Mɑ́lɛ́kúshi 11:18 - Kɑɑ Fí

¹⁸ Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑ́lɛ́kúshi 11:18 ပူးပေါင်းရင်းမြစ်များ

Mɑtʉ̈ɔ 21:15

Pɛtɑ́tndɑ́-pɑnɔŋpɔꞋ pɔ́p pɑkyɛ́ꞌtɛ nɛpʉ́ʉ-Mɔ̌sɛ̂ɛ, jʉ́ɔ mɛŋkʉꞋnɛ mɛnu mi Yɛ́su ɡɛnɛ, ḿbɛn ńzúꞋ pɑ́Ꞌ mbɔ́ŋkʉ̈ɔ́ tsɛt zʉꞋ-nɔŋpɔꞋ ńzɔp ńcú ŋɡɔ: «Wûuẅíi, mbɔ̌ ŋu nǔu njẅɛt-fɔɔ Ndɑvît, ńzɑ́ŋ lɔ́ŋ,»

Mɑtʉ̈ɔ 7:28

Yɛ́su zíꞋ pʉɔ nɛ́ mɔnɛ mɛnu tɛ ḿbɔ́tnɛ ńnɑ́ŋ, lɑ́Ꞌ puu ḿmɑɑ yɛ́ ntɛ́ nɛzíꞋ pʉɔ nɛ́ yúu,

Mɑ́lɛ́kúshi 1:22

A ḿbɔ́ ŋ́ɡɛ pɑꞋ ŋu Sɛ́ túunɛ wɛ́, ḿbɔɔ ŋ́ɡɛ pɑꞋ pɑkyɛ́Ꞌtɛ nɛpʉ́ʉ-Sɛ́ pɔ́, lɑ́Ꞌ zúꞋ sẅiŋɛ yɛ́, ḿmɑɑ tɛꞋ.

Mɑ́lɛ́kúshi 11:32

Lɑ́ ḿbɛn ŋ́kɛ́ ńcú ŋɡɔ pʉɔmɛsɔŋ, mbɔ hɛ̂ɛ!» Pɔ́p kwɑŋɛ kɛ́kɑ́ŋ, mbíꞌŋɡɔ pɔ́p kɑ pɔ́ ḿbɔ́k lɑ́Ꞌ, ɛ́ zɛɛ ŋ́ɡɔ ḿbɔ́, pʉɔtsʉʉ pɔ́ ŋ́kwɑŋɛ ŋɡɔ Jɑ̂ŋ kɑ pɔ́ kwɑꞋ ŋɡɛ́mndʉ̈ɔꞋ-Sɛ́.

Mɑ́lɛ́kúshi 12:12

Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Mɑ́lɛ́kúshi 3:6

Pɑfɑlísɑy ɡɔ́ɔ ɛ́fú ndɑ́-cúꞌlɛ ńcẅɛt, ŋ́ɡʉ pɔ́p pʉɔ-Ɛlɔ̂dɛ cúꞋlɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí Yɛ́su.

Mɑ́lɛ́kúshi 6:20

Mbíꞌŋɡɔ fɔɔ Ɛlɔ̂dɛ kɑ pɔ́ ḿbɔ́k Jɑ̂ŋ, ḿbɔ́ ńjí ŋɡɔ ɑ ndɛ́ɛnɛ Lɛ́ɛnɛ́nɛ, ŋ́ɡɛ pɔ nu yi ɛ́ tʉ́ʉnɛ ndʉ́ŋndʉŋ, pɔ́Ꞌɔ lɑ́, ɑ pɔ́ ńtʉ̈ɔ́Ꞌlɛ wɛ́ tʉ̈ɔ́Ꞌlɛnɛ, ḿbɛn ńnɑ́ŋ ŋ́kɔŋ nɛzẅíꞋlɛ sẅiŋɛ yɛ́ tɛꞋ, mbɑ pɑ́Ꞌ ɛ́ mbɔ́ ŋ́ɡɑ́ɑnɛ wɛ́.

Lúkɑ́shi 19:47

Yɛ́su pɛn ḿbɔ́ lɛ́Ꞌ tsʉʉ, ḿbɔ́ pɔ tsɛt ndɑ́-nɛnɔŋpɔꞋ ńzíꞋ pʉɔ nɛ nu-Sɛ́, pɛtɑ́tndɑ́-pɑnɔ́ŋ pɔꞋ, pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ mbɑ pɛkɛ́m-Pɑyúdɑ pɔ́ ńdɔ́ɔ nɛɡɛ pɛ́ jẅí wɛ́.

Lúkɑ́shi 2:47

Pʉɔ pi pɔ́p kɑ pɔ́ ńzúꞋ sẅíiŋɛ yɛ́ ḿbɔ́ ŋ́ɡʉ̈ɔꞋtɛ jínu yɛ́ mbɑ yɛ ntɛ́ nɛtsɔ́Ꞌ nu.

Lúkɑ́shi 20:19

PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Jɑ̂ŋ 7:1

Yɔ nu lɛɛ, Yɛ́su pɔ́ pɔ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́kɑ́t ńnɛn, ɑ pɔɔ ḿbɔ́ ŋ́kɔŋ nɛɡʉ tsɛt pɑk-ŋɡɔŋ-Judɛ̂ pɔ́, mbíꞋŋɡɔ pɑsɑ́Ꞌlɑ́Ꞌ-pɑyúdɑ kɑ pɔ́ ńdɔɔ nɛjẅí wɛ́.

Jɑ̂ŋ 7:19

Mɔ̌sɛ̂ɛ ŋkɑɑnɛ ɡɑ́ nɛpʉ́ʉ mbɔ̌ pʉʉ pɔ́ ɔɔ? Tɛ wɔ̌ nǔu pʉʉ wɔ ḿbɔ́ ńnɛn nǔu? Pʉʉ pɛn ńdɔɔ nɛjẅí wɑ́ɑ mɛlɑ́Ꞌ kʉ̈ɔ́?

Jɑ̂ŋ 7:46

Pɑpyɛ́p ndɑ́-nɔŋpɔꞋ pʉ̈ɔt ŋɡɔ: «Pɛk ŋkɑɑ mɔ zúꞋ wɛcɔ́ ŋu sẅiŋɛ pɑ́Ꞌ ŋu ɛ̂wɑ́ pɔ́!»

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.