Mɑ́lɛ́kúshi 10:1 - Kɑɑ Fí

¹ Yɛ́su fú zúꞋu, ńcʉ́ɔ sɛ̂ndúŋ, ńdɔk shʉ́-Judɛ̂, ŋ́ɡʉ nǔu yɛcɔ́ njʉ́n-ŋki-Juudɛŋ. LɑꞋ pɛn ńcúꞋlɛ nɛjɔ́ŋ yɛ́ tɛ ńzɑ́ɑ, ɑ pɛn ńzɛ nɛzíꞋ wɔ́p nɛ́ nu-Sɛ́ pɑꞋ ɛ́ ḿbɔ́nɛ mɑt mbɔ̌ wɛ́.

Mɑ́lɛ́kúshi 10:1 ပူးပေါင်းရင်းမြစ်များ

Mɑtʉ̈ɔ 26:55

Ŋ́ɡɛ pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ lɑ́Ꞌ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑ́Ꞌ ŋkɑ́ yi pʉʉ ɡʉ ɡẅɛɛ ntsɔ́ŋ pɑ́Ꞌɑ ŋɡɔ́ku? Mɔ m̄bɔ́ lɛ́Ꞌ tsʉʉ ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́! Pʉʉ kɛ́ mbɔɔ wɑ́ɑ ɡẅɛɛ.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑ́lɛ́kúshi 1:21

Pɔ́p pɛ́pɔ́p ɡʉ tɛ ŋ́kúu Kɑpɛɛnɑwûm, ɛ́ pɔ́ lɛ́Ꞌ-nɛjẅiitɛ-pɑyúdɑ, Yɛ́su ɡʉ ndɑ́-cúꞌlɛ, ńzɛ nɛzíꞋ pʉɔ nɛ́ nu-Sɛ́.

Mɑ́lɛ́kúshi 10:2

Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»

Mɑ́lɛ́kúshi 12:35

Yɛ́su pɛ́t zʉꞋ-nɔŋpɔꞋ ḿbɔ́ ńzíꞋ pʉɔ nɛ́ nu-Sɛ́, ńcú ŋɡɔ: «Pʉʉ kwɑŋɛ yʉ́ʉ ŋɡɔ pɑkyɛ́Ꞌtɛ nɛpʉ́ʉ-Mɔ̌sɛ̂ɛ zíꞋ pʉɔ ŋɡɔ: Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ńdɑ́Ꞌ ḿbɔ́ ŋu nǔu njẅɛt-fɔɔ Ndɑvît pɛꞋnɛ, ɛ́ lɔk ḿbɔ́ ŋɡɔ́ku?»

Mɑ́lɛ́kúshi 14:49

Ŋ kɑ pɔ́ lɛ́Ꞌ tsʉʉ, ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́. Pʉʉ kɛ́ mbɔɔ wɑ́ɑ ɡẅɛɛ. Lɑ́, yɔ nu tɔ́ ńdɔk ŋ́ɡɛ yúu mi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ puutɛ.»

Mɑ́lɛ́kúshi 2:13

Yɛ́su kɑ pɛn ḿbɛn nzʉʉ ɡúŋ-nɛtʉŋ-ŋki-Ŋɡɑlilɛɛ. LɑꞋ pɔ́ ńtɔ́ ŋ́kẅɛ́ɛtɛ wɛ́, ɑ pɔ́ ńzíꞋ wɔ́p nɛ́ nu-Sɛ́.

Mɑ́lɛ́kúshi 4:2

A kɑ lɔk sɑknɛkɛt ńzíꞋ wɔ́p nɛ́ mɛnu tɛ ɛ́ zɑ́ɑ zɑ́ɑnɛ, ḿbɔ́ ńzíꞋ wɔ́p ńcú ŋɡɔ:

Mɑ́lɛ́kúshi 6:2

Lɛ́ꞌ-nji yɔ́p ɡɛ ḿbɔ́, ɑ ɡʉ ndɑ́-cúꞌlɛ pɔ́p, ńzɛ nɛzíꞋ pʉɔ nɛ́ nu-Sɛ́, pʉɔ tɛ ńzɑ́ɑ zúꞋ sẅiŋɛ yɛ́, ḿmɑɑ tɛꞋ, ḿbɔ́ ńcú ŋɡɔ: «A lɔk mɔ mɛnu tsʉʉ ɛ́fú pɔ ɡɔ́? Wɔ̌ ɡɑ́nɛ yɔ ntɛ́ jínu mbɔ̌ wɛ́, mbɑ mɛtʉʉ nɛlɔk ŋ́ɡɛ yɔ ŋkʉꞋnɛ nu?

Mɑ́lɛ́kúshi 6:34

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞌŋɡɔ pɔ́p ḿbɔ́ pɑꞋ nɔɔ-mɛnjinjɔ mi ntsiinɛ kɑ́ pɔ́ ɡú pɔ́ lɑ́. A zɛ nɛzíꞋ wɔ́p nɛ́ mɛnu tɛ ńzɑ́ɑ.

Mɑ́lɛ́kúshi 6:6

Ɛ́ kʉꞋnɛ Yɛ́su tɛꞋ, pɑꞋ pɔ́p kɑ́ zɑ́p tʉ́m nǔu wɛ́ pɔ́. Yɛ́su ɡɛ ɛ́fú zúꞋu, ŋ́ɡʉ ńzɛ nɛnɛn tsɛt mɛlɑ́Ꞌ shʉ́ zúꞋu, ḿbɔ́ ńzíꞋ pʉɔ nɛ́ nu-Sɛ́.

Jɑ̂ŋ 10:40

Yîyɑ́ nu lɛɛ, Yɛ́su pɛn ḿbɛn nǔu yɛcɔ́ njʉ́n-ŋki-Juudɛŋ, zʉꞋ yí Jɑ̂ŋ kɑ zɛnɛ nɛnuꞋ pʉɔ ŋki zúꞋu lɑ́, ńnɑ́ŋ zúꞋu.

Jɑ̂ŋ 11:7

Ɛ́ ɡɛ pɔ́Ꞌɔ, ɑ cú mbɔ̌ ɡɑŋku pɛ́ ŋɡɔ: «Pɛkŋɛ pɛn nɛ Judɛ̂.»

Jɑ̂ŋ 18:20

Yɛ́su tsɔ́Ꞌ mbɔ̌ wɛ́ ŋɡɔ: «Ŋ kɑ pɔ́ sɑ́ɑnɛ sɑ́ɑnɛ́nɛ ńcú nu mbɔ̌ lɑ́Ꞌ, ŋ kɑ pɔ́ ńzíꞋ pʉɔ tsɛt mɛndɑ́-cúꞋlɛ, mbɑ tsɛt ndɑ́-nɔŋpɔꞋ, zʉꞋ yí Pɑyúdɑ cúꞋlɛ́nɛ zúꞋu. Mɔ ŋkɑɑ ḿbɔ́ ńcú yɛcɔ́ nu pɔ ńdʉɔ lʉɔmɛ́nɛ pɔ́.