Mɑ́lɛ́kúshi 1:14 - Kɑɑ Fí

¹⁴ Pɛ́ kɑ pɔ́ tɛ ŋ́ɡẅɛɛ Jɑ̂ŋ, ŋ́ɡɔ́ɔ ńníꞋ wɛ́ ndɑ́tsɑ́ŋ, Yɛ́su ɡʉ nɛ́ Ŋɡɑlilɛɛ. Ḿbɔ́ ńcẅi Ŋkʉʉ Sʉ́Ꞌnɛ-Sɛ́ ńcú ŋɡɔ:

Mɑ́lɛ́kúshi 1:14 ပူးပေါင်းရင်းမြစ်များ

Mɑtʉ̈ɔ 11:2

Ɛ́ pɔ́ ŋkɑ́ ɛ̂yɑ́, Jɑ̂ŋ Mbɑptíshi pɔ́ ndɑ́ntsɑ́ŋ, ńzúꞋ pɛ́ pɔ́ ɛ́sẅíŋɛ nǔu mɛnu mí Kɛlístɔ ɡɛnɛ. A túu pɛcɔ́ ɡɑŋku pɛ́ ŋɡɔ pɔ́p ɡʉ ḿbíkŋɛ Yɛ́su ŋɡɔ,

Mɑtʉ̈ɔ 14:2

ɡɔ́ɔ ŋ́kɛ́ ńcú mbɔ̌ pɛtsiindɑ́ pɛ́ ŋɡɔ: «Ŋu ẅí pɛ́ cúnɛ ɑ Jɑ̂ŋ Mbɑptíshi, mbɔ ɑ zẅíimɛ. Ɛ́ yúu mi ɛ́ ɡɛnɛ, lɑ ɑ kuꞋ nɛɡɛ mɛŋkʉꞋnɛ mɛnu.»

Mɑtʉ̈ɔ 4:12

Pɛ́ kɑ níꞋ Jɑ̂ŋ ndɑ́tsɑ́ŋ, Yɛ́su ɡɛ ńzúꞋ, ŋ́ɡʉ nɛ́ Ŋɡɑlilɛɛ,

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Lúkɑ́shi 3:20

Ɛlɔ̂dɛ ɡɔ mɛkŋɛ ńcɔp, ńcú pɛ́ ɡẅɛɛ Jɑ̂ŋ ḿmɑꞋ ndɑ́tsɑ́ŋ.

Lúkɑ́shi 8:1

Yɛ́su ɡɛ ḿbɔ́ ńnɛn tsɛt mɛtʉ́sɔŋ mbɑ tsɛt mɛlɑ́Ꞌ ɛ́sɑ́Ꞌ Ŋkʉʉ sʉ́Ꞌnɛ ńdɔk ńdɛꞋlɛ pɑꞋ nu-nɛfɔɔ-Sɛ́ pɔ́nɛ. Pɔ́p pɛ́ ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́nɛ.

ŊwɑꞋnɛ-Gɑŋntúu Yɛ́su Kɛlístɔ 20:25

Ŋ kɑ lɛɛ tsɛtsɛt pʉʉ pɛtsʉʉ, ńnɛn ɛ́sɑ́Ꞌ pɑ́Ꞌ nu-nɛfɔɔ-Sɛ́ pɔ́nɛ. M bɛn ḿbɔ́ ŋkɔ̂ɔnɛ, ḿbɔ́ ńjí ŋɡɔ pʉʉ kɛ́ lɑ́Ꞌ ḿbɛn ńjʉ́ɔ shʉ́ wɑ́ɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Ɛ́fɛ̂zɛ 2:17

Kɛlístɔ kɑ tɔ́ nɛcẅi Ŋkʉʉ Sʉ́Ꞌnɛ ẅí ɛ́ ɡɑ́nɛ mɔ́fíitɛ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mbɔ pʉʉ ŋ́kɑɑ pɔ́ nɛjɔ́ŋ Sɛ́ pɔ́, ḿbɛn ńcẅi mbɑ mbɔ̌ pɑyúdɑ pi pɔ́p kɑ pɔ́nɛ nɛjɔ́ŋ Sɛ́.