Mɑ́lɛ́kúshi 10:17 - Kɑɑ Fí

¹⁷ Yɛ́su ɡɛ ńtʉ́ʉ sɛ̂ndúŋ ḿbɔ́ ŋ́ɡʉ, wɛcɔ́ ŋu kʉ̈ɔ́ ńtɔ́ ŋ́kẅíꞋlɛ mbi yɛ́, ḿbíkŋɛ wɛ́ ŋɡɔ: «Cícɑ, ɡu pɔ́nɛ kwɑꞋ ŋu sʉ́Ꞌnɛ. Ŋ ɡʉ ŋ́ɡɛ yɑ́ɑ ŋɡɔ́ku lɑ́ ŋ́ɡẅɛɛ luk kɛ́mɛ?»

Mɑ́lɛ́kúshi 10:17 ပူးပေါင်းရင်းမြစ်များ

Mɑtʉ̈ɔ 17:14

Pɔ́p ɡʉ tɛ ŋ́kúu zʉꞋ yí lɑ́Ꞌ kɑ pɔ́nɛ zúꞋu, wɛcɔ́ ŋu tɔ́ ŋ́kẅíꞋlɛ mbi Yɛ́su,

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑtʉ̈ɔ 28:8

Pɑŋɡɛ́ pɔ ɡɔ́ɔ ɛ́fú mbʉʉ nɛshi ŋ́ɡʉ nɛcú yɔ nu mbɔ̌ ɡɑŋku-Yɛ́su. CʉɔꞋ pɛ́t ḿbɔ́ pɔ nǔu pɔ́p, lɑ́ pɔ́p pɔ́ ńtsɑ́ɑtɛ tsɑ́ɑtɛ́nɛ,

Mɑ́lɛ́kúshi 1:40

Wɛcɔ́ ŋɡɑŋkɑꞋ ɡɛ ńtɔ́ ŋ́kẅíꞋlɛ mbi Yɛ́su, ḿbuꞋ mbɔ́ mbɔ̌ wɛ́ ńcú ŋɡɔ: «Ɔ lɑɑ ŋ́kɔŋ, mbɔ ɔ kuꞋ nɛɡɛ ɛ fíitɛ.»

Mɑ́lɛ́kúshi 10:18

Yɛ́su píkŋɛ wɛ́ ŋɡɔ: «Ɔ fúŋ wɑ́ɑ ŋɡɔ ŋu sʉ́Ꞌnɛ mɛlɑ́Ꞌ kʉ̈ɔ́? A ndɑꞋ Sɛ́ pɔ́, mbɔ ŋu sʉ́Ꞌnɛ kɑ́ pɔ́ ɡú pɔ́.

Mɑ́lɛ́kúshi 12:14

Píipɑ́ pʉɔ tɔ́ ńcú mbɔ̌ wɛ́ ŋɡɔ: «Cícɑ, pɛk sɛ́ ńjí ŋɡɔ ɔ cú nu, ɛ́ pɔ́ nɛ́nẅín, ḿbɛn ńcú kɛ́ pɔ́k ŋu, ɔ kɑ́ líŋɛ ŋumɛsɔŋ pɔ nǔu shʉ́ pɔ́, ńdɛꞋlɛ nu nɛ́nẅín pɔ pɑꞋ Sɛ́ píkŋɛnɛ ŋɡɔ pɛ́ ɡɛ pɔ́Ꞌɔ, sẅíi wɛ́k, tɛ ɛ́ pɛꞋnɛ nɛpʉ́ʉ-lɑ́Ꞌ nɛkŋɛ pɛ́m ŋɡɔ pɛkŋɛ mɑꞋ ntsup ŋ́ɡɑ́ mbɔ̌ Kɑ́sɑ-Pɑlɔ́mɑ kɛ ŋɡɑ́ŋ?»

Mɑ́lɛ́kúshi 9:25

Yɛ́su jʉ́ɔ, lɑ́Ꞌ pɔ́ ńnɑ́ɑtɛ ŋ́kẅiꞋ ńtɔ́ tɔ́nɛ, ɑ cʉ́ɔk zẅikŋɛ kɛpɔŋ ɛ̂wɑ́, ńcú ŋɡɔ: «Gu zẅikŋɛ kɛpɔŋ ẅí ɛ́ tsɛ́tnɛ ntsu-ŋu, ńzʉʉnɛ pɔ́p mɛtúutɛ́ mɛ́, ŋ ɡɔ́ ńjʉ́ɔ, mbɔ ɔ fú nǔu mɔ́ɔ wɑ́ ńcẅɛt, ḿbɑ́ɑ nɛlɑ́Ꞌ ḿbɛn ḿbɛn nzʉʉ ŋ́kúu nǔu wɛ́.»

Lúkɑ́shi 10:25

Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

ŊwɑꞋnɛ-Gɑŋntúu Yɛ́su Kɛlístɔ 16:30

ḿbɛn ŋ́ɡɛ pɔ́p pɛ́ pɔ́p fú tsɛt ndɑ́tsɑ́ŋ ńcẅɛt, ɑ píkŋɛ wɔ́p ŋɡɔ: «Pɛ́ ndɛ, m bɔ́ ŋ́ɡɛ ŋɡɔ́ku lɑ́ ńduk?»

ŊwɑꞋnɛ-Gɑŋntúu Yɛ́su Kɛlístɔ 2:37

Pʉɔ zúꞋ yɔ sẅiŋɛ, ɛ́ puu ŋ́kʉꞋnɛ wɔ́p tɛꞋ. Pɔ́p píkŋɛ Pyɛ̂ pɔ́p pɛcɔ́ ɡɑŋntúu ŋɡɔ: «Pɔ́ɔpɛ́mɑ́, tɛ pɛk ɡʉ ŋ́ɡɛ ŋɡɔ́ku?»

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 9:6

Lɑ́, kɛ ńdɔ sɛ́ ŋ́ɡʉ nɛ́ tʉ́sɔŋ. Ɔ ɡʉ ŋ́kúu zúꞋu, pɛ́ sẅíi wú nɛ́ yúu mi ɛ́ sɛ́ ḿbíkŋɛ ŋɡɔ ɔ ɡɛ.»

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

1 Jɑ̂ŋ 2:25

Kɛlístɔ kɑ kɑꞋ mbɔ̌ pɛkŋɛ ŋɡɔ, pɛkŋɛ pɛ Sɛ́ ɡʉ ńdɑ́Ꞌ ḿbɔ́ pɔ ŋkɑ́ tsʉʉ.