Mɑ́lɛ́kúshi 10:21 - Kɑɑ Fí

²¹ Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑ́lɛ́kúshi 10:21 ပူးပေါင်းရင်းမြစ်များ

Mɑtʉ̈ɔ 16:24

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑ́lɛ́kúshi 10:22

Ŋu wɑ́ zúꞋ yɔ sẅiŋɛ, shʉ́ wɛ́ ɡɔ́ɔ ḿpfúu. A tɛ́m ŋkwɛn yɛ́, ŋ́ɡɔ ŋ́ɡʉ, ńcɔ́ŋɛ tú yɛ́ cɔ́ŋɛ́nɛ, mbíꞌŋɡɔ ɑ kɑ ɡẅɛɛ yúu tʉʉndɛn tɛꞋ.

Mɑ́lɛ́kúshi 8:34

Ŋ́ɡɔ́ɔ ŋ́kɛ́ ɛ́fúŋ lɑ́Ꞌ mbɑ ɡɑŋku pɛ́, ńcú mbɔ̌ pɔ́p ŋɡɔ: «Ŋu lɑɑ ŋ́ɡʉ ḿbɔ́ wɑɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.»

Lúkɑ́shi 10:42

Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Lúkɑ́shi 18:22

Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 19:41

Yɛ́su ɡʉ tɛ ḿbɔ́ ŋ́kúu Yɛlúsɑlɛm, ńdíŋɛ tʉ́sɔŋ ńzɛ nɛkíi,

Lúkɑ́shi 9:23

Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

ŊwɑꞋnɛ-Gɑŋntúu Yɛ́su Kɛlístɔ 2:45

Pɔ́p kɑ pɔ́ ɛ́fɛn mɛtsɛ́tsɑ́Ꞌ mɔ́p mbɑ yúu tʉʉndɛn yɔ́p, ńdɔk ŋkɑ́p ńtɔ́ pɛ́ ɡɑptɛ ŋ́ɡɑ́ yɛ mbɑ wɔ̌lɑ́ pɔ pɑ́Ꞌ ɛ́ ɡʉ ŋ́kuꞋ nǔu yɛ́ nu.

2 Kɔlɛ̂ŋtɛ 12:15

Ɛ́ ɡʉ nǔu mɔ, mbɔ ɛ́ pɔŋ wɑ́ɑ pɔŋnɛ nɛɡɑ́ kʉ̈ɔ́ lɑ́ yi ŋ ɡẅɛɛnɛ mbɔ̌ pʉʉ. Mbɔ m bɛn ŋ́ɡɑ́ mbɑ tú yɑ́ɑ mbíꞋ wʉ́ʉ. N dɑɑ ḿbɔ́ ŋ́kẅiꞋ ŋ́kɔŋ wʉ́ʉ pɔ ndɛnnú, yʉ́ʉ kɔŋnɛ nzʉʉ mɔ pɛn cẅɛ́tɛ cẅɛ́tɛ́nɛ ɔ́ɔ?

2 Timɔtɛ́ɛ 3:12

ḿbɔ́ ŋu zɛɛ ḿbɔɔ lɑt mbʉʉ yɛ nǔu Yɛ́su Kɛlístɔ, ḿbɔ́ ŋ́kɔŋ nɛnɑ́ŋ pɑ́Ꞌ Sɛ́ kɔŋnɛ, pɛ́ nɑ́ kɛ́ tsɔ́Ꞌ ku yɛ́ kɛpɔŋ pɔ́.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Jɑ̂k 2:10

Ŋu lɑɑ ńzɛɛ ŋ́ɡẅɛɛ nɛpʉ́ʉ-Sɛ́ tsʉʉ, lɑ́ ŋ́ɡʉ nǔu ɛ́fɑɑnɛ pɔ ndɑꞋ tɑ́Ꞌ, mbɔ ɑ fɑɑnɛ pɔ nɛpʉ́ʉ tsʉʉ.

Mɛnu ɛ́ ńdɑ́Ꞌ ńcẅɛt 2:14

Lɑ́, ŋ kɛ́ ŋ́ɡẅɛɛ yɛcɔ́ yúu mi mɔ sɛ́ ńdɑ́Ꞌ wʉ́ʉ nǔu. Pɛcɔ́ pʉɔ njɛ́Ꞌ pʉʉ ḿbɔ́ ńzɑ́p tʉ́m nǔu ndɔktɛlɛ-Mbɑlɑm. Pɛ́ lɑ́Ꞌ Mbɑlɑm wɑ́ ẅí ɑ kɑ sẅíinɛ Mbɑlɑk, pɑ́Ꞌ Mbɑlɑk ɡʉ ńdʉꞋ ɡwɑk, pɑíslɑyɛ̂l vu nǔu. A kɑ tsʉ́ʉnɛ wɔ́p pɔ́p kwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́, mbɛ́ɛnɛ pɔ́p pɑŋɡɛ́ tsɛtsɛt pɔ́p pɛn ḿbuutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ.

Mɛnu ɛ́ ńdɑ́Ꞌ ńcẅɛt 2:20

Lɑ́, ŋ kɛ́ ḿbɔ́ ńdɑ́Ꞌ wʉ́ʉ, mbíꞋŋɡɔ Jizɑbɛl nɛjɔ́ŋ pʉʉ, pʉʉ pɛ́m pɛ́mnɛ. Mɑŋɡɛ́ ɛ̂wɑ́ sɛ́ ɛ́sẅíi pʉɔ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɔ́Ꞌɔ, ɛ́fúklɛ ɡɑŋfɑꞋ pɑ́ɑ, ḿbɔ́ ńzíꞋ wɔ́p pɑ́Ꞌ mbɛ́ɛnɛ pɔ́p pɑŋɡɛ́ tsɛtsɛt pɔ́p lɑɑ ŋ́kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ nɛkwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́.

Mɛnu ɛ́ ńdɑ́Ꞌ ńcẅɛt 2:4

Lɑ́, ŋ kɛ́ ḿbɔ́ ńdɑ́Ꞌ wʉ́ʉ ntɛ́ nu yi pʉʉ kɑ́ pɛ́t ŋ́kɔŋ wɑ́ɑ pɑ́Ꞌ pʉʉ kɑ piitɛ́nɛ ḿbɔ́ ŋ́kɔŋ wɑ́ɑ pɔ́Ꞌɔ pɔ́.