Mɑ́lɛ́kúshi 11:23 - Kɑɑ Fí

²³ Ɛ sẅíi wʉ́ʉ, kwɑꞋ nɛ́nẅín, ŋu wʉʉ lɑɑ ńcú mbɔ̌ nɛŋkɔ́Ꞌ ŋɡɔ fú zɑꞋɑ, ŋ́ɡʉ ńtʉ́ʉ tsɛt ŋki kɛ́ ndẅiklɛ, ńcú kɛ́ pɔ́ ḿmʉꞋlɛ, ńzɑ́p tʉ́m nǔu Sɛ́, mbɔ Sɛ́ ɡʉ ḿbɛ́m ɛ́ pɔ́ pɔ́Ꞌɔ.

Mɑ́lɛ́kúshi 11:23 ပူးပေါင်းရင်းမြစ်များ

Mɑtʉ̈ɔ 14:13

Yɛ́su zúꞋ yɔ nu, ŋ́kúu tsɛt kɑnúꞋ ḿbɔ́ ŋ́ɡʉ nɛ́ zʉꞋ yi ŋu kɑ́ pɔ́ zúꞋu pɔ́. Lɑ́Ꞌ jí, ɛ́fú tsɛt mɛtʉ́sɔŋ ńcẅɛt, ńnɛn mbʉʉ-mɛkʉŋ ŋki ḿbiitɛ ńzɑ́Ꞌ wɛ́.

Mɑtʉ̈ɔ 17:20

A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Mɑtʉ̈ɔ 21:21

Yɛ́su pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńzɑ́p tʉ́m nǔu Sɛ́, tɛ mbɔɔ mʉꞋlɛ, mbɔ pʉʉ ɡʉ kuꞋ nɛɡɛ yúu mi ŋ ɡɛnɛ nǔu tʉ́-ŋɡɛ̌m lɑɑ tɛ ńdɛɛ pɔ́Ꞌɔ.» Mbɔ ɛ́ lɑɑ ḿbɔ́ pʉʉ kuꞋ nɛcú mbɔ̌ nɛŋkɔ́Ꞌ nɔ ŋɡɔ: «Fú zɑ́Ꞌɑ ŋ́ɡʉ ńtʉ́ʉ tsɛt ŋki kɛ́ nɛpɑt! Ɛ́ zúꞋ ntsu wʉ́ʉ.»

Lúkɑ́shi 17:6

Yɛ́su cú ŋɡɔ: «Nɛsɑɑ-sɛ́súk yúu ŋ́kʉ̈ɔ́k tɛꞋ, ŋu wʉʉ lɑɑ ńzɛɛ ńzɑ́p tʉ́m yɛ́ nǔu Sɛ́ mbɑ mɔ́zʉꞋ pɔ́Ꞌɔ, mbɔ ɑ ɡɛ ńcú mbɔ̌ tʉ́ yi ɛ́ tʉ́ʉnɛ lɑɑ ŋɡɔ: Tsɔ́Ꞌnɛ ŋ́ɡʉ ńtʉ́ʉ tsɛt Mí, mbɔ ɛ́ ńzúꞋ ntsu wɛ́.»

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.