ́ zɑ́ɑ, mbɔ ɛ́ ndɛn pɛ́ ɡɛ ńdɑ́Ꞌ ḿbɛn ḿbíkŋɛ.

Lúkɑ́shi 20:10

Ŋkɑ́-nɛkɑ́p mɛntɑ́ɑ-tʉ́ ɡɛ ŋ́kuꞋ,ɑ túu wɛcɔ́ ŋu nǔu ɡɑŋfɑꞋ pɛ́ mbɔ̌ pʉɔ pinɛ pɔ́p ŋkɑ́Ꞌ ŋ́ɡɔ ɑ ɡʉ ńcẅɛ́ɛ yúu mi ɛ́ cẅɛtnɛ ŋkɑ́Ꞌ. A kúu zúꞋu, pɔnɛ ɡɑŋfɑꞋ kɛpɔŋ ɡẅɛɛ wɛ́ ńtswɑ́ɑ, ńzuŋ wɛ́ ɑ pɛn mbɔ́ fɛ̌ɛ.

Ɛ́bɛlʉʉ 1:1

Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.