Mɑ́lɛ́kúshi 10:34 - Kɑɑ Fí

³⁴ Pɔ́p zɔɔtɛ wɛ́, ńtẅik mɛ́tɛ́ nǔu wɛ, ńdɔk ŋɡwɑɑ ńtswɑ́ɑ wɛ́, ńjẅí wɛ́, ɑ pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑ́lɛ́kúshi 10:34 ပူးပေါင်းရင်းမြစ်များ

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 26:67

Pɔ́p ɡɔ́ɔ ŋ́kɛ́ ńtẅik mɛ́tɛ́ shʉ́-Yɛ́su, ŋ́kwɛn wɛ́, pɛcɔ́ pʉɔ pɔ́ ńtɛ́m mbɔ́ nɛtúutɛ yɛ́,

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑ́lɛ́kúshi 14:63

NɔŋpɔꞋ wɛ ɡwɛ́ zúꞋ pɔ́Ꞌɔ, ɛ́sɑtɛ mɛndẅí mɛ́, ńcú ŋɡɔ: «Pɛkŋɛ pɛn ńdɔɔ pɔ yɛ́tɛ́ ntɛ́ ńcẅɛ́ɛntɑ́ŋ

Mɑ́lɛ́kúshi 14:65

Pɛcɔ́ pʉɔ zɛ nɛtẅik mɛ́tɛ́ nǔu wɛ́, ŋ́kút shʉ́ wɛ́, ḿbɔ́ ńtswɑ́ɑ wɛ́, ńcú mbɔ̌ wɛ́ ŋɡɔ: «Lɔk nu-ŋɡɛ́mndʉ̈ɔꞋ-Sɛ́ wu ɛ̂wɑ́, ŋ́kyɛꞋ ŋu ẅí ɑ tswɑ́ɑnɛ wú.» Pɑpyɛ́p zʉꞋ pɔ́ ńtswɑ́ɑ mɛtúutɛ́ mɛ́.

Mɑ́lɛ́kúshi 9:31

ḿbɔ́ ńzíꞋ ɡɑŋku pɛ́ nɛ́ yúu, ḿbɔ́ ɛ́sẅíŋɛ ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ pɔ́p ɡɛ ɑ pfú. Lɑ́ mbɑɑtɛ lɛ́Ꞌ pɛtɑ́t ɑ zẅíimɛ.»

Lúkɑ́shi 23:11

Ɛlɔ̂dɛ pɔ́p pɛmɑ́kɑ́ɑ pɛ́ zɔɔtɛ Yɛ́su, ŋ́ɡwɛ wɛ́ tɛ ńtíi ndẅí-nɛfɔɔ ɛ́sɔ nǔu wɛ́, ńtúu ŋɡɔ, pɛ́ pɛn ńdɔk wɛ́ ḿbɛn ŋ́ɡɑ́ mbɔ̌ Pilɑ́tu.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 2:10

ńcú mbɔ̌ wɛ́ ŋɡɔ: «Pɛ́ lɔ ḿbiitɛ ŋ́ɡɑ́ pɔ mɛluꞋ sʉ́Ꞌnɛ, tɛ pɛ́ nɔ́ tɛꞋ, lɑ́ pɛ́ ɡɑ́ mi ɛ́ nɑꞋ ḿmɛɛ mɛɛnɛ. Lɑ́ ŋ́ɡʉ nǔu ɡu, mbɔ yɔ yú ŋkɑ́ yi ɔ ɡɑ́nɛ mɛluꞋ sʉ́Ꞌnɛ mbɔ̌ pʉɔ?»

1 Kɔlɛ̂ŋtɛ 15:4

Pɛ́ kɑ ńníꞋ wɛ́ tsɛt nɛshi, ɛ́ ɡɔ́ ḿbɔ́ lɛ́Ꞌ pɛtɑ́t ɑ zẅíimɛ nǔu nɛvú, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.