Lúkɑ́shi 9:56 - Kɑɑ Fí

⁵⁶ Ŋ́ɡɛ pɔ́Ꞌɔ pɔ́p pɛ́pɔ́p tsʉꞋ ńdɔk pɔ wɛcɔ́ ndúŋ-lɑ́Ꞌ wɛ ndɛꞋ ńdɔk ŋ́ɡʉ.

Lúkɑ́shi 9:56 ပူးပေါင်းရင်းမြစ်များ

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Mɑtʉ̈ɔ 18:11

Mɔ́ɔ-Ŋu kɑ tɔ́ pɔ nɛlɔɔ pʉɔ pínɛ pɔ́p kɑ pɛ́nɛ ŋ́ɡɛ pɔ́p luk.]

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 5:39

Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Lúkɑ́shi 22:51

Lɑ́ Yɛ́su kɑkŋɛ wɛ́ ńcú ŋɡɔ: «pʉʉ pɔ́tnɛ ńnɑ́ŋ, ɛ́ kɛ ŋ́ɡɔ́ɔ ŋ́kuꞋ pɑ́Ꞌ.» Ŋ́ɡɔ́ɔ ńzɑ́p pɔ́ yɛ́ nǔu nɛtúutɛ ɛ̂nɑ́, ɛ́ fíitɛ.

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

Lúkɑ́shi 9:55

Yɛ́su shɔtnɛ ńdíŋɛ wɔ́p, ńcʉ̈ɔ́k wɔ́p. [Pʉʉ jí ŋɡɔ mɔ́ɔ-ŋu ŋ́kɑɑ kɛ́ ńtɔ́ nɛɡɛ pʉɔmɛsɔŋ kúu pɛ́ pɔ́, ɑ kɑ tɔ́ pɔ nɛɡɛ pɔ́p luk.]

Lúkɑ́shi 9:57

Pɔ́p pɔ́ sɛ̂ndúŋ ḿbɔ́ ŋ́ɡʉ, wɛcɔ́ ŋu tɔ́, ńcú mbɔ̌ Yɛ́su ŋɡɔ: «Ɔ ɡɛ ŋ́ɡʉ ɡʉ́ɔ lɑ́, ŋ kɛ ḿbɔ́ pɔ nzʉʉ ɡu.»

Jɑ̂ŋ 10:10

Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»

Jɑ̂ŋ 12:47

Ŋu lɑɑ zúꞋ sẅiŋɛ yɑ́ɑ mbɔɔ ɡẅɛɛ, mbɔ mɔ kɛ́nɛ ŋɑk wɛ́ pɔ́. MbíꞋŋɡɔ mɔ ŋkɑɑ tɔ́ ndǔmbí nɛŋɑk pʉɔ pɔ́. Ŋ kɑ tɔ́ nɛɡɛ pʉɔ luk.»

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Pʉɔ-Lɔ́mɑ 12:21

Kɔɔ ŋu pɛ́m tɛ nu yi ŋu ɡɛnɛ nǔu wɛ́ tsʉ́ʉnɛ wɛ́, ɑ ɡɛ nu kɛpɔŋ, tɛ ńtsʉ́Ꞌ pɔ́Ꞌɔ, ɑ lɔk nɛɡɛ nu sʉ́Ꞌnɛ, ḿbík nu kɛpɔŋ.

1 Timɔtɛ́ɛ 1:15

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.