Mɑ́lɛ́kúshi 10:2 - Kɑɑ Fí

² Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»

Mɑ́lɛ́kúshi 10:2 ပူးပေါင်းရင်းမြစ်များ

Mɑtʉ̈ɔ 15:12

Gɑŋku-Yɛ́su ɡɔ́ɔ ŋ́kɛ́ kẅɛ́Ꞌlɛ mbʉʉ yɔp ńtɔ́ ḿbíkŋɛ wɛ́ ŋɡɔ: «Tɛ ɔ sɛ́ ńjí ŋɡɔ: Nu yí ɔ cúnɛ lɑ́ ɡɑ́nɛ pʉɔ-Fɑlísɑy tɛꞋ?»

Mɑtʉ̈ɔ 16:1

Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 19:3

Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»

Mɑtʉ̈ɔ 22:35

Wɛcɔ́ ŋu tsɛtsɛt pɔ́p, pɔ́ ŋkyɛ́Ꞌtɛ nɛpʉ́ʉ-Sɛ́ tɛ ḿbɔ́ wɛ́t, tɔ́ ŋ́kwɑꞋlɛ Yɛ́su, ḿbíkŋɛ wɛ́ ŋɡɔ:

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 9:34

Lɑ́ pɑfɑlísɑy cú yɔ́p ŋɡɔ: «Fɔɔ-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑ́lɛ́kúshi 10:1

Yɛ́su fú zúꞋu, ńcʉ́ɔ sɛ̂ndúŋ, ńdɔk shʉ́-Judɛ̂, ŋ́ɡʉ nǔu yɛcɔ́ njʉ́n-ŋki-Juudɛŋ. LɑꞋ pɛn ńcúꞋlɛ nɛjɔ́ŋ yɛ́ tɛ ńzɑ́ɑ, ɑ pɛn ńzɛ nɛzíꞋ wɔ́p nɛ́ nu-Sɛ́ pɑꞋ ɛ́ ḿbɔ́nɛ mɑt mbɔ̌ wɛ́.

Mɑ́lɛ́kúshi 10:3

Yɛ́su píkŋɛ wɔ́p ŋɡɔ: «Mɔ̌sɛ̂ɛ kɑ cú tsɛt nɛpʉ́ʉ ŋɡɔ pʉʉ ɡɛ pɔ ŋɡɔ́ku?»

Mɑ́lɛ́kúshi 8:11

Pʉɔ tsɛt nɔɔ-pɑfɑlísɑy tɔ́ nɛjɔ́ŋ yɛ́ ḿbɔ́ ńdɔɔ nu nǔu yɛ́, ńtsʉ́ʉnɛ wɛ́ ŋɡɔ ɑ ɡɛ ŋkʉꞋnɛ nu ŋɡɔ ɑ nyɛt ŋɡɔ Sɛ́ kɑ túunɛ wɛ́, ŋɡɔ ɑ nyɛt wɔ́p nɛ́ ntɛ́ yi ɛ́ nyɛtnɛ ŋɡɔ Sɛ́ túunɛ wɛ́.

Mɑ́lɛ́kúshi 8:15

Pɔ́p pɛpɔ́p pɔ́ ŋ́ɡʉ pɔ́Ꞌɔ, Yɛ́su cú mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ-pɑfɑlísɑy mbɑ yɛ fɔɔ Ɛlɔ̂dɛ.»

Lúkɑ́shi 11:39

Yɛ́su jí, ńtsɔ́Ꞌ mbɔ̌ wɛ́ ŋɡɔ: «Pʉʉ Pɑfɑlísɑy pʉʉ nɑ́ tsɛt ntúꞋ, pɔ́p tsɛt kɑ́ŋ, ɛ́suk yʉ́ʉ pɔ mbʉʉ yɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ kɑ́ suk sɔ́ɔ yi ɛ́ tʉ́m pʉʉ pɔ́, ḿbɛn ńnɑ́ŋ ŋ́kwɑŋɛ pɔ nɛɡẅɛɛ yúu pʉɔ ńcẅɛ́ɛ ńjʉ́.

Lúkɑ́shi 16:14

Yɛ́su cú pɔ́Ꞌɔ, Pɑfɑlísɑy pinɛ pɔ́p ḿbɔ́nɛ zúꞋu zúꞋ, sɔ́ɔ, ŋ́ɡwɛ wɛ́ mbíꞋŋɡɔ pɔ́p ɡʉ̈ɔꞋ ŋkɑ́p tɛꞋ.

Lúkɑ́shi 5:30

Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»

Lúkɑ́shi 6:7

Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ nɑ́ŋ sɛ́ ḿbɔ́ ńdʉŋtɛ Yɛ́su ŋɡɔ kɛ ɑ ɡʉ ŋ́ɡɛ ŋu fíitɛ lɛ́Ꞌnji ɔ́ɔ, lɑ ńdɛɛtɛ nǔu ńjʉ́ɔ yúu minɛ pɔ́p ńdɔk ɛ́fɛn wɛ́.

Lúkɑ́shi 7:30

Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Jɑ̂ŋ 11:47

Pɛtɑ́tndɑ́-pɑnɔŋpɔꞋ, pɔ́p pɑfɑlísɑy ɡɔ́ɔ ɛ́fúŋ cúꞋlɛ-pɑsɑ́Ꞌ ŋɡɔŋ, ńtɔ́ tsɛtú ńcú ŋɡɔ: «Pɛkŋɛ ɡʉ ŋ́ɡɛ ŋɡɔ́ku? Ŋu wɔ sɛ́ ŋ́ɡɛ mɛnu mɑ̌ɑmɑɑnɛ tɛꞋ.

Jɑ̂ŋ 11:57

Ɛ́ kɑ ɡɔ́ ḿbɔ́, mbɔ pɛtɑ́tndɑ́-pɑnɔŋpɔꞋ, pɔ́p pɑfɑlísɑy kɑ cú ŋɡɔ, ŋu lɑɑ ḿbɔ́ ńjí zʉꞋ yí Yɛ́su zúꞋu, ɑ kíɛꞋ, pɛ́ ɡʉ ŋ́ɡẅɛɛ wɛ́.

Jɑ̂ŋ 7:32

Pɑfɑlísɑy zúꞋ pɑ́Ꞌ lɑ́Ꞌ sɛ́ ɛ́sɔ́klɛ ntsu sɛ́ ŋ́kẅíi lík-Yɛ́su, pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛpɔ́p túu pɑpyɛ́p ndɑ́-nɔŋpɔꞋ ŋɡɔ pɔ́p ɡʉ ŋ́ɡẅɛɛ Yɛ́su.

Jɑ̂ŋ 7:48

Kɑ́ɑ wɛcɔ́ tɑ́Ꞌ nǔu pɛkɛ́m pɛk, kɛ́ mbɑ tɑ́Ꞌ nǔu pɑfɑlísɑy ŋkɑɑ mɔ́ zɑ́p tʉ́m nǔu ŋu wɑ́ pɔ́!

Jɑ̂ŋ 8:6

Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.

1 Kɔlɛ̂ŋtɛ 10:9

Pɛkŋɛ pɑ́ɑ nɛtsʉ́ʉnɛ Tsɑpʉɔ tsʉ́ʉnɛ́nɛ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ lɑ mɛnɔ́ tsúktɛ wɔ́p pɔ́p pfútɛ.