Mɑ́lɛ́kúshi 10:47 - Kɑɑ Fí

⁴⁷ A zúꞋ ŋɡɔ Yɛ́su mɔ́ɔ-Nɑ̌zɑlɛt lɛɛnɛ, ŋ́kɑꞋ ŋɡi yɛ ŋ́ɡɑ́ tʉ́, ńzɛ nɛcú ŋɡɔ: «Yɛ́su ɡu ẅí ɔ nǔu njẅɛt-fɔɔ Ndɑvît, tsɑ́ɑ mɛjʉ́ŋ mɑ́ɑ.»

Mɑ́lɛ́kúshi 10:47 ပူးပေါင်းရင်းမြစ်များ

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Mɑtʉ̈ɔ 12:23

Lɑ́Ꞌ tsʉʉ jʉ́ɔ ḿmɑɑ tɛꞋ, ńcú ŋɡɔ: «Lɛ́Ꞌcɔ́ ɑ ŋu nǔu njẅɛt-fɔɔ Ndɑvît pɛ́ pyɛ́pnɛ lɑ́.»

Mɑtʉ̈ɔ 15:22

ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.»

Mɑtʉ̈ɔ 2:23

ŋ́ɡʉ tɛ ŋ́kúu zúꞋu, ḿbɔ́ ńtswɛ́ tsɛt yɛcɔ́ tʉ́sɔŋ, pɛ́ fúŋ nɛ́ Nɑ̌ɑzɑlɛt, ɛ́ lɔk ḿbuutɛ nǔu pɑ́Ꞌ ŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú nu nǔu Nzɑ́Ꞌŋkʉ ŋɡɔ: «pɛ́ ɡʉ ńdɑ́Ꞌ ɛ́fúŋ wɛ́ nɛ́ ŋu-Nɑ̌ɑzɑlɛt.»

Mɑtʉ̈ɔ 20:30

Pɛcɔ́ pɛfʉmík pɛ́pɑ́ pi pɔ́p nɑ́ŋnɛ mbʉʉ-sɛ̂ndúŋ, zúꞋ ŋɡɔ Yɛ́su sɛ́ ńdɛɛ zúꞋu, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k.»

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»

Mɑtʉ̈ɔ 21:9

Lɑ́Ꞌ pɔ́ mbi, yɛcɔ́ pɔ́ nzʉʉ, ńnɛn ńcú ŋɡɔ: «Wûuẅíi»! Mbɔ̌ ŋu nǔu njẅɛt-fɔɔ Ndɑvît. Mbɔ́tnɛ pɔ́ mbɔ̌ ŋu ẅí ɑ tɔ́nɛ nǔu lík-Tsɑpʉɔ. Wûuẅíi mbɔ̌ Sɛ́ tɛ tʉ́nɛ́pú.

Mɑtʉ̈ɔ 26:71

Ŋ́ɡɔ́ɔ ŋ́kɛ́ ŋ́ɡʉ ńnɑ́ŋ nɛ́ ntsuŋkɑ́Ꞌ. Wɛcɔ́ ŋɡɑŋfɑꞋ wɛ mɑŋɡɛ́ jʉ́ɔ wɛ́, ńcú mbɔ̌ pʉɔ pínɛ pɔ́p ḿbɔ́nɛ zúꞋu ŋɡɔ: «Ŋu wɔ pɔ́p Yɛ́su ŋu-Nɑ̌ɑzɑlɛt kɑ pɔ́nɛ.»

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Lúkɑ́shi 4:16

Yɛ́su lɑ́Ꞌ ńnɑ́ŋ tɛ ḿbɛn Nɑ̌ɑzɑlɛt, zʉꞋ yi ɑ kɑ ɡúꞋnɛ zúꞋu. Lɛ́Ꞌ-nji yɔ́p kuꞋ, ɑ ɡʉ ndɑ́-cúꞋlɛ Pɑyúdɑ pɑ́Ꞌ ɑ lɔ ńzɛɛ ŋ́ɡʉ. Ŋkɑ́ kuꞋ, ɑ lɔ sɛ́ nɛfúŋ ŋwɑꞋnɛ-Sɛ́.

Jɑ̂ŋ 1:46

Nɑtɑnɑyɛ̂l cú mbɔ̌ wɛ́ ŋɡɔ: «Tɛ pɛ́ kɑ zɛɛ mɔ ńjʉ́ɔ yúu sʉ́Ꞌnɛ fú Nɑ̌ɑzɑlɛt?» Filîp tsɔ́Ꞌ mbɔ̌ wɛ́ ŋɡɔ: «Tɔ́, ɔ ɡʉ ńjʉ́ɔ.»

Jɑ̂ŋ 19:19

Pilɑ́tɔ ɡɛ pɛ́ ŋwɑꞋnɛ yúu, ŋ́kẅii nǔu tʉ́ mbɑ́ŋtɛ pɑ́ŋtɛ́nɛ-Yɛ́su. Ɛ́ pɔ́ nǔu ḿbɔ́ ŋɡɔ: Yɛ́su Ŋu-Nɑ̌ɑzɑlɛt, fɔɔ-Pɑyúdɑ.

Jɑ̂ŋ 7:41

Pɛcɔ́ pɔ́ ńcú ŋɡɔ jʉ́ pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ. Lɑ́, pɛcɔ́ pɔ́ ńcú yɔ́p pɔ ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ lɑɑ ḿbɔ́ ɑ pɔɔ fú Ŋɡɑlilɛɛ pɔ́.

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 6:14

Pɛk kɑ zɛɛ ńzúꞋ ɑ cú ŋɡɔ Yɛ́su ŋu-Nɑ̌ɑzɑlɛt jʉ́ ɡʉnɛ ŋ́ɡɛ ŋ́kɛm Ndɑ́-nɔŋpɔꞋ yɛkŋɛ, ḿbɛn ŋ́kúp mɑt ẅí Mɔ̌sɛ̂ɛ kɑ ɡɑ́nɛ mbɔ̌ pɛkŋɛ.»

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.