Lúkɑ́shi 9:52 - Kɑɑ Fí

⁵² ŋ́ɡɔ ŋ́ɡʉ, ḿbiitɛ ńtúu pʉɔ, pɔ́p ɡʉ tɛ ŋ́kúu tsɛt yɛcɔ́ lɑ́Ꞌ-Sɑmɑlîi, ńdɔ́ɔ zʉꞋ lɑ́ ɑ tɔ́.

Lúkɑ́shi 9:52 ပူးပေါင်းရင်းမြစ်များ

Mɑtʉ̈ɔ 10:5

Yɛ́su ɡɔ́ ńtúu ɡɑŋntúu pɔnɛ ntsɔ̌ppɑ́ nɛ́ nɛɡɛ́m, ńcú mbɔ̌ pɔ́p ŋɡɔ: Kɔɔ pʉʉ ɡʉ tsɛt mɛlɑ́Ꞌ pʉɔ pínɛ pɔ́p kɑ́ pɔ́ Pɑyúdɑ pɔ́, kɔɔ pʉʉ kúu tsɛt mɛtʉ́sɔŋ Pɑsɑmɑlii.

Lúkɑ́shi 10:1

Yɔ nu lɛɛ, Yɛ́su tsɔ́Ꞌ pɛcɔ́ ɡɑŋku pɛ́ ntsɔ̌ppɑ́ mɛɡɛ́m sɑɑmbɑ́, ńtúu wɔ́p pɛ́pɑ́ pɛ́pɑ́ ŋɡɔ pɔ́p piitɛ ḿbɔ́ mbi ńnɛn tsɛt mɛtʉ́sɔŋ pɔ́p mɛzʉꞋ mi ɑ ŋ́ɡɛ ńdɛɛ zúꞋu.

Lúkɑ́shi 10:33

Lɑ́, wɛcɔ́ ŋu-Sɑmɑlîi pɔ́ ŋ́ɡʉ nɛ́ nɛnɛn, ŋ́ɡʉ tɛ ŋ́kúu zúꞋu, ńjʉ́ɔ wɛ́, mɛjʉ́ŋ mɛ́ kɔ́ wɛ́.

Lúkɑ́shi 17:11

Yɛ́su kɑ pɛ́t ḿbɔ́ pɔ sɛ̂ndúŋ ḿbɔ́ ŋ́ɡʉ Yɛlúsɑlɛm, ńdɛɛ nǔu nɛpɑt-lɑ́Ꞌ-Pɑsɑmɑlíyɑ pɔ́p Pɑŋɡɑlílíyɑ.

Lúkɑ́shi 17:16

Ńtɔ́ ńnɔɔ kɛpkɛ́p mbi Yɛ́su, ŋ́ɡɑ́ pɑ́Ꞌlɑ́ mbɔ̌ wɛ́. Ŋɡɑŋ ḿbɔ́ ŋu-Sɑmɑlîi.

Lúkɑ́shi 7:27

Jɑ̂ŋ zɛnɛ ḿbɔ́ ŋu ẅí Sɛ́ kɑ tsʉꞋ nɛcú nu nǔu wɛ́, ńcú pɛ́ ŋwɑꞋnɛ ŋɡɔ: ZuꞋu, ŋ ɡʉ ńtúu mɑ́ntúu wɑɑ, ɑ piitɛ ńtɔ́, ḿbɔ́ ńniitɛ sɛ̂ndúŋ wú lɑ́ ɔ tɔ́.»

Jɑ̂ŋ 4:4

Ɛ́ pɔ́ ḿbíkŋɛ ŋɡɔ ɑ jɛ́Ꞌ wɛ́ tsɛt pɑk-ŋɡɔŋ-Sɑmɑlîi.

Jɑ̂ŋ 4:5

A ɡʉ tɛ ŋ́kúu tsɛt yɛcɔ́ tʉ́sɔŋ-pɑsɑmɑlîi, ẅi pɛ́ fúŋnɛ ŋɡɔ Sikɑɑ, ɛ́ pɔ́ mbʉʉ ŋkɑ́Ꞌ ẅi Yɑkɔ̂p kɑ ɡɑ́nɛ mbɔ̌ mɔ́ɔ nɛ Yɔsɛ̂p.

Jɑ̂ŋ 4:9

Mɑŋɡɛ́-Sɑmɑlîi cú mbɔ̌ Yɛ́su ŋɡɔ: «Ɔ ŋu-Pɑyúdɑ, ḿbɛn ńdɔ́ɔ ŋki nɔ́nɛ mbɔ̌ mɔ mɑŋɡɛ́-Sɑmɑlîi ɔɔ?» A kɑ pɔ́ ńcú pɔ́Ꞌɔ, mbíꞋŋɡɔ pɑyúdɑ pɔ́p Pɑsɑmɑlîi ŋkɑɑ ḿbɔ́ ńzúꞋnɛ pɔ́.

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»