Mɑ́lɛ́kúshi 1:5 - Kɑɑ Fí

⁵ Pʉɔ tsʉʉ fú tsɛt pɑk-ŋɡɔŋ-Judɛ̂ ḿbɔ́ ńtɔ́, tɛ mbɑ pʉɔ tsʉʉ Yɛlúsɑlɛm tɔ́ nɛjʉ́ɔ Jɑ̂ŋ ɛ̂wɑ́ ńjʉ́ɔ wɛ́ pɔ́Ꞌɔ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

Mɑ́lɛ́kúshi 1:5 ပူးပေါင်းရင်းမြစ်များ

Mɑtʉ̈ɔ 4:25

Lɑ́Ꞌ mɛnɔɔ mɛnɔɔ fú Ŋɡɑlilɛɛ, ɛ́fú tsɛt mɛtʉ́sɔŋ nɛɡɛ́m, ɛ́fú Yɛlúsɑlɛm, ɛ́fú Judɛ̂ tɛ mbɑ nǔu yɛcɔ́ njʉ́n-ŋki-Juudɛŋ, ńcʉ́ɔ nzʉʉ yɛ́.

Mɑ́lɛ́kúshi 1:4

Ɛ́ ɡɔ́ ńdẅiklɛ wɛcɔ́ ŋu ɡɛ ńcẅɛt kɔ̂ŋtɛt lík yɛ́ pɔ́ Jɑ̂ŋ. Ḿbɔ́ ɛ́sɑ́Ꞌ mbɔ̌ lɑ́Ꞌ ŋɡɔ, pɔ́p kúpmɛ mɑt wɔp, ɑ nuꞋ wɔ́p ŋki, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p.

Mɑ́lɛ́kúshi 1:6

Jɑ̂ŋ kɑ pɔ́ kɔ̂ŋtɛt pɔ́Ꞌɔ, ḿmɑꞋ ndẅí, mbɔ pɛ́ kɑ lɔk mɛnuk-nɑɑ ẅi pɛ́ fúŋnɛ ŋɡɔ shɑmɔ̂ɔ ḿbɑ́Ꞌ, ńdɔk ŋɡup-nɑɑ ńtsɔ́ lúꞋ yɛ́. A kɑ pɔ́ ŋ́kwɛ́t ŋɡẅíimɛ ḿbɛn ńjʉ́ lumɔ́nɑɑ.

Jɑ̂ŋ 1:28

Pɛ́ kɑ pɔ́ ḿbíkŋɛ Jɑ̂ŋ nɛ mɔnɛ mɛnu pɑꞋnɛ Mbɛtɑni, nǔu yɛcɔ́ njʉ́n-ŋki-Juudɛŋ zʉꞋ yí ɑ kɑ pɔ́ ńnuꞋ pʉɔ ŋki zúꞋu.

Jɑ̂ŋ 3:23

Jɑ̂ŋ pɔ́ yɛ́ Ɛnɔn, mbʉʉ Sɑlím ḿbɔ́ ńnuꞋ pʉɔ ŋki ɡúu, mbíꞋŋɡɔ ŋki kɑ pɔ́ zúꞋu tɛꞋ. Pʉɔ pɔ́ ńtɔ́, ɑ nuꞋ wɔ́p ŋki.

Jɑ̂ŋ 5:35

Jɑ̂ŋ kɑ pɔ́ pɔ pɑ́Ꞌ kyɛꞌ yí pɛ́ lyɛtnɛ ńtík ɛ́ pɔ́ ŋ́kyɛꞋ zʉꞋ lɑ́. Ɛ́ kyɛꞌ zʉꞋ, nu pɔŋ wʉ́ʉ lɑ́ ɛ́ pɔɔ nɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 19:18

Nɛzɑ́ɑ pʉɔ pɛ́m nu-Yɛ́su, ḿbɛn ḿbɔ́ ńtɔ́ ńtʉ́ʉ tsɛtsɛt pʉɔ ḿbɛ́m sɑ́ɑnɛ sɑ́ɑnɛ́nɛ ŋɡɔ yúu mi pɔ́p kɑ ɡɛnɛ, ŋkɑɑ pɔŋ.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.