Lúkɑ́shi 9:51 - Kɑɑ Fí

⁵¹ Ŋkɑ́ yi Sɛ́ ɡɛ ńtíi Yɛ́su ńdɔk ḿbɛn nɛ́ tʉ́nɛ́pú ɡɛ ŋ́kuꞋ, Yɛ́su jʉ́ɔ ŋɡɔ ɛ́ zɑ́pmɛ pɑꞋ ɑ ɡɛ ŋ́ɡʉ Yɛlúsɑlɛm, ŋ́ɡɔ́ɔ ŋ́kɛ́ ńdɔ sɛ́ ńcʉ́ɔ sɛ̂ndúŋ kɛ́ pɔ́k,

Lúkɑ́shi 9:51 ပူးပေါင်းရင်းမြစ်များ

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Lúkɑ́shi 12:50

Ɛ́ sɛ́ ḿbíkŋɛ ŋɡɔ pɛ́ ɡɛ ńnuꞋ wɑ́ɑ tsɛt ŋɡʉ̈ɔ́Ꞌ pɑ́Ꞌ pɛ́ nuꞋ ŋu ŋki lɑ́. Yîyɑ́ lɛ́Ꞌ lɑɑ ńdɑ́Ꞌ ḿbɛ́t kɛ́ lɛɛ, m bɔɔ sʉ́Ꞌnɛ zúꞋ!

Lúkɑ́shi 13:22

Yɛ́su kɑ pɛn ńtʉ́ʉ sɛ̂ndúŋ ḿbɔ́ ŋ́ɡʉ Yɛlúsɑlɛm, ńdɛɛ tsɛt mɛtʉ́sɔŋ pɔ́p mɛlɑ́Ꞌ tɛ ńzɑ́ɑ, ńnɛn ńdɛꞋlɛ nu-Sɛ́ mbɔ̌ pʉɔ.

Lúkɑ́shi 17:11

Yɛ́su kɑ pɛ́t ḿbɔ́ pɔ sɛ̂ndúŋ ḿbɔ́ ŋ́ɡʉ Yɛlúsɑlɛm, ńdɛɛ nǔu nɛpɑt-lɑ́Ꞌ-Pɑsɑmɑlíyɑ pɔ́p Pɑŋɡɑlílíyɑ.

Lúkɑ́shi 18:31

Yɛ́su fɑk ɡɑŋku pɛ́ ntsɔ̌ppɑ́ nɛ́ nɛɡɛ́m, pɔ́p pɛpɔ́p tʉ́ʉ, ɑ cú mbɔ̌ pɔ́p ŋɡɔ: «Pʉʉ zúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋnɛ, ŋ́kúu zúꞋu, mbɑ kʉ̈ɔ́ lɑ́ yi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ ntɛ́ Mɔ́ɔ-ŋu puutɛ zúꞋu.

Lúkɑ́shi 19:11

Yɛ́su pɔ́ ńcú nu, lɑ́Ꞌ pɔ́ ńzẅíꞋlɛ tɛ ńcú ḿbɔ́ ŋ́kwɑŋɛ ŋɡɔ nɛfɔɔ-Sɛ́ ɡʉ ŋ́ɡɔ́ɔ ńtɔ́ pɔ ŋkɑ́ ɛ̂yɑ́, ńzɛɛ ŋ́ɡɔ ḿbɔ́, mbɔ ɑ ɡʉ tɛ ńtsʉ́Ꞌ ŋ́kúu pɔ Yɛlúsɑlɛm. Yɛ́su lɔk sɑknɛkɛt ńcú mbɔ̌ pɔ́p ŋɡɔ:

Lúkɑ́shi 19:28

Yɛ́su cú yɔ sɑknɛkɛt mbɔ̌ lɑ́Ꞌ tɛ ḿmik, ńdɛɛ ḿbɔ́ mbi, ḿbɔ́ ḿbʉʉ nɛ Yɛlúsɑlɛm.

Lúkɑ́shi 24:51

A pɔ́ ńníꞋ mbɔ́tnɛ nǔu pɔ́p pɔ́Ꞌɔ, ḿbɔ́ ŋ́kɔ́Ꞌ ŋ́ɡʉ nɛ́ tʉ́nɛ́pú.

Lúkɑ́shi 9:57

Pɔ́p pɔ́ sɛ̂ndúŋ ḿbɔ́ ŋ́ɡʉ, wɛcɔ́ ŋu tɔ́, ńcú mbɔ̌ Yɛ́su ŋɡɔ: «Ɔ ɡɛ ŋ́ɡʉ ɡʉ́ɔ lɑ́, ŋ kɛ ḿbɔ́ pɔ nzʉʉ ɡu.»

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 16:5

Mɔ ŋkɔ̂ɔnɛ pɑ́Ꞌnɛ, ŋ́ɡʉ nɛ́ nɛjɔ́ŋ Tɑ̌ɑ ẅí ɑ kɑ túunɛ wɑ́ɑ. Mɔ sɛ́ ŋ́ɡʉ, wɛcɔ́ ŋu wʉʉ kɛ́ mbɔɔ píkŋɛ wɑ́ɑ ŋɡɔ: «Ɔ ɡʉ pɔ nɛ́ ɡɔ́ pɔ́ pɔ́ ɔɔ?»

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Jɑ̂ŋ 6:62

Lɑ́ pʉʉ lɑɑ ŋ́ɡɔ ńjʉ́ɔ Mɔ́ɔ-Ŋu pɛn ŋ́kɔ́Ꞌ ŋ́ɡʉ nɛ́ zʉꞋ yí ɑ kɑ zɛɛnɛ ḿbɔ́ zúꞋu, pʉʉ ɡɛ pɔ ŋɡɔ́ku?

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 1:9

Yɛ́su kɑ cú yɔ nu tɛ ḿbɔ́tnɛ ńnɑ́ŋ, pɔ́p tʉ́ʉ ḿbɔ́ ńdíŋɛ wɛ́ líŋɛ́nɛ, ɑ kɔ́Ꞌ nɛ́ tʉ́nɛ́pú. Yɛcɔ́ lɑ́ɑ pɔɔ wɛ́, ɑ pɛ́ mík pɔ́p.

Ɛ́fɛ̂zɛ 1:20

Mîmɑ́ mɛtʉʉ mi Sɛ́ kɑ lɔknɛ ŋ́ɡɛ Kɛlístɔ zẅíimɛ tsɛtsɛt pɛpfú, kɔ́Ꞌ tʉ́nɛ́pú ńnɑ́ŋ nǔu ɡúŋ pɔ́ yɛ́ yi tʉʉ.

Filipɛ 3:14

Mɔ sɛ̂ndúŋ ŋ́kʉɔ pɔ ndʉ́ɔlɛ́ nɛkúu zʉꞋ yi ŋ ɡʉnɛ zúꞋu ńcẅɛ́ɛ tsɔ́ꞋfɑꞋ yi Sɛ́ kɑ kɑꞋnɛ nɛɡɑ́ mbɔ̌ pɛkŋɛ tʉ́nɛ́pú. Yîyɑ́ tsɔ́ꞋfɑꞋ pɔ́ nɛpɔ́ nɛjɔ́ŋ Yɛ́su tʉ́nɛ́pú.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Ɛ́bɛlʉʉ 6:20

MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.