Mɑ́lɛ́kúshi 12:12 - Kɑɑ Fí

¹² Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Mɑ́lɛ́kúshi 12:12 ပူးပေါင်းရင်းမြစ်များ

Mɑtʉ̈ɔ 21:26

Ḿbɛn ŋɡɔ pʉɔmɛsɔŋ, mbɔ lɑ́Ꞌ kɛ́ ɡɛ ńnɑ́ wɛkŋɛ pɔ́, mbíꞋŋɡɔ pʉɔ tsʉʉ sɛ́ ńjí ŋɡɔ Jɑ̂ŋ kɑ pɔ́ Ŋɡɛ́mndʉ̈ɔ́Ꞌ-Sɛ́.

Mɑtʉ̈ɔ 22:22

Pɔ́p zúꞋ pɑ́Ꞌ ɑ pʉ̈ɔtnɛ pɔ́Ꞌɔ, ɛ́ tsɑ wɔ́p. Pɔ́p nɑ́ wɛ́ zúꞋu, ŋ́ɡʉ.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑ́lɛ́kúshi 11:32

Lɑ́ ḿbɛn ŋ́kɛ́ ńcú ŋɡɔ pʉɔmɛsɔŋ, mbɔ hɛ̂ɛ!» Pɔ́p kwɑŋɛ kɛ́kɑ́ŋ, mbíꞌŋɡɔ pɔ́p kɑ pɔ́ ḿbɔ́k lɑ́Ꞌ, ɛ́ zɛɛ ŋ́ɡɔ ḿbɔ́, pʉɔtsʉʉ pɔ́ ŋ́kwɑŋɛ ŋɡɔ Jɑ̂ŋ kɑ pɔ́ kwɑꞋ ŋɡɛ́mndʉ̈ɔꞋ-Sɛ́.

Lúkɑ́shi 20:19

PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.

Lúkɑ́shi 20:6

Ḿbɛn ŋ́ɡɔ, ɛ́ fú mbɔ̌ pʉɔmɛsɔŋ, mbɔ lɑ́Ꞌ ɡʉ ńdɔk mɛŋɡɔꞋ ńtɛ́m wɛkŋɛ ńjẅí, mbíꞋŋɡɔ pɔ́p tsɛt yɔ́p tú ḿbɔ́ ńjí ŋɡɔ Jɑ̂ŋ kɑ pɔ́ ŋɡɛ́mndʉ̈ɔꞋ-Sɛ́.»

Jɑ̂ŋ 7:25

Pɛcɔ́ ntɑ́Ꞌ-pʉɔ-Yɛlúsɑlɛm pɔ́ ńcú ŋɡɔ: «Yɑ́ kɑ́ pɔ́ ŋu wɑ́ ẅi pɛ́ lɔɔnɛ nɛjẅí wɛ́ lɑ́ pɔ́ ɔɔ?

Jɑ̂ŋ 7:30

Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 7:44

Pɛcɔ́ pʉɔ nǔu pɔ́p pɔ́ ńdɔɔ nɛɡẅɛɛ Yɛ́su, lɑ́ wɛcɔ́ ŋu wɔ́p kɛ́ mbɔɔ kuꞋ nɛzɑ́p pɔ́ nǔu wɛ́ pɔ́.