Mɑ́lɛ́kúshi 1:7 - Kɑɑ Fí

⁷ A kɑ pɔ́ ɛ́sɑ́Ꞌ mbɔ̌ lɑ́Ꞌ ńcú ŋɡɔ: «Wɛcɔ́ ŋu nzʉʉ mɔ ḿbɔ́ ńtɔ́, ɑ tsɑ wɑ́ɑ, ŋ kɑ́ kuꞋ mbɑ nɛŋɔ́Ꞌnɛ sɛ́, ŋ́kíɛꞋ mɛŋkʉ-mɛtɑp mɛ́ pɔ́.

Mɑ́lɛ́kúshi 1:7 ပူးပေါင်းရင်းမြစ်များ

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑtʉ̈ɔ 3:14

Jɑ̂ŋ pɔ́ ńdʉꞋ, ḿbɔ́ ńcú mbɔ̌ wɛ́ ŋɡɔ: «Gu ɡẅɛɛnɛ nɛnuꞋ wɑ́ɑ ŋki, ɔ pɛn ńtɔ́ ŋɡɔ mɔ nuꞋnɛ wú tsɛt ŋki?»

Mɑ́lɛ́kúshi 1:6

Jɑ̂ŋ kɑ pɔ́ kɔ̂ŋtɛt pɔ́Ꞌɔ, ḿmɑꞋ ndẅí, mbɔ pɛ́ kɑ lɔk mɛnuk-nɑɑ ẅi pɛ́ fúŋnɛ ŋɡɔ shɑmɔ̂ɔ ḿbɑ́Ꞌ, ńdɔk ŋɡup-nɑɑ ńtsɔ́ lúꞋ yɛ́. A kɑ pɔ́ ŋ́kwɛ́t ŋɡẅíimɛ ḿbɛn ńjʉ́ lumɔ́nɑɑ.

Mɑ́lɛ́kúshi 1:8

Ɛ́ ɡʉ nǔu mɔ, mbɔ n nuꞋ wʉ́ʉ pɔ tsɛt ŋki. Lɑ́ ɑ ɡʉ ńtɔ́ ńnuꞋ wʉ́ʉ pɔ mbɔ̌ Zẅikŋɛ Lɛ́ɛnɛ́nɛ.»

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Jɑ̂ŋ 1:27

Yɛ́ nu ɡʉ ḿbɑ́ɑtɛ yɑ́ɑ, n zɛ ḿbɔɔ kuꞋ nɛŋɔ́Ꞌnɛ sɛ́ ŋ́kíɛꞋ ŋkʉ-mɛtɑp mɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:25

Jɑ̂ŋ ɡɛ ńtsʉ́Ꞌ nɛmɛkŋɛ fɑꞋ yɛ́, ḿbíkŋɛ lɑ́Ꞌ ŋɡɔ: «Pʉʉ pɑꞋnɛ ḿbɔ́ ŋ́kwɑŋɛ ŋɡɔ mɔ wɔ̌? Ŋ kɑ́ pɔ́ Nzɑ́Ꞌŋkʉ puꞋ pɔ́! Pʉʉ kɛ ńzúꞋ sʉ́Ꞌnɛ, ɑ nzʉʉ mɔ ḿbɔ́ ńtɔ́. N zɛɛ ḿbɔɔ kuꞋ ŋu ẅí ɛ́ lɑɑ ḿbɔ́ ŋ kíɛꞋ ŋkʉ-mɛtɑp mɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 19:4

Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»