Mɑ́lɛ́kúshi 1:39 - Kɑɑ Fí

³⁹ A cú pɔ́Ꞌɔ, ḿbɔ́ ńnɛn zʉꞋ tsʉʉ tsɛt pɑk-ŋɡɔŋ-Ŋɡɑlilɛɛ, ŋ́kúu tsɛt mɛndɑ́-cúꞋlɛ, ńcẅi Ŋkʉʉ Sʉ́Ꞌnɛ-Sɛ́, ḿbɛn ńzuŋ mɛzẅikŋɛ kɛpɔŋ nǔu pʉɔ.

Mɑ́lɛ́kúshi 1:39 ပူးပေါင်းရင်းမြစ်များ

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑ́lɛ́kúshi 1:21

Pɔ́p pɛ́pɔ́p ɡʉ tɛ ŋ́kúu Kɑpɛɛnɑwûm, ɛ́ pɔ́ lɛ́Ꞌ-nɛjẅiitɛ-pɑyúdɑ, Yɛ́su ɡʉ ndɑ́-cúꞌlɛ, ńzɛ nɛzíꞋ pʉɔ nɛ́ nu-Sɛ́.

Mɑ́lɛ́kúshi 1:23

A ḿbɔ́ sẅiŋɛ wɛcɔ́ ŋu pɔ́ yɛ́ ndɑ́-cúꞌlɛ ɛ̂yɑ́, mbɔ yɛcɔ́ zẅikŋɛ kɛpɔŋ kɑ ɡẅɛɛ wɛ́, ɑ nɑ́ŋ tɛ ŋ́ɡíɛt ŋɡɔ:

Mɑ́lɛ́kúshi 1:38

A pʉ̈ɔt mbɔ̌ pɔ́p ŋɡɔ: «Pɛkŋɛ pɛn ŋ́ɡʉ zʉꞋ ndɛꞋ, tsɛt mɛcɔ́ mɛlɑ́Ꞌ mi ɛ́ shʉ́ zɑ́Ꞌnɛ, ńcẅi Ŋkʉʉ Sʉ́Ꞌnɛ-Sɛ́ mbɑ zúꞋu, mbíꞋŋɡɔ ɛ́ ncẅɛtnɛ ndɑ́ mɑ́ɑ.»

Mɑ́lɛ́kúshi 3:1

Yɛ́su ɡɛ ḿbɛn ŋ́ɡʉ tsɛt yɛcɔ́ ndɑ́-cúꞌlɛ-pɑyúdɑ, wɛcɔ́ ŋu pɔ́ yɛ́ ndɑ́ ɛ̂yɑ́, mbɔ pɔ́ yɛ́ kɑ pfú.

Mɑ́lɛ́kúshi 6:6

Ɛ́ kʉꞋnɛ Yɛ́su tɛꞋ, pɑꞋ pɔ́p kɑ́ zɑ́p tʉ́m nǔu wɛ́ pɔ́. Yɛ́su ɡɛ ɛ́fú zúꞋu, ŋ́ɡʉ ńzɛ nɛnɛn tsɛt mɛlɑ́Ꞌ shʉ́ zúꞋu, ḿbɔ́ ńzíꞋ pʉɔ nɛ́ nu-Sɛ́.

Mɑ́lɛ́kúshi 7:30

A pɛn njɛ́Ꞌ yɛ́ ńjʉ́ɔ, mɔ́ɔ pɔ́tnɛ ńnɔɔ ndǔ kúu mbɔ zẅikŋɛ kɛpɔŋ fú nǔu wɛ́ ńcẅɛt.

Lúkɑ́shi 4:41

Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.